Babilrondo estas neformala kaj foje preskaŭ regula kunveno de homoj interesataj pri temo aŭ preciza branĉo de arto, scienco aŭ filozofio, por priparoli kaj informiĝi aŭ kunhavi ideojn kaj opiniojn. Ĝenerale, la kunveno okazas tradicie en loko kia kafejo aŭ trinkejo (ankaŭ tradicie sed ĝenerale ne tiom ofte kaj en pli ruraj etosoj, en interna ĉambro de apoteko aŭ kasino) kaj tie partoprenas personoj de intelekta etoso. Estas ofta kutimo en kelkaj landoj, kiaj Hispanio (tertulia), kie populariĝis ĝis la mezo de la 20a jarcento kaj en hispanamerikaj landoj. En multaj kazoj tiu sistemo ludis gravan rolon en nasko kaj disvastiĝo de diversaj movadoj literaturaj, politikaj, filozofaj ktp, kiaj romantikismo, ekzistadismo ktp. Fine de la 20a jarcento la sistemo transadaptiĝis al aliaj etosoj kiaj radio aŭ televido.
Referencoj
- Andreas Gelz, Tertulia. Literatur und Soziabilität im Spanien des 18. und 19. Jahrhunderts. Frankfurt: Vervuert, 2006.
- Antonio Espina, Las tertulias de Madrid. Madrid, Alianza Editorial, 1995.
- Jose Luis Urreiztieta, Las tertulias de rebotica en España (siglo XVIII-siglo XX); enkonduko de Enrique Tierno Galván, Madrid: Ediciones Alonso, 1985.
- Antonio Mariscal Trujillo, La tertulia española. Sus orígenes y tradición en la provincia de Cádiz, Cádiz, 1998.