Avers
Blazono de Avers
Preĝejo de Cresta, komunumo Avers
komunumo en Svislando
Kantono Grizono
DistriktoMalantaŭa Rejno
KomunumaroAvers
Koordinatoj 46° 28′ 27″ N 9° 30′ 49″ O / 46.47417 °N, 9.51361 °O / 46.47417; 9.51361 (mapo)Koordinatoj: 46° 28′ 27″ N 9° 30′ 49″ O / 46.47417 °N, 9.51361 °O / 46.47417; 9.51361 (mapo)
Nombro de loĝantoj172
Areo93,12 km²
Alteco1960 m super marnivelo
Poŝtkodo7447
Komunumkodo3681
Mapo de Avers

Avers estas komunumo de la komunumaro Avers kaj la distrikto Malantaŭa Rejno en Kantono Grizono, Svislando. Ĝi havis 172 loĝantojn je la 31-a de decembro 2009.

Geografio

La teritorio de la komunumo Avers kongruas kun la valo kaj komunumaro Avers. La valon trafluas la Rejno de Avers, sudorienta fontrivero de Malantaŭa Rejno. La komunumo Avers konsistas de nordo al sudo el la vilaĝoj kaj setlejoj Campsut (germane Oberplatta), Cresta (la ĉefvilaĝo, kie troviĝas la komunuma administracio kaj la preĝejo), Pürt, Am Bach, Juppa kaj Juf (kiu estas sur alteco de 2126 m s.m. la plej alte situnata tutjare loĝata vilaĝo en Eŭropo).

Najbarajo komunumoj

La komunumo Avers limas en nordo al Ferrera, en nordoriento al Mulegns, en oriento al Bivio, en sudo al Bregaglia, kaj en okcidento al Piuro (Italio).

Trafiko

Avers situas komplete for de la gravaj trafikvojoj. Dum romia epoko ĝis mezepoko la Septimopasejo, al kiu la aliro pasas tra la valo de Avers estis grava vojo de nordo al sudo. Nuntempe tra tiu pasejo kondukas nura piedpado. La veturebla vojo, kiu kondukas de Zillis al la valo, finiĝas en Juf. Sur ĝi cirkulas poŝtaŭtolinio, kiu konektas la komunumon al la publika transportreto.

Historio

La unua dokumenta mencio de Avers datiĝas el la jaro 1292 kiel Anue. La unua daŭra setlejo en la valo de Avers estas verŝajne la gastejo sur Septimopasejo, kie setlis romanĉlingvanoj. Ek de 1280 al la valo almigris valzoj, kiuj unue setlis tute supre en la valo, sed iom post iom loĝadis en la tuta valo kaj germanigis ĝin. Ĝis en la 14-a jarcento la valzaj setlejoj de Avers estis protektaĵo de la urbo Como. Komence de la 14-a jarcento la episkopo de Koiro fariĝis la landa mastro de Avers. [1]

Vidu ankaŭ

Notoj kaj referencoj

  1. ↑ Fonto: Hermann Weber: Avers en Historia Leksikono de Svislando (2009-09-03)

Eksteraj ligiloj


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.