Arlindo Castor de Lima estis (1917-2007) esperantisto el la brazila subŝtato Norda Rio-Grando.

Unu el la fondintoj de Potigvara Esperanto-Asocio, kunordiga instanco de la Esperanto-movado en tiu subŝtato, kies unua sekretario li estis, kaj poste, dum jaroj, ĝia prezidanto.

Li multe laboris por la informado kaj instruado de la lingvo, kiun li amis tutkore kaj dediĉis grandan parton de liaj vivklopodoj al ĝia disvastigo en Natal kaj aliaj urboj de tiu subŝtato.

Li estis fervora, senlaca kaj entuziasm(ig)a propagandisto de nia lingvo. Ankoraŭ juna, kiel oficisto de la poŝto (li estis telegrafisto) li laboris en pluraj internlandaj urboj de tiu subŝtato. En ĉiuj el ili li instigis la fondon de esperantistaj grupoj, kiuj ekfunkciis per kursoj de li persone gviditaj.

Tiu lia internlanda laboro estis ĉesigita pro la ekpartopreno de Brazilo en la Dua Mondmilito, kio devigis lin forlasi la laboron kaj militservi.

Post la fino de la milito, li edziĝis kaj fiksis sian loĝlokon en Natal, kie li daŭrigis sian fruktodonan agadon).

En ĉi-lasta urbo, li disvastigis la lingvon senlace en la publikaj lernejoj, disaŭdigis dum pluraj jaroj radioprogramon en Esperanto (Radio Poti - ZY), inkluzive per kurtondoj, kiel oni konstatas el radirubrikoj de la revuo Esperanto.