La argiltabuleto (aŭ argila tabuleto aŭ tabuleto da argilo) estas unu el plej antikvaj materialoj por skribo de la homaro. Sur molan argilon oni skribis per kalamo, kaj la tabuletoj estis sekigitaj per sunvarmo, krom tiuj kun gravaj arkivindaj tekstoj, kiuj estis bakitaj.
La malgravaj tabuloj estis detruitaj kaj reciklitaj, sed ili povis esti akcidente bakitaj en incendio.
Tiaj tabuletoj estis ĉefe uzitaj en la regionoj de la fekunda duonluno ekde la 4-a jarmilo a.K. (civilizoj de Sumero, Babilono, Asirio), kaj de Hititoj. Ili estis la substrato de la kojnoskribo.
Ankaŭ la linia skribo A, nemalĉifrata lingvo de Kreto, kaj linia skribo B, praa formo de la antikva greka lingvo de la 14-a jarcento a.K. estis gravuritaj sur argilajn tabuletojn.
En Helena mitologio, la Muzo de historio, Klio, havas argiltabuleton kiel simbolo.
Bildaro
Sumera kontrakto pri vendo de domo kaj kampo_-_Foto_G._Dall'Orto_28-5-2006.jpg.webp)
Traktato de Qadeŝ inter la Hititoj kaj Egiptio
Restaĵoj de la linia skribo A
Listo de la venkoj de Rimuŝ, reĝo de Akad
Eksteraj ligiloj
- france Substato: la argilo
- france Mezopotamiaj tabuletoj, el Muzeo de Vatikano
- france kiel fari kojnoskriban tabuleton Arkivigite je 2010-01-05 per la retarkivo Wayback Machine