| Distrikto Arbon | |
|---|---|
 Blazono de Arbon | |
 La urbo Arbon kun haveno | |
 Mapo de la distrikto Arbon | |
| distrikto de Svisio • Distriktoj de Kantono Turgovio | |
| Kantono | Turgovio |
| Ĉefloko | Arbon |
| Koordinatoj | 47° 31′ N 9° 26′ O / 47.517 °N, 9.433 °O (mapo)Koordinatoj: 47° 31′ N 9° 26′ O / 47.517 °N, 9.433 °O (mapo) |
| Nombro de loĝantoj | 51118 (2009-12-31) |
| Areo | 88,8 km² |
| Loĝantardenseco | 76 loĝantoj/km² |
| Federacia Kodo | 2011 |
Distrikto Arbon estas administra unuio de Kantono Turgovio en Svislando. Ĝi nombris 38021 loĝantojn la 31-an de decembro 2007. Post la ampleksigo de la distrikto jun efiko de la 1-a de januaro 2011 la distrikto nombtris laŭ la ciferoj de la 31-a de decembro 2009 51118 lonĝantojn.
Geografio
La distrikto havas areon de 69,7 km². Ĝia ĉefloko estas la urbo Arbon. La distrikto Arbon situas en la nordoriento de Turgovio ĉe la bordo de Bodenlago kaj sur la montoĉeno Seerücken. Kun Horn la distrikto disponas tute en oriento pri enklavo en Kantono Sankt-Galo.
Trafiko
Tra la distrikto pasas unuflanke la fervojlinio de Svisaj Federaciaj Fervojoj al Rorschach laŭlonge de la norda bordo de Bodenlago al Kreuzlingen kaj aliflanke la linio de Romanshorn tra Vinterturo al Zuriko. Krome estas la linio de Svisaj Sudorientaj Fervojoj de Romanshorn tra Sankt-Galo al Lucerno. Sur Bodenlago trafikas diversaj liniŝipoj kaj ekzistas pramŝiplinio de Romanshorn al Friedrichshafen.
Ekonomio
La urboj Romanshorn kaj Arbon estas sidejo de diversaj firmaoj de nacia aŭ eĉ internacia signifo. Samtempe la regiono pro la beleco de la lago ankaŭ allogas turismon. La regiono de Seerücken aliflanke konservis sian kamparan karaktercon kaj vivas ĉefe de agrikulturo.
Historio
En la distrikto Arbon apud la bordo de Bodenlago jam dum la neolitiko kaj la bronzepoko ekzistis homaj setlejoj, kiel diversaj trovitaj ruinoj kaj restaĵoj pruvas. Pro la diversaj trovaĵoj oni parolas pri la Arbon-kulturo. En mezepoko la regantoj de la regiono estis unuflanke la princabato de la Monaĥejo Sankt-Galo kaj aliflanke la episkopo de Konstanco, inter kiuj ĉiam ekzistis rivaleco. Kiam en la jaro 1460 Turgovio estis konkerita de la Svisa Ĵurkomunumo la svisoj ankaŭ pri la regiono de Arbon akiris la potencon. Dum la Helveta Revolucio en la jaro 1798 la regiono liberiĝis de la Ĵurkomunumo kaj en la jaro 1803 la nova Kantono Turgovio fondiĝis kaj la distrikto Arbon fariĝis unu el ĝiaj administraj unuoj. En tiu tempo ekzistis la plano aligi la enklavon Horn al Kantono Sankt-Galo, sed pro la rezisto de la loĝantoj kaj la apogo el Arbon, Horn fine restis parto de distrikto Arbon kaj Kantono Turgovio.
Sur baze de la nova leĝo pri la komunumoj de Kantono Turgovio kun efiko de la 1-a de januaro 2011 al la distrikto estis aldonita la komunumo Amriswil.
Komunumoj de la distrikto Arbon
Al la distrikto Arbon apartenas je la fino de 2008 la sekvantaj dek-unu komunumoj:
| Blazono | Nomo | Loĝantoj (Dec 2009) |
Areo in km² |
Komunuma n-ro |
|---|---|---|---|---|
 | Amriswil | 11941 | 19.1 | 4461 |
| Arbon | 13'490 | 5.9 | 4401 |
 | Dozwil | 597 | 1.4 | 4406 |
 | Egnach | 4290 | 18.5 | 4411 |
 | Hefenhofen | 1187 | 6.1 | 4416 |
 | Horn | 2586 | 1.7 | 4421 |
 | Kesswil | 987 | 4.4 | 4426 |
 | Roggwil | 2874 | 11.9 | 4431 |
 | Romanshorn | 9640 | 8.7 | 4436 |
 | Salmsach | 1294 | 2.6 | 4441 |
 | Sommeri | 520 | 4.2 | 4446 |
 | Uttwil | 1712 | 4.3 | 4451 |
| Totale | (11) | 51118 | 88.8 | 2011 |
Eksteraj ligiloj
- Oficiala retpaĝo pri la distrikta tribunalo de Arbon Arkivigite je 2008-12-24 per la retarkivo Wayback Machine
| ||||||
| ||||||
