Aravali-Montaro
Aravali-Montaro estas montoĉeno en nordokcidenta Barato. Ĝi etendiĝas en sudokcident-nordorienta direkto sur preskaŭ 600 km de norda Guĝarato tra tuta Raĝastano ĝis Harjano.
La montoĉeno estas dividata per multaj ravinoj. La ĉefaj partoj estas Sambhar-Sirohi-Montaro en la sudo (alteco ĝis 1722 m – Guru Siĥar) kaj Sambhar-Ĥetri-Montaro en la nordo (alteco ĉ. 1000 m).
Geologie ĉi tiu faltomontaro estas resto de la plej maljuna parto de la Hinda subkontinento.
Aravali-montaro estas klimato- kaj akvodispartigejo inter dezerto Tar en okcidento kaj la fekundaj ebenaĵoj de Raĝastano en oriento.
Vidu ankaŭ
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.