.jpg.webp)
| Ernen | |
|---|---|
 Blazono de Ernen | |
| Blazono de Ernen | |
 Ernen | |
| Ernen | |
| komunumo en Svislando | |
| Kantono | Valezo |
| Distrikto | Goms |
| Koordinatoj | 46° 24′ 0″ N 8° 8′ 49″ O / 46.40000 °N, 8.14694 °O (mapo)Koordinatoj: 46° 24′ 0″ N 8° 8′ 49″ O / 46.40000 °N, 8.14694 °O (mapo) |
| Nombro de loĝantoj | 541 |
| Areo | 35,38 km² |
| Alteco | 1196 m super marnivelo |
| Poŝtkodo | 3995 |
| Komunumkodo | 6056 |
 Mapo de Ernen | |
| Situa mapo de Ernen | |
Ernen estas komunumo en la distrikto Goms en Kantono Valezo, Svislando. Ĝi havis 541 loĝantojn je la 31-a de decembro 2012.
Geografio
La komunumo Ernen Ernen situas en la Supra Valezo ĉe la sudorienta flanko de la rivero Rodano. Ernen apartenas al la regiona naturparko Binn-Valo. La komunumo konsistas el la vilaĝoj Aragon, Ausserbinn, Ernen, Mühlebach, Niederernen kaj Steinhaus, kaj diversaj izolitaj bienoj kaj alpopaŝtejoj.[1]
La teritorio de la komunumo etendiĝas sur areo de 35,38 km², de kiuj 35,2% estas kovritaj de arbaro, 34,9% servas por agrikulturo kaj 1,6% por setlado. La cetera parto de la komunuma teritorio estas senarba altmontara dezerto.[2]
Najbaraj komunumoj
La komunumo Ernen limas en nordo al Niederwald, en nordnordoriento al Blitzingen, en nordoriento al Grafschaft, en oriento al Reckingen, en sudo al Binn, en sudokcidento al Grengiols, en okcidento al Lax, en nordoriento al Fiesch, kaj en nordnordoriento al Bellwald.
Trafiko
Ernen situas komplete flanke de la gravaj trafikvojoj. Al la komunumo kondukas nur unu kurboriĉa veturebla flanka vojo de Lax. Pere de poŝtaŭtolinio de Ernen al la stacidomo de Fiesch la komunumo estas konektita al la publika transportreto.
Historio
La unua dokumenta mencio de Aragon datiĝas el la jaro 1214 kiel Aragnon. La majorejo Ernen estis menciita la unuan fojon en la jaro 1135. Al ĝi estis tiam submetita la tuta regiono Goms. En la 14-a jarcento la valeza Dekono Goms estis divitita al la majorejoj Ernen kaj Münster. La supera jurisdikcio tamen dum la tuta mezepoko apartenis al Ernen, kie ankaŭ troviĝis la dekona tribunalo. La ankoraŭ ekzistanta pendumilo de Ernen, kiu estis renovigita en la jaro 1702, kaj la tribunala konstruaĵo rememoras tiun epokon. Kun efiko de la 1-a de januaro 2005 la ĝis tiam aŭtonomaj komunumoj Ausserbinn,Mühlebach kaj Steinhaus estis integritaj al la teritorio de la komunumo Ernen.[3]
Bildoj
Pastra preĝejo Sankt-Geogrgo en Ernen
Tell-domo en Ernen
Pendumilo de Ernen
Referencoj
Eksteraj ligiloj
- Vidu ankaŭ en la Vikimedia Komunejo la kategorion Ernen – (Kolekto de bildoj kaj plurmediaj dosieroj)
| ||||||
