 Kiel legi la taksonomion | ||||||||||||||||
|---|---|---|---|---|---|---|---|---|---|---|---|---|---|---|---|---|
 | ||||||||||||||||
| Biologia klasado | ||||||||||||||||
| ||||||||||||||||
| Deschampsia antarctica E.Desv. 1854 | ||||||||||||||||
Aliaj Vikimediaj projektoj | ||||||||||||||||
Antarkta hargreso (Deschampsia antarctica) estas unu el la nur du enlandaj angiospermoj de la Antarkta ekozono, la alia estante antarkta perloradiko (Colobanthus quitensis). [1].
Priskribo
La antarkta hargreso estas herbotufkonstituanta staŭdo. Ĝi altas 10 ĝis 30 centimetrojn. La ligulo longas 4 ĝis 8 milimetrojn. La folio estas mallarĝa, rulita kaj larĝas ĉirkaŭ 2,5 ĝis 3 milimetrojn.
La infloresko estas malkompakta paniklo kiu longas 5 ĝis 20 centimetrojn. La tigitaj spiketoj longas 5 ĝis 7 milimetrojn, portas du aŭ tri floretojn, kaj staras unuope sur la harkovritaj floraksoj.
La frukto estas malhelbruna kariopso kiu longas 1 ĝis 1,2 milimetrojn.
Disvastiĝo
La specio troviĝas en suda Sudameriko, en la subantarktaj insuloj, kaj en la antarkta kontinento.
Kaŭze de la tutmonda varmiĝo, pli da semoj kapablas ĝermi, kreante multe da ĝermoplantoj kaj plantidoj. Referaĵoj indikas ke estiĝas dudekkvinfoja multoblo de plantoj kiel rezulto. Tiu kaŭzis la plivastiĝon de tiu specio suden kaj la okupadon de pli grandaj areoj. La arealo de antarkta hargreso etendiĝas pli sude ol la 56-a cirklo de suda latitudo.
Vidu ankaŭ
Referencoj
Bibliografio kaj eksteraj ligiloj
- angle Clayton, W.D. ; Harman, K.T.; Williamson, H. 2002 : World Grass Species: Descriptions, Identification, and Information Retrieval. Priskribo de antarkta hargraso
- angle Gielwanowska, Irena ;Szczuka,Ewa; Bednara, Józef; Górecki, Ryszard 2005 : Anatomical Features and Ultrastructure of Deschampsia antarctica (Poaceae) Leaves from Different Growing Habitats. In: Annals of Botany, 96:6, pp. 1109-1119, Priskribo de antarkta hargreso
- angle Bildo de antarkta perloradiko kaj antarkta hargreso Arkivigite je 2005-09-26 per la retarkivo Wayback Machine