| Anggun | |
|---|---|
 Anggun, 2005 | |
| Bazaj informoj | |
| Naskonomo | Anggun Cipta Sasmi |
| Naskiĝo | 29-an de aprilo 1974 (49-jaraĝa) en Ĝakarto |
| Edz(in)o | Cyril Montana • Christian Kretschmar-Anggun |
| Deveno | Ĝakarto, Javo, Indonezio |
| Ĝenroj | Varieteo, Pop-muziko, Ritmenbluso |
| Profesio | Kantistino |
| Instrumentoj | Voĉo |
| Aktivaj jaroj | Ekde 1986 |
| Eldoninto | Warner Music, Sony Music |
| Retejo | www.anggun.com |
| Signifa instrumento | |
| Piano | |
Anggun (naskiĝnome Anggun Cipta Sasmi; naskiĝis la 29-an de aprilo 1974 en Ĝakarto, Javo) estas indonezi-devena, nun franca kantistino. En 1997, Anggun iĝis la unua azia kantisto kiu publikigis internacian albumon (Neĝo de la Saharo) en 33 landoj.
En 2006, Sony BMG Indonezio publikigis 'la plej bonan de tiu kantistino sur la indonezia merkato (inkluzive de tri sukcesoj en la indonezia, ŝia gepatra lingvo). Tri tagojn poste ŝi ricevis en Ĝakarto la Legend Asian Artist Award.
Sukcesinte sur scenejo en Indonezio, ŝi decidis okupiĝi pri internacia kariero kaj forlasis Indonezion en 1994 por iri loĝi en Londono dum proksimume unu jaro, poste ŝi transloĝiĝis al Parizo, kie ŝi renkontis la produktiston Eric Benzi, kiu poste helpis ŝin subskribi kontrakton kun Sony Music Francio. En Francio ŝi surbendigis ŝian unuan francan albumon Au Nom de la Lune (Nome de la luno) en 1996.
La 16-an de oktobro 2009 Anggun estis nomumita Bonvola Ambasadoro de la Organizaĵo pri Nutrado kaj Agrikulturo de Unuiĝintaj Nacioj (FAO).
Elektita fare de la televidstacio France 3, ŝi reprezentis Francion ĉe la Eŭrovido-Kantokonkurso 2012 en Bakuo kun la kanto Echo (You and I), vicigante dudek-duan.
Lingvoj
Anggun parolas la indonezian, la javan, la nederlandan, la anglan, la francan kaj la italan.
La specifeco de Anggun estas kombini malsamajn muzikajn influojn kaj povi kanti en tri lingvoj. Ĉiu el ŝiaj albumoj aperas en almenaŭ tri versioj, unu franca, unu angla kaj unu indonezia. Anggun ĝenerale komponas en la angla, kaj ŝi tiam kuniĝas kun kunaŭtoroj (Jean Fauque,Tété, Lionel Florence, Evelyne Kral por la tria albumo, sed ankaŭ Erick Benzi aŭ Jacques Veneruso, Gildas Arzel) por readapti ilin en la franca. .
En 2007 ŝi uzis sian voĉon por la franca versio de la filmo Un jour sur Terre.
Eŭrovido-Kantokonkurso 2012
La 29-an de novembro 2011, franca televido "France 3", konfirmis ke Anggun reprezentos Francion en Eŭrovido-Kantokonkurso okazonta la 26-an de majo 2012 en Bakuo, Azerbajĝano[1]. Ŝi interpretis la kanzonon Echo (You and I) (Eĥo (Vi kaj mi)) kaj atingis la 22-an pozicion en la finalo.
Diskaro
Indoneziaj albumoj
- 1986: Dunia Aku Punya
- 1991: Anak Putih Abu Abu
- 1992: Nocturno
- 1993: Anggun C.Sasmi... Lah!!!
- 1994: Yang Hilang
Francaj albumoj
- 1997: Au nom de la lune
- 2000: Désirs contraires
- 2005: Luminescence
- 2008: Élévation
- 2011: Échos
Anglaj albumoj
- 1997: Snow on the Sahara
- 2000: Chrysalis
- 2002: Open Hearts
- 2005: Luminescence
- 2007: Best of
- 2008: Elevation
- 2011: Echoes
Referencoj
- ↑ Anggun is going to shine for France! (29 Novembro 2011).
Vidu ankaŭ
Eksteraj ligiloj
- Oficiala retejo
- Paĝo pri Anggun en Retejo de Eŭrovido-Kantokonkurso 2012
- Anggunesia, indonesia fanretejo de Anggun