| Sankta | |||||
| Andrzej Bobola | |||||
|---|---|---|---|---|---|
 | |||||
| Persona informo | |||||
| Andrzej Bobola | |||||
| Naskiĝo | 30-an de novembro 1591 en Strachocina, Sandomierz Voivodeship,  Respubliko de Ambaŭ Nacioj | ||||
| Morto | 16-an de majo 1657 (65-jaraĝa) en Ivanava, Grandprinclando Litovio, Respubliko de Ambaŭ Nacioj | ||||
| Tombo | Saint Andrew Bobola Sanctuary in Warsaw vd | ||||
| Religio | katolikismo vd | ||||
| Lingvoj | pola vd | ||||
| Ŝtataneco | Respubliko de Ambaŭ Nacioj vd | ||||
| Alma mater | Collegium Hosianum vd | ||||
| Familio | |||||
| Dinastio | Q9174796 vd | ||||
| Patro | Mikołaj Bobola vd | ||||
| Parencoj | Wojciech Bobola vd | ||||
| Profesio | |||||
| Okupo | misiisto • religiulo • predikisto • katolika sacerdoto vd | ||||
| Laborkampo | kristanismo vd | ||||
| |||||
| |||||
| Sanktulo | |||||
| vd | Fonto: Vikidatumoj | ||||
Andrzej BOBOLA blazono Leliwa (naskiĝis la 30-an de novembro 1591 en Strachocina apud Sanok, mortis la 16-an de majo 1657 en Janów (Bresta regiono) – pola katolika kleriko, jezuito, misiisto, predikisto, martiro, sanktulo de Katolika Eklezio, aŭtoro de la teksto de Lvovaj religiaj votoj de la reĝo Johano la 2-a Kazimiro, nomata apostolo de Polesio kaj unu el katolikaj patronaj sanktuloj de Pollando.
Vivo
Andrzej Bobola devenis de nobeloj, setliĝintaj en la historia regiono Malgrandpolujo. Lia patro Mikołaj Bobola estis farmisto de komunumparto de Strachocina (distrikto Sanok), kiel unu el reĝaj posedaĵoj. En 1606, kiam komencis studojn, en batalo apud Moskvo pereis lia kuzo Wojciech Bobola.
En la jaroj 1606–1611 studis en kolegio de jezuitoj en Braniewo, kaj poste la 31-an de julio 1611 eniris al la ordeno kaj novicadis en Vilno, kie lia majstro-konfesprenanto estis pastro Wawrzyniec Bartilius (1569–1635) jezuito, filozofo kaj teologo.
Religiajn votojn plenumis la 31-an de julio 1613. En la jaroj 1613–1616 studis filozofion en Universitato Vilno; en la jaroj 1618–1622 studis tie ankaŭ teologion, tamen ne pasis lastan, la plej gravan ekzamenon. La 12-an de marto 1622 ricevis ordinacion.
Dum unu jaro estis preĝejrektoro en Nieśwież, Minska regiono, (1623–1624), kie kune kun princo Albrycht Stanisław Radziwiłł strebis al solena agnosko de Dipatrino, en religia voto fare de la reĝo de Pollando, kiel reĝino de Pollando, kio plenumiĝis en Lvovo la 1-an de aprilo 1656. En la jaroj 1624–1630 estis predikisto kaj konfesprenanto en la preĝejo Sankta Kazimiro en Vilno. Ankaŭ plenumis funkcion de rektoro kaj konsilanto de preposto en tiu ĉi preĝejo.
Bibliografio
- Kazimierz Drzymała, Święty Andrzej Bobola, en: Polscy święci (Polaj sanktuloj). redaktis Joachim Roman Bar, volumo 9, Akademia Teologii Katolickiej, Varsovio 1986, p. 67–127. OCLC 69582107.
- Pastro Józef Niżnik, Św. Andrzej Bobola – życie, objawienia, cuda (Sankta Andrzej Bobola - vivo, revelacioj, mirakloj) Wydawnictwo AA, Krakovo 2016, ISBN 978-83-7864-401-9. OCLC 953147735
Eksteraj ligiloj
- Sanktuarium św. Andrzeja Boboli w Strachocinie. (paroĥa paĝo) strachocina.przemyska.pl