| András Mihály | |
|---|---|
| Persona informo | |
| Naskonomo | Mauthner András |
| Naskiĝo | 6-an de novembro 1917 en Budapeŝto |
| Morto | 19-an de septembro 1993 (75-jaraĝa) en Budapeŝto |
| Tombo | Tombejo Farkasrét |
| Lingvoj | hungara |
| Ŝtataneco | Hungario |
| Alma mater | Muzikakademio Franz Liszt |
| Familio | |
| Edz(in)o | Csilla Varga • Klára A. Pfeifer |
| Infano | Tamás Mihály |
| Okupo | |
| Okupo | komponisto • dirigento • violonĉelisto |
András MIHÁLY [andrAŝ mihAj], laŭ hungarlingve kutima nomordo Mihály András estis hungara dirigento, komponisto, violonĉelisto kaj profesoro.
András Mihály naskiĝis, kiel Mauthner András la 6-an de novembro 1917 en Budapeŝto. Li mortis la 19-an de septembro 1993 en Budapeŝto.
Biografio
András Mihály studis en Muzikarta Altlernejo Ferenc Liszt inter 1934-1938, kie li lernis ekzemple de Leó Weiner, Pál Kadosa. Inter 1941-1946 li dirigentadis parte laboristajn korusojn, parte li ludis en memfondita arĉista kvaropo. En 1944 li iĝis deportita al Buchenwald. Hejmenveninta li aliĝis al orkestro de Budapeŝta Ŝtata Operejo, kiel violonĉelisto. Ekde 1949 li instruis en la Altlernejo, inter 1962-1978 li havis postenon en Hungara Radio. Inter 1978–1987 li estris Operejon de Budapeŝto. Li havis edzinon kaj 2 filojn. Li ricevis premion Kossuth en 1955, pli frue kaj poste ankaŭ aliajn premiojn.