FARKAS András (farkaŝ) estis hungara apotekisto naskita en Torda la 8-an de decembro 1909 kaj mortinta en Budapeŝto la 31-an de januaro 1972.

Kariero

András Farkas studis inter 1929-34 en la fakultato pri medicino de la universitato de Segedo. En 1934 li interrompis siajn studojn kaj revenis en Transilvanion. En 1937 li iĝis apotekista praktikanto en Budapeŝto, en 1939 li faris praktikadan ekzamenon kaj en jaroj 1940-47 li estis praktikanto, poste apotekisto (Bp. Fő utcai Fekete Medve Patika). En 1950 li doktoriĝis pri farmakologio. De 1948 li estis demonstranto (Gyógyszerészeti Intézet) de Budapeŝto, de 1950 asistanto, de 1956 adjunkto, de 1961 docento en la universitato. En 1950-59 li estis anstataŭanto-sekciestro en la laboratorio Galenus, de 1959 ĝia instrua kaj administra gvidanto. De 1958 li estis komisiita preleganto de farmacia propedeŭtiko. Post sia pensiuliĝo (1971) li estis scienca konsilanto. Li verkis plurajn notlibrojn kaj studojn.

Libro

• Főzet és forrázat (jegyzet, Bp., 1957).

Fonto

• Magyar Életrajzi Lexikon