La fama filmkiso inter George Peppard kaj Audrey Hepburn ĉe la fino de Breakfast at Tiffany's (1961). La filmo ankaŭ estas ekzemplo de romantika komedio.

Amafera filmo estas kinematografia ĝenro kies intrigo centras sur amrakonto centrita pri volupto, emocio, la romantika amo inter la ĉeffiguroj kaj ilia rilato. Kutime, dum la filmo la roluloj spertas streĉitecojn en siaj ĉiutagaj vivoj, malhelpojn kaj financajn kaj sanproblemojn kaj en kelkaj kazoj unu rolulo travivas malfidelon de la alia partnero [1].

Tyrone Power pasie brakumas Alice Faye en la 1938 filmo Alexander's Ragtime Band.

Romantikaj filmoj foje esploras malsamajn temojn inter paroj kiel amo ĉe unua vido, Nereciproka amo, obseda amo, sentimentala amo, spirita amo, malpermesita amo, platona amo, seksa amo, eksplodema kaj detrua amo, tragedia amo kaj pli. Romantikaj filmoj estas uzataj de spektantoj kiel fantazio aŭ fuĝo de realeco. Memkompreneble, en romantikaj televidserioj, la evoluo de la rilato inter partneroj povas esti disvastigita dum pluraj epizodoj.

Subĝenroj

Afiŝo por Forigita per la vento (1939).
Salah Zulfikar pasie brakumas Shadia en la 1965 filmo Dearer than my Life (Pli kara ol mia Vivo)

La ĝenro de enamiĝo povas inkluzivi la subĝenrojn listigitajn malsupre, kiuj mem inkluzivas elementojn de aliaj tipoj:

  • Romantika dramo - la intrigo en ĉi tiu tipo de filmo kutime rondiras ĉirkaŭ obstaklo, kiu malhelpas du homojn plenumi sian amon kaj sekvas diversajn problemojn en ilia rilato. Ĉefaj ekzemploj de ĉi tiu speco de filmoj: Midnight Sun, The Best of Everything, Interlude, Love Story, The Bridges of Madison County, The Wounded Englishman, Casablanca, To Have and Have Not, Memoirs of a Geisha, Ultimo tango a Parigi, Water for Elephants kaj A Walk To Remember [2].
  • Romantika Komedio - Filmoj de ĉi tiu tipo estas kutime malpezaj, kun humuraj intrigoj, kaj kiuj temigas romantikajn idealojn kiel ekzemple vera amo. En ĉi tiuj specoj de filmoj, la humuro tendencas esti laŭvorta, kontraste al la slapstika stilo. [3] Ĉefaj ekzemploj de ĉi tiu tipo de filmoj: Love Actually, Moonstruck, As good as it gets, Por amar sin ley kaj It Happened One Night.
  • Romantika agada komedio - filmoj, kiuj kombinas la ĝenrojn de agado kaj romantika komedio. Ĉefaj ekzemploj de ĉi tiu tipo de filmoj: Killers, Knight and Day, Mr. and Mrs. Smith, This Means War kaj The Bounty Hunter.
  • Romantika suspensfilmo - kinematografia ĝenro, kiu kombinas intrigojn kun romantikaj elementoj kaj elementoj de la suspensfilma ĝenro. Ĉefaj ekzemploj de ĉi tiu tipo de filmoj: Against All Odds, Phantom of the Opera, The Turist, The Bodyguard, Traitor kaj Three in the Park [4].
  • Porknabina filmo - ĉi tiu koncepto ofte rilatas al romantikaj filmoj, kies ĉefa celgrupo estas virinoj. [5] [6] Kvankam tiu ĝenro estas klasifikita kiel subĝenro de enamiĝfilmo, knabina filmo ne nepre prezentas romantikan rakonton en la centro de la intrigo de la filmo aŭ sekvas romantikan evoluon inter la roluloj, kaj en kelkaj kazoj ekzistas neniu romantika rilato en ĉi tiu speco de filmo entute. Ĉefaj ekzemploj de ĉi tiu tipo de filmoj: Fiero kaj Antaŭjuĝo, Eat Pray Love, Steel Magnolias.

Vidu ankaŭ

Referencoj

  1. ↑ Romance Films, www.filmsite.org
  2. ↑ Dixon, Wheeler W. (2000), Film genre 2000: new critical essays, The SUNY series, cultural studies in cinema/video, SUNY Press, p. 238, (ISBN 0-7914-4514-3), http://books.google.com/books?id=dgzACTHIAcsC&pg=PA238
  3. ↑ http://www.allrovi.com/movies/subgenre/romantic-comedy-d529
  4. ↑ http://www.allrovi.com/movies/movie/wicker-park-v286560
  5. ↑ (2009) Oxford English Dictionary, 2nd edition, on CD-ROM Version 4.0. Oxford: Oxford University Press. ISBN 978-0-19-956383-8.
  6. ↑ (2010) New Oxford American Dictionary, Third Edition. New York: Oxford University Press. ISBN 978-0-19-539288-3.

Eksteraj ligiloj

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.