 Kiel legi la taksonomion | ||||||||||||
|---|---|---|---|---|---|---|---|---|---|---|---|---|
 Altkreska junipero en Kenjo | ||||||||||||
| Biologia klasado | ||||||||||||
| ||||||||||||
| Juniperus procera Hochst. ex Endlicher | ||||||||||||
| Konserva statuso | ||||||||||||
Aliaj Vikimediaj projektoj | ||||||||||||
La altkreska junipero (Juniperus procera), estas koniferarbo hejma en la montaroj de orienta Afriko ekde orienta Sudano, suden ĝis Zimbabvo, kaj en la sudokcidenta Araba Duoninsulo[1]. Ĝi estas karakteriza arbo de la Afromontana flaŭro [2] kaj la plej altkreskanta juniperospecio en la mondo.
Priskribo
Tiu afrotropisa mezgranda arbo atingas altecon de 20–25 m (malofte de 40 m), kun trunka diametro ĝis 1,5–2 m kaj larĝ-konusa ĝis sfera aŭ neregula arbokrono. La folioj prezentas du formojn, junaĝajn pinglecajn 8–15 mm longajn foliojn je ĝermoplanto, kaj plenkreskajn 0,5–3 mm longajn skvam-foliojn je pli maljunaj plantoj, aranĝite je kontraŭstarantaj duopoj aŭ je rozete starantaj triopoj. La altkreska junipero estas dioika, kun masklaj kaj inecaj strobiloj je apartaj plantoj, sed iuj individuoj estas monoikaj. La strobiloj estas berecaj, kun diametro de 4–8 mm, blu-nigraj kun blankec-vaksa lanugo. Ili entenas 2-5 semojn kaj maturiĝas dum 12-18 monatoj. La masklaj strobiloj longas 3–5 mm, kaj eligis siajn polenojn fru-printempe.
La altkreska junipero estas la sola el la genro kiu troviĝas sude de la ekvatoro, kaj oni supozas ke ĝi relative freŝdate koloniis Afrikon; la specio montras tre malmulte da variebleco asociata kun longa periodo de evoluo [3]. Ĝi estas tre parenca al Juniperus excelsa de sudokcidenta Azio, verŝajne devenanta de komuna praulo kun tiu specio en sudokcidenta Azio.
Vidu ankaŭ
Referencoj
- ↑ Vidu : ekoregiono: Sudokcident-arabaj montaraj duonarbaroj
- ↑ "Afromontana" estas specifa scienca termino, ĝi ne egalas al "afrik-montara"
- ↑ Farjon 2005
Eksteraj ligiloj
- angle Conifer Specialist Group (1998). Juniperus procera. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 12 May 2006.
- angle Altkreska junipero (USDA)
- angle Altkreska junipero (Arkive) Arkivigite je 2011-12-19 per la retarkivo Wayback Machine
- angle Altkreska junipero (NCBI)