 |
Por aliaj signifoj, bv. rigardi la apartigilan paĝon: Altendorf |
| Altendorf | |
|---|---|
 Blazono de Altendorf | |
 Altendorf | |
| komunumo en Svislando | |
| Kantono | Ŝvico |
| Distrikto | March |
| Geografia situo | CH1903: 705438 / 227773 (mapo)47.19258.83Koordinatoj: 47° 12′ N, 8° 50′ O; CH1903: 705438 / 227773 (mapo) |
| Nombro de loĝantoj | 5979 |
| Areo | 23,50 km² |
| Alteco | 421 m super marnivelo |
| Poŝtkodo | 8852 |
| Komunumkodo | 1341 |
 Mapo de Altendorf | |
Altendorf estas komunumo en la distrikto March en Kantono Ŝvico, Svislando. Ĝi havis 5 979 loĝantojn je la 31-a de decembro 2009.
Geografio
Altendorf situas ĉe la suda flanko de la Supra Lago de Zuriko, oriente de la duonainsulo de Hurden. Sude de la urbeca vilaĝo leviĝas la monto Etzel, kiu estas suda brako de la Albis-Ĉeno.
Najbaraj komunumoj
La komunumo Altendorf limas en nordo aliflanke de la Lago de Zuriko al la urbo Rapperswil-Jona, en nordoriento al Lachen, en oriento al Galgenen, en sudoriento al Vorderthal, en sudokcidento al Einsiedeln, kaj en nordokcidento al Freienbach.
Trafiko
De la stacidomo de Altendorf ekzistas rektaj trajnkonektoj al Pfäffikon, Zuriko, Ziegelbrücke kaj Glaruso. Okcidente de la komunumo en Pfäffikon kaj oriente en Lachen ekzistas alveturejoj al la svisa aŭtovojo A3 de Zuriko al Koiro.
Historio
La unua dokumenta mencio de Altendorf datiĝas el la jaro 972 kiel Rahprehteswilare.[1] Kiam la Grafoj de Rapperswil fondis en la jaro 1220 aliflanke de la lago la urbon Nov-Rapersvilon (Neu-Rapperswil), la hodiaŭn urbon Rapperswil-Jona, la vilaĝo estis alinomita la Malnov-Rapersvilo (Alt-Rapperswil) kaj poste latine al Vetus Villa, kio signifas malnova vilaĝo, germane Altes Dorf respektive Altendorf.
Vidu ankaŭ
- Aliaj lokoj kun la nomo Altendorf
- Altendorf (stacidomo)
Notoj kaj referencoj
Eksteraj ligiloj
Bildoj
Katolika preĝejo Sankt-Mikaelo de Altendorf
Preĝejo Sankt-Mikaelo interne
Tombejo
Funebra kapelo
Komunuma domo
Denner-Supermerkato
Vilaĝa puto
Vilaĝeniro venante de Pfäffikon
| ||||||
