Alois Brunner
Persona informo
Naskiĝo 8-an de aprilo 1912 (1912-04-08)
en Deutsch Kaltenbrunn
Morto 2001, 2009 aŭ 2010[1][2]
en Damasko, Sirio
Lingvoj germana
Ŝtataneco Aŭstrio
Okupo
Okupo militisto • politikisto

Alois Brunner (8-a de aprilo 1912 en Nádkút, tiama Hungario nuna Aŭstrio, raportoj pri lia morto estas kontestitaj) estis aŭstra naziisma militkrimulo. Brunner estis asistanto de Adolf Eichmann, kaj Eichmann nomis Brunner sian „plej bonan viron“. Kiel komandanto de la koncentrejo de Drancy apud Parizo de junio 1943 ĝis aŭgusto 1944, Alois Brunner respondecis por sendado de proksimume 140,000 eŭropaj judoj al la gasĉambroj. Preskaŭ 24,000 el ili estis deportitaj el la koncentrejo de Drancy.

1954 Brunner estis kondamnita en foresto en Francio al vivprizono pro krimoj kontraŭ la homaro. En 1961 kaj en 1980, Brunner perdis okulon kaj la fingrojn de sia maldekstra mano, respektive, kiel rezulto de leterbomboj senditaj al li fare de Mossad.

En 2003 The Guardian priskribis lin kiel „la plej altrangan nazian fuĝanton de la mondo supozeble ankoraŭ vivanta.“

Brunner laste estis raportita kiel vivanta ankoraŭ en Sirio, kie la registaro ĝis nun malakceptis internaciajn klopodojn lokigi aŭ ekkapti lin.

Referencoj

  1. ↑ NS-Verbrecher Brunner starb 2001 in Syrien. En: tagesschau.de, 11. Januar 2017.
  2. ↑ Österreichischer Nationalsozialist Brunner offenbar 2009 gestorben. En: Der Standard, 30. November 2014.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.