Aline ^{[1] [2]} estas franclingve verkita rakonto de Charles-Ferdinand Ramuz, publikigita en 1905. La 138-paĝa Esperanta traduko estas de René de Saussure, kaj ĝi unue aperis en Ĝenevo, danke al Universala Esperanto-Asocio (UEA), en la jaro 1911. Monda Asembleo Socia (MAS) el Embres-et-Castelmaure prizorgis duan eldonon en 2007.

Recenzoj

	„ Eterna historio de malfeliĉa 18-jara junulino, forlasita de sia amanto kiam ŝi gravedigis. Tiam en momento de malespero ŝi mortigas sian infano kaj poste sin mem por eviti honton kaj areston. Tre bona plaĉa traduko. ” — 1964(1911), Historio de Esperanto,I, paĝo 332

	„ Eleganta traduko de bone elektita verko...vero de la personoj...akurateco de la naturaj priskriboj. ” — 1911-1912, La Revuo, paĝo 194

	„ La traduko...preskaŭ ĉiam plaĉas. Tamen ĝi kelkfoje haltigas la leganton per novaj formoj aŭ uzo de teĥnika vorto tute senutila en neteĥnika verko. ” — 1919, Eugène Noël, Lingvo Internacia, paĝo 442

	„ Luksa eldono, modela stilo. ” — 1929, Bibliografio de Internacia Lingvo (BIL), paĝo 361

Referencoj

Eksteraj ligiloj

• Aline, rete legebla versio
• Enciklopedio de Esperanto/A en sia originala formo en la Interreto
• Enciklopedio de Esperanto en elŝutebla versio (PDF).
• Katalogo de Esperantomuzeo kaj Kolekto por Planlingvoj
• Katalogo de Kataluna Esperanto-Asocio
• Katalogo de Libraro Ludovika