Alfred Warner
Persona informo
Naskiĝo 5-an de julio 1931 (1931-07-05) (92-jaraĝa)
en Bydgoszcz
Lingvoj Esperanto • germana
Ŝtataneco Pollando • Germanio
Okupo
Okupo esperantisto

Alfred WARNER (n. 5-an de julio 1931 en Bromberg, nun Bydgoszcz, Pollando, f- 7-an de aŭgusto 2018) estis germana elektroinĝeniero kaj fakulo pri kvalitkontrolado de elektrotekniko, historio de tekniko kaj terminologia normigado. En Esperantujo li precipe estas konata kiel kunlaborinto de PIV por elektrotekniko.

Biografio

Warner post studado de elektrotekniko en Hanovro oficis interalie kiel direktoro de instituto por kvalit-kontrolado kaj kvalit-atestado en Offenbach (Prüf- und Zertifizierungsinstitut, 1971-1996), afergvidanto de la kvalitkontrolejo de Asocio de Germanaj Elektroteknikistoj (Verband Deutscher Elektrotechniker, VDE, 1986-1996), prezidanto de la Komisiono pri Terminologiaj Normoj (Normenaussschuss Terminologie, NAT) en Germana Instituto pri Normigado (Deutsches Institut für Normung, DIN, 1974-1983), vicprezidanto de Societo pri Germana Lingvo (Gesellschaft für Deutsche Sprache, GDS, 1977-1999), honora profesoro por la fako „Eŭropaj normoj, kontroloj kaj permesoj en elektrotekniko“ ĉe la Teknika Universitato de Darmstadt (Technische Universität Darmstadt, 1986-2000).

Li forpasis en Darmstadt.

Fakulo pri Esperanto

17-jara Warner eklernis Esperanton, ricevis la instrurajton de Germana Esperanto-Instituto (GEI) kaj de ĝi estis nomumita komisiito pri ekzamenoj. Rudolf Haferkorn, siatempe gvidanto de la sekcio “teknika vortaro” de la Akademio de Esperanto (AdE) kaj de la Terminologia Sekcio de la Internacia Scienca Asocio Esperanta (ISAE), instigis lin al kunlaboro.

Warner fariĝis kunaŭtoro de Plena Ilustrita Vortaro de Esperanto (PIV, 1970) por la fako "elektrotekniko". Kiam DIN/NAT fine de la 1950-aj jaroj diskutigis en fakaj rondoj la malneton de normo pri terminologiaj principoj, Warner ellaboris aron da proponoj. Pro tio, en aprilo 1960, li konatiĝis kun Eugen Wüster. En majo lia laborejo VDE delegis lin al kunsido de ISO/TC 37 (Internacia Organizo por Normigado / Teknika Komitato 37) kaj samjare li fariĝis membro de DIN/NAT kaj poste ties honora prezidanto. Sekvis vigla kunlaboro kun Wüster.

Jam frue en sia terminologi-normiga kromkariero li konfesis: „Mian intereson pri tiaspeca trakto de lingvaj aferoj vekis Esperanto, pri kiu mi okupiĝas dum naŭ jaroj“ (en letero al Günther Kandler de 11-a de aprilo 1957). Kaj retrorigarde li substrekas, „ke la kunlaboro en la Teknika Sekcio de ISAE al mi donis la bazon por kunlaboro en DIN kaj ISO“ (en letero al Detlev Blanke de 11-a de aprilo 1999).

Verkoj (elekto)

  • 1935 Pri Problemo de internaciigo de science-teknika terminaro: Historio-nuna stato-perspektivoj. Eld. « Standartgiz » kaj « Ekrelo » Amsterdam kaj

Moskvo, 1935.

  • 1955: Kontraŭ germanisma prononcado de la vokaloj. En: Germana Esperanto-Revuo 8 (1955), p. 101-102.
  • 1958: Benennungen physikalischer Größen. En: Muttersprache, 68 (1958), Nr. 11, p. 321-329.
  • 1959: Der Begriff „Elektrizität“ als Beispiel für die internationale Angleichung der inneren und äußeren Form. En: Elektrotechnische Zeitschrift, Ausgabe A (ETZ-A), 80 (1959), p. 635-636.
  • 1965: Taschenbuch der Funkentstörung. Frankfurt/Main: VDE.
  • 1983: La internacia asimilado de science-teknika terminaro. En: Drezen, Ernest K. (1983): Pri Problemo de internaciigo de science-teknika terminaro. Kun Postparolo de Alfred Warner. (Represo de la eldono Moskvo-Amsterdam: 1935). Saarbrücken: Artur E. Iltis, p. 82-90.
  • 2007: Historisches Wörterbuch der Elektrotechnik, Informationstechnik und Elektrophysik: Zur Herkunft ihrer Begriffe, Benennungen und Zeichen. Frankfurt/Main: Harri Deutsch.

Recenzoj

Pri Pri Problemo de internaciigo de science-teknika terminaro.

Citaĵo
„ Jen interesa verko, kiu espereble havos grandajn sekvojn por la apliko de Esp-o en la sciencoj. Ĝi estas raporto verkita de la fama rusa lingvisto Drezen, prezentita al, kaj akceptita de la komisiono por Teknika Terminologio ĉe Sovetunia Akademio de Sciencoj kaj de la Konferenco de ISA (Internacia Asocio de normig-asocioj) en Stockholmo 1934.

Tiuj argumentado kaj rezonado denove montras, kun abunda riĉeco de referencoj, kiamaniere ni klopodu enkonduki ie Esperanton.

Por la esperanto-eldono, kiu estas valora kaj konsilinda propagandilo, Drezen mem verkis postparolon. ”
— Belga esperantisto n223 (sep 1935)

Fontoj

Blanke, Wera (2004)
Plansprachliche Anregungen für Terminologen – Wüster, Drezen, Warner – eine Skizze. En: Ina Müller (2004, eld.): Und sie bewegt sich doch … Translations-wissenschaft in Ost und West, Festschrift für Heidemarie Salevsky zum 60. Geburtstag. Frankfurt/Main: Peter Lang, p. 71-85.
Hofmann, Katrin (2001, eld.)
Kürschners Deutscher Gelehrten-Kalender 2001. Bio-bibliographisches Verzeichnis deutschsprachiger Wissenschaftler der Gegenwart. 18. Ausgabe. Band III Sci – Z. München. Saur, p. 3441.

Eksteraj ligiloj

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.