| Aleksandra Fjodorovna | |||||
|---|---|---|---|---|---|
| imperiestredzino de Ruslando | |||||
 | |||||
 | |||||
| Persona informo | |||||
| Friederike Luise Charlotte Wilhelmine von Preußen | |||||
| Naskiĝo | 13-an de julio 1798 en Berlino | ||||
| Morto | 20-an de oktobro 1860 (62-jaraĝa) en Carskoje Selo | ||||
| Tombo | Katedralo de Sanktaj Petro kaj Paŭlo vd | ||||
| Religio | ortodoksismo • Kalvinismo vd | ||||
| Ŝtataneco | Rusia Imperio • Reĝlando Prusio • Rusio vd | ||||
| Familio | |||||
| Dinastio | Hohencolernoj vd | ||||
| Patro | Frederiko Vilhelmo la 3-a vd | ||||
| Patrino | Luiza de Meklenburgo-Strelitz vd | ||||
| Gefratoj | Vilhelmo la 1-a • Karolo de Prusio • Alberto de Prusio • Frederiko Vilhelmo la 4-a de Prusio • Princess Alexandrine of Prussia • Princess Louise of Prussia • Princess Frederica of Prussia • Prince Ferdinand of Prussia vd | ||||
| Edz(in)o | Nikolao la 1-a | ||||
| Infanoj | Aleksandro la 2-a • Grand Duchess Maria Nikolaevna of Russia • Olga Nikolaevna of Russia • Grand Duchess Alexandra Nikolaevna of Russia • Konstantin Nikolajeviĉ Romanov • Grand Duke Nicholas Nikolaevich of Russia • Grand Duke Michael Nikolaevich of Russia • Grand Duchess Elizabeth Nikolaevna of Russia • unnamed daughter Romanov • second unnamed daughter Romanov • third unnamed daughter Romanov vd | ||||
| Profesio | |||||
| Okupo | aristokrato • edz(in)o de monarĥo vd | ||||
| |||||
| vd | Fonto: Vikidatumoj | ||||
.jpg.webp)
Aleksandra Fjodorovna (ruse Александра Фёдоровна) estis edzino de Nikolao la 1-a, imperiestro de Ruslando en 1825 – 1855. Origine ŝi apartenis al germana monarka dinastio Hohenzollern.
Biografio
Frederika Luiza Ĉarlota Vilhelmina princino de Prusio naskiĝis la 13-an de julio 1798 en Potsdamo. Ŝi estis filino de prusaj gereĝoj Frederiko Vilhelmo la 3-a kaj Luiza de Meklenburgo-Strelitz.
Ŝi mem kaj ŝia familio komence de la deknaŭa jarcento spertis negativajn rezultojn de t.n. "Napoleonaj militoj", kiam Prusion kaj ĝian ĉefurbon Berlinon okupis la franca armeo.
Ili estis devigitaj translokiĝi al Orienta Prusio kaj loĝi en urbo Memel (nun Klaipėda en Litovio).
Samtempe la reĝa familio petis protekton de tiama imperiestro de Rusio – Aleksandro la 1-a.
Ŝia patrino mortis en 1810, kiam Ĉarlota estis dekdujara knabino.
Post venko super la Franca Imperio en 1814 du fratoj de la rusia imperiestro, Nikolao kaj Mikaelo, vizitis Berlinon, kien revenis la reĝa familio.
Granda princo Nikolao kaj princino Ĉarlota interkonatiĝis kaj baldaŭ ekamis unu la alian.
Post iom da tempo oni heroldis ilian gefianĉiĝon. Preparo por la geedziĝo daŭris du jarojn, kiam la fianĉino adoptis la ortodoksismon kaj estis baptita en Rusa Ortodoksa Eklezio kiel Aleksandra Fjodorovna (ruse Александра Фёдоровна).
La 13-an de julio 1817 ŝi edziniĝis al Nikolao Pavloviĉ kaj iĝis granda princino (ruse великая княжна Российской Империи) de la Rusia Imperio.
Ekde 1825, kiam ŝia edzo surtroniĝis kiel Nikolao la 1-a, ŝi estis edzino de la nova imperiestro kaj titoliĝis - imperiestrino Aleksandra Fjodorovna (ruse императрица aŭ царица Александра Фёдоровна).
Dum tridekjara kunvivo ŝi naskis sep gefilojn : Aleksandro – estonta imperiestro Aleksandro la 2-a, Maria, Olga, Aleksandra, Konstantino, Nikolao kaj Mikaelo.
Post morto de Nikolao la 1-a en 1855 ŝi vivis kiel vidvino ankoraŭ kvin jarojn.
Aleksandra Fjodorovna mortis la 20-an de oktobro 1860 en Carskoje Selo, rezidejo de rusiaj geimperiestroj, situanta apud Sankt Peterburgo. Oni entombigis ŝin en Petropavlovskij-katedralo de Sankt Peterburgo.