| Rüdtligen-Alchenflüh | |
|---|---|
 Blazono de Rüdtligen-Alchenflüh | |
| Blazono de Rüdtligen-Alchenflüh | |
_154.jpg.webp) Aerbildo de Rüdtligen-Alchenflüh | |
| Aerbildo de Rüdtligen-Alchenflüh fotita el balono la 16-an de aprilo 2011 | |
| komunumo en Svislando | |
| Kantono | Berno |
| Administra distrikto | Emme-Valo |
| Malnova distrikto ĝis 2009 | Burgdorf |
| Koordinatoj | 47° 5′ 5″ N 7° 34′ 55″ O / 47.08472 °N, 7.58194 °O (mapo)Koordinatoj: 47° 5′ 5″ N 7° 34′ 55″ O / 47.08472 °N, 7.58194 °O (mapo) |
| Nombro de loĝantoj | 2169 |
| Areo | 2,73 km² |
| Alteco | 505 m super marnivelo |
| Poŝtkodo | 3422 |
| Komunumkodo | 0420 |
 Mapo de Rüdtligen-Alchenflüh | |
| Mapo de Rüdtligen-Alchenflüh | |
Pri la komunumo
Rüdtligen-Alchenflüh estis ĝis la 31-a de decembro 2009 komunumo de la distrikto Burgdorf kaj ek de la 1-a de januaro 2010 komunumo de la administra distrikto Emme-Valo en Kantono Berno, Svislando. Ĝi havis 2169 loĝantojn je la 31-a de decembro 2010.
Geografio
La komunumo Rüctligen-Alchenflüh, kiu konsistas el la du vilaĝoj Rüdtligen (norde de la aŭtovojo) kaj Alchenflüh (norde de la aŭtovojo), situas en la Svisa Mezlando en la flotebenaĵo de la rivero Emme, ĉe ties okcidenta bordo. Apud la aŭtovojo estiĝis granda vendejkvartalo, kiu kunkreskis kun la industria zono de la komunumo Lyssach. Per la komuna infrastrukturo (stacidomo) la komunumo estas ankaŭ forte ligita kun Kirchberg, kun kiu ĝi formas kvazaŭ setlejan unuon.
La teritorio de la komunumo etendiĝas sur areo de 2,73 km², de kiuj 5,9% estas kovritaj de arbaro, 61,5% servas por agrikulturo kaj 30,4% por setlado. [1]
Trafiko
En Alchenflüh kruciĝas la kantona ĉefvojo n-ro 1 kun la kantona ĉefvojo n-ro 23. Apud tiu vojkruciĝo troviĝas sur la komunuma teritorio ankaŭ la alveturejo al la svisa aŭtovojo A1, kiu pasante meze tra la komunumo dividas la du partojn Rüdtligen kaj Alenflüh. Sur la teritorio de Alchenflüh situas la stacidomo Kirchberg-Alchenflüh de la trajnlinio de Burgdorf al Soloturno. La komunumo krome estas bone konektita al la loka busreto de Burgdorf.
Historio
La unua dokumenta mencio de Alchenflüh datiĝas el la jaro 1409 kiel Alchenfluo. Dum mezepoko Alchenflüh estis tribunala distrikto de la kiburga kampargrafejo Burgonjo, kiu en la jaro 1406 fariĝis berna havaĵo kaj estis integrita al la voktejo Wangen, kaj en la jaro 1471 atribuita al la voktejo Burgdorf. Ekzelize Alchenflüh apartenis al Kirchberg. [2]
La unua dokumenta mencio de Rüdtligen okazis iomete pli poste en la jaro 1241 kiel Ruetilingin. Ne klare pruvita mencio jam datiĝas el la jaro 894 el inventaro de la Monaĥejo Sankt-Galo. Historie Rüdtligen dividis la sorton de Alchenflüh, al kies tribunala distrikto ĝi apartenis. En la jaro 1833 la impoŝtodistriktoj Rüdtligen kaj Alchenflüh estis kunigitaj al loĝantara komunumo, kiu ĝis 1926 nomiĝis nur Rüdtligen kaj ek de tiam Rüdtligen-Alchenflüh. En la 1970-aj jaroj ekzistis projekto pri kuniĝo kun Kirchberg, kiu tamen en voĉdono de 1973 estis malakceptita.[3]
Notoj kaj referencoj
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Anne-Marie Dubler: Alchenflüh en Historia Leksikono de Svislando (2010-09-15)
- ↑ Fonto: Anne-Marie Dubler: Rüdtligen-Alchenflüh en Historia Leksikono de Svislando (2010-11-18)
Vidu ankaŭ
Eksteraj ligiloj
- Vidu ankaŭ en la Vikimedia Komunejo la kategorion Rüdtligen-Alchenflüh – (Kolekto de bildoj kaj plurmediaj dosieroj)
Bildoj
_041.jpg.webp)
Aĉetomejlo Alchenflüh-Lyssach_040.jpg.webp)
Aĉetomejlo Alchenflüh-Lyssach
Renaturigita zono apud la aŭtovojo en Alchenflüh_039.jpg.webp)
Bushaltejo Alchenflüh-Bernstrasse
| ||||||
