Alberta Kathryn CASEY (naskiĝis Alberta Kathryn SEABOLD la 20-an de aŭgusto 1918 en Sankta Luiso, Misurio; mortis la 11-an de decembro 2020) estis usona esperantistino kaj muzikistino en San Diego, Kalifornio.

Laŭ propraj informoj en la retejo linkedin, ŝi studis violonon kaj kantadon en la Muzika Instituto de Saint Louis de 1941 ĝis 1944, kaj ekde 1950 studis en la Universitato de San Diego.^[1]

Ŝi eklernis Esperanton en 1971. En 1977 ŝi publikigis vinildiskon de esperantlingvaj kantoj je la titolo De mi al vi (en 1990 eldonita ankaŭ kiel muzikkasedo), en 1981 sekvis dua vinildisko kaj muzikkasedo de esperantlingvaj kantoj je la titolo San Diego vokas, kaj en 1998 tria kolekto de esperantaj kantoj je titolo Estu sur tero pac’ sur lumdiskego. Ŝia kantado estis memfida, kvankam kun signifa usonangla akĉento, kio ĉe iuj aŭdantoj provokis iom da moko.^[2] Laŭ la biografiaj informoj de la paĝo en la retejo linkedin ŝi estis membro de UEA ekzakte de januaro 1975 ĝis junio 2003 (28 jarojn kaj 6 monatojn).

Eksteraj ligiloj

• la kanto La vivo en roz', origine La vie en rose de Édith Piaf, en traduko de Roger Bernard (1977), en muzikfilmeto kun teksto en la retejo] YouTube kaj en Ipernity. La kanto estis parto de la vinila disko Al vi de mi de 1977.
• la kanto Kredis mi', origine Yesterday de John Lennon kaj Paul McCartney, en muzikfilmeto kun teksto en la retejo] YouTube. La kanto apartenas al la kolekto San Diego vokas de 1981.
• listo de ĉiuj titoloj de la kantoj de la kolektoj De mi al vi, San Diego vokas kaj Estu sur tero pac’ Arkivigite je 2015-11-16 per la retarkivo Wayback Machine (esperante)
• rete aŭdeblaj sondosieroj de ĉiuj kantoj de San Diego Vokas en la projekto "365 tagoj"^[3] de la radiostacio WFMU en Novĵerzejo^[2] (angle)
• Nekrologo en The Sun Diego Union-Tribune
• Nekrologo en Usona Esperantisto

Referencoj