| Alberswil | |
|---|---|
 Blazono de Alberswil | |
 Fajrobrigadejo de Alberswil | |
| komunumo en Svislando | |
| Kantono | Lucerno |
| Distrikto | Willisau |
| Koordinatoj | 47° 08′ 59″ N 8° 0′ 0″ O / 47.14972 °N, 8.00000 °O (mapo)Koordinatoj: 47° 08′ 59″ N 8° 0′ 0″ O / 47.14972 °N, 8.00000 °O (mapo) |
| Nombro de loĝantoj | 573 |
| Areo | 3,58 km² |
| Alteco | 521 m super marnivelo |
| Poŝtkodo | 6248 |
| Komunumkodo | 1121 |
 Mapo de Alberswil | |
Alberswil estas komunumo en la distrikto Willisau en Kantono Lucerno, Svislando. Ĝi havis 573 loĝantojn je la 31-a de decembro 2008.
Geografio
Alberswil estas kamparana vilaĝo laŭlonge de strato ĉe la okcidenta marĝeno de la Marĉo de Wauwil. La komunumo konsistas el la partoj Kasteln, Oberdorf, Unterdorf kaj Burgrain.
La teritorio de la komunumo etendiĝas sur areo de 3,58 km², de kiuj 0,65 km² estas kovritaj de arbaro, 2,64 km² servas por agrikulturo kaj 0,28 km² por setleja arejo.
Najbaraj komunumoj
La komunumo Alberswil limas en nordo al Schötz, en oriento al Ettiswil, en sudo al Willisau, kaj en okcidento al Gettnau.
Trafiko
La komunumo estas konektita al la publika transportreto per la aŭtobuslinio de Nebikon al Willisau.
Tra la komunumo pasas la kantona ĉefvojo de Willisau al Dagmersellen, kie en distanco de proksimume 8 kilometroj situas la plej proksima alveturejo al la svisa aŭtovojo A2.
Historio
La unua dokumenta mencio de Alberswil datiĝas el la jaro 1217 kiel Alberswile.
La historio de la komunumo estas ligita kun la historio de Kastelo Kasteln, kies unuaj posedantoj estis la Grafoj de Lencburgo. Ilin sekvis la Grafoj de Kiburgo kaj en la jaro 1275 la Habsburgoj. Ĝis 1415, kiam la lucernanoj konkeris la regiono en la kastelo regis habsburgaj vasaloj. Post la lucerna konkero la lasta habsburga kastelsenjoro, Peter de Luternau fariĝis civitano de la urbo Lucerno. En la jaro 1644 la regado pri la Senjorejo Kasteln transiris rekte al la urbo Lucerno. La 23-an de majo 1653 la lasta loĝanto de Kastelo Kasteln fuĝis antaŭ la alvenantaj kamparaj ribeloj, kiuj detruis la kastelon forigante ĝian tegmenton. La kastelo tiam fariĝis ruino.
En la jaro 1803 post la fino de la Helveta Respubliko Alberswil farigixs komunumo de la distrikto Willisau en Kantono Lucerno. En la jaro 1884 la komunumo bankrotiĝis pro la konstruokostoj de malsanulejo en la bieno Burgrain. Tial de 1888 ĝis 1889 la komunumo estis metita sub tutela administrado de la kantono. [1]
Notoj kaj referencoj
- ↑ La historiaj informoj baziĝas sur libera traduko de la teksto pri Alberswil en la germanlingva vikipedio
Bildoj
Bushaltejo apud la vilaĝeniro de Alberswil
Vilaĝeniro de Alberswil alvenante el la direkto de Schötz
Alberswil
Kastelo Kastelen_009.JPG.webp)
Burgrain kun kapelo Sankt-Blasius_018.JPG.webp)
Kapleo Sankt-Blasius_022.JPG.webp)
Kapelo Sankt-Blasius, interne
Eksteraj ligiloj
- Oficiala retejo de la komunumo Alberswil
- Profilo de Alberswil en la retejo de Kantono Lucerno
- Alberswil en la Historia Leksikono de Svislando
| ||||||
