| Além Paraíba | |||
|---|---|---|---|
 | |||
| municipo de Brazilo | |||
|
|
| ||
| Flago | Blazono | ||
| Administrado | |||
| Lando |  Brazilo | ||
| Regiono | Sudorienta regiono | ||
| Subŝtato |  Minas-Ĝerajso | ||
| Mezoregiono | Zona da Mata | ||
| Mikroregiono | Cataguases | ||
| Poŝtkodo | 36660-000 - 36669-999 | ||
| Telefonkodo | 32 | ||
| En TTT | Oficiala retejo [+] | ||
| Demografio | |||
| Loĝantaro | 30 717 (2022) [+] | ||
| Loĝdenso | 60 loĝ./km² | ||
| Geografio | |||
| Geografia situo | 21° 53′ S, 42° 42′ U (mapo)-21.887777777778-42.703888888889Koordinatoj: 21° 53′ S, 42° 42′ U (mapo) [+] | ||
| Alto | 140 m | ||
| Areo | 511,2 km² | ||
| Horzono | UTC-03:00 | ||
 | |||
| |||
|
| |||
| Alia projekto | |||
 Vikimedia Komunejo Além Paraíba [+] | |||
Além Paraíba - nomo kiu signifas "post (rivero) Paraíba" - estas municipo kaj urbo en la subŝtato Minas-Ĝerajso de Brazilo, ĉe la pleja sudorienta limo de Minas-Ĝerajso, lime al Rio-de-Ĵanejrio. Ĝi situas en la sudorienta regiono de Brazilo, en la mezoregiono Zona da Mata kaj en la mikroregiono Cataguases. Laŭ la stato de 2022 en la komunumo vivis 30 717 loĝantoj[1] sur areo de 511,2 kvadrataj kilometroj, kio rezultigas loĝdenson de 60 loĝantoj/km². El tiuj, la nombro de voĉdonrajtuloj en la municipo en marto 2022 estis 27 935. La teritorio havas komunan limon kun Chiador, Mar de Espanha, Carmo, Leopoldina, Santo Antônio do Aventureiro, Sapucaia kaj Volta Grande.
La loĝloko estis levita al la rango de municipo en 1883. La subŝtata ĉefurbo Belo Horizonte situas en distanco de 340 km - pli proksimas la urbego Rio-de-Ĵanejro - de ties urborando (iom sude de Duque de Caxias) estas 150 kilometroj nordorienten ĝis Além Paraíba.
Esperanto en Além Paraíba
La Esperanto-movado en Além Paraíba havas sian deirpunkton en 1958, kiam Elio Lopes de Oliveira interesiĝis pri Esperanto kaj lernis ĝin pere radio-elsendo de “Radio Mundial do Rio de Janeiro”, gvidita de Jorge das Neves, kiu uzis metodon de la karmemora profesoro Carlos Torres Pastorino. Fininte la kurson li sukcesis aprobon en la elementa perkoresponda kurso de Brazila Esperanto-Ligo.
La 17-an de januaro 1960, sub la gvido de Elio Lopes de Oliveira kaj kunlaboro de Paulo César Marques Lopes, estis fondita DEPE – Departemento de Propragando kaj Esperantista Studado kiu dum dek-kvar jaroj multe helpis en la disvastigo de Esperanto.
En 1962 la unua grupo kiu partoprenis Esperanto-kurson gviditan de Elio Lopes de Oliveira, estis ekzamenita de kleraj esperantistoj de la urbo Juiz de Fora, profesoro José Passini, Kleber Halfeld kaj Mercedes Rodrigues Braga, sukcesis aprobon la jenaj lernantoj: Antônio Lopes de Oliveira Filho, Ary Cassiano da Silva, Dilma Gomes, Elcio Fernandes de Oliveira, Helio Oliveira da Costa, José Mendes, Luis Fernandes de Oliveira, Maurício Santiago Couto kaj Paulo César Marques Lopes. La diplomiĝa festo okazis ĉe la Jura Fakultato ‘’Vianna Junior’’, de Juiz de Fora; la patrono estis profesoro Augusto Gotardello kaj la oratoro de la klaso Josélia Bicalho Civinelli. Speciala deziresprimo estis prezentita al Izaltino da Silveira Filho kaj Jorge Firmino de Sant`Ana.
En la sekvantaj jaroj Elio Lopes de Oliveira, kaj alia instruisto, daŭre gvidis Esperanto-kurson. La 16-an de novembro 1995, ĉe la salono de Amuza Fervoja Klubo, estis fondita “Além Paraíba Esperanto-Klubo” (APEK) delonga aspiro de la urbaj esperantistoj. En la sama dato enposteniĝis la jena estraro:
Prezidanto: Elio Lopes de Oliveira; vicprezidanto: Luzia Terezinha Abreu Oliveira; 1-a sekretario: Márcia Bergenes C. Alves; 1-a kasisto: Anderson Canedo de Oliveira; 2-a kasisto: Maria Jose R. Cunha; bibliotekisto: Edmea Luz de Oliveira; direktoro pri instruado: Sulamita Castro Luz; direktoro pri disvastigado: Pedro Augusto Rocha.
Inter la esperantaj aktivecoj de APEK meritas specialan mencion esperanta biblioteko kaj esperanta informilo, ĉi tiu lasta, kies unua numero aperis en aŭgusto/septembro 1996, eldoniĝis ĝis decembro 1999; ĝia riĉa kaj varia enhavo plenumis altvaloran taskon en la disvastigo de Esperanto.
