Trafika akcidento

Akcidento estas ĝenerale okazaĵo ne antaŭvidita, ne planita aŭ ne esenca.

Filozofie, akcidento estas eco de aĵo, kiu ne apartenas al ĝia difino, t. e, okaza, abstraktebla eco de objekto aŭ fenomeno, kiuj povas konservi sian esencon ankaŭ sen ĝi.

En ĉiutaga lingvaĵo, akcidento estas malfeliĉa okazaĵo, kaŭzanta materiajn aŭ korpajn damaĝojn. Tio okazas pro iu abrupta neatendita, nekutima kaj senintenca evento.

Oni povas dividi la akcidentojn laŭ la okaza medio (hejma akcidento, trafika akcidento, laborakcidento, sportakcidento). Akcidentoj kun tre gravaj sekvoj nomiĝas katastrofoj.

Pro asekura celo ekzistas pli malvasta senco de akcidento (legu: asekuro pri akcidento).

Legu ankaŭ

• Trafika psikologio
• Unua helpo
• Katastrofoj ĉe aviado
• Katastrofoj de kosmoesploro
• Katastrofoj de marŝipado
• Katastrofoj de enlanda ŝipado
• Katastrofoj sur relparoj
• Katastrofoj en strata trafiko
• Katastrofoj en industrio kaj centraloj
  • Katastrofoj de kemia industrio
  • Mineja akcidento
• Nukleaj akcidentoj
• Pontoakcidentoj
• Kolapso de sendturoj