Akademio de Belartoj de Francio
national art academy
Informoj
fondodato	21-a de marto 1816
Situo
Geografia situo	48° 51′ 26″ N, 2° 20′ 13″ O (mapo)48.8572222.336889Koordinatoj: 48° 51′ 26″ N, 2° 20′ 13″ O (mapo)
lando	Francio
urbo	Parizo, Francio
Estraro
ĉefestro(j)	Alain-Charles Perrot • Jean Anguera vd
retejo	Oficiala retpaĝaro [+]
jura formo	national public establishment of an administrative nature vd
Akademio de Belartoj de Francio (Parizo) DEC Akademio de Belartoj de Francio

La Akademio de Belartoj de Francio (france Académie des beaux-arts) estis kreita per la edikto de la 21-a de marto 1816. Ĝi heredis de la Reĝa Akademio de Pentrado kaj Skulptado (1648), de la Akademio de Muziko (1669) kaj de la Reĝa Akademio de Arkitekturo (1671).

Historio

Sekve de la nuligo de la malnovaj akademioj fare de la franca Revolucio de 1789, estis kreitaj en la Instituto de Francio, tri klasoj, el kiuj « Literaturo kaj belartoj » kun ok sekcioj (gramatiko, malnovaj lingvoj, poezio, antikvaĵoj kaj monumentoj, pentrado, skulptado, arkitekturo, kaj fine muziko kaj deklamado). La edikto de la konsuloj de la 3-a de brumero 11 (25-a de oktobro 1802) dividis tiun klason en tri novajn el kiuj la klaso de belartoj. Tiu lasta klaso konsistigis la bazon de la nova Akademio en 1816. Per la leĝo pri esplorado de 2006, la Akademio de belartoj plu estas morala persono je publika juro kun aparta statuto.

Organizado

La Akademio estas dividita en ok sekcioj. La disiĝo de la foteloj inter la sekcioj maloftege estis modifita en la 20-a jarcento ; kreita en 1985, la 7-a sekcio estis provizita per foteloj el aliaj sekcioj (1-a, 2-a, 3-a, 5-a kaj 6-a). En 1998, ankaŭ la fotelo de la pentristo Yves Brayer, mortinta en 1990, estis transdonita, kompensita per reveno al la 5-a sekcio de la fotelo okupita de Jean Prodromidès.

• 1-a sekcio : Pentrado
• 2-a sekcio : Skulptado
• 3-a sekcio : Arkitekturo
• 4-a sekcio : Gravurado
• 5-a sekcio : Muzika kompono
• 6-a sekcio : Liberaj membroj
• 7-a sekcio : Arta kreado en kino kaj aŭdvido (sekcio kreita en 1985)
• 8-a sekcio : Fotado (sekcio kreita en 2005)

De 2005, la Akademio enhavas 57 fotelojn : kvin foteloj estis kreitaj en 1998 (2-a, 3-a, 5-a, 6-a kaj 7-a sekcioj), poste du en 2005, por la nove kreita sekcio fotado.

Nunaj membroj

Prezidanto por 2014 : Claude Abeille, skulptisto. Nur 46 foteloj estis atribuitaj en la 1-a de aprilo 2014. La lasta ŝanĝiĝo estis la morto de Chu Teh Chun la 25-an de marto 2014.

Plej malnova vaka fotelo : 5-a fotelo de sekcio pentrado, vaka ekde la morto de Georges Rohner la 3-an de novembro 2000 (pluraj blankaj balotoj okazis).

Eksterlandaj asociitoj : 16 foteloj (el kiuj du estas vakaj). Korespondantoj (francaj kaj eksterlandaj) : 57 foteloj.

Vidi ankaŭ al Listo de la membroj de la franca Akademio de Belartoj de 1795

La protokoloj

Ĉesigita en 1943, la publikigo de la protokoloj de la Akademio de Belartoj estis relanĉita en 2001 kun la publikigo de la memuaro de Agnès Goudail en la lernejo de ĉartoj (france "École des chartes") kadre de eldona entrepreno lanĉita en la Lernejo de Ĉartoj de Jean-Michel Leniaud. Tri volumoj estis eldonitaj de la societo pri historio de franca arto por la periodo 1796 ĝis 1810. De 2001 ĝis 2008, naŭ volumoj aldoniĝis :

• Tomo 1-a : 1811-1815, fare de Agnès Goudail kaj Catherine Giraudon (2001) ;
• Tomo 2-a : 1816-1820, fare de Catherine Giraudon (2002) ;
• Tomo 3-a : 1821-1825, fare de Béatrice Bouvier kaj François Fossier (2003) ;
• Tomo 4-a : 1826-1829, fare de Béatrice Bouvier kaj François Fossier (versio reviziita en 2006) ;
• Tomo 5-a : 1830- 1834, fare de François Naud (2004) ;
• Tomo 6-a : 1835-1839, fare de Béatrice Bouvier kaj Dominique Massounie (2003) ;
• Tomo 7-a : 1840-1844, fare de Dominique Massounie (2007) ;
• Tomo 8-a : 1845-1849, fare de Sybille Bellamy-Brown (2008).
• Tomo 12-a : 1865-1869, fare de Laure Dalon (2009).

Vidu ankaŭ

• Listo de la membroj de la franca Akademio de Belartoj