| ||||
|---|---|---|---|---|
| Nomo | Ago-Semajno | |||
| Regiono | Pollando | |||
| Periodo | Jarfine | |||
| Organizanto | PEJ, Varsovia Vento kaj aliaj | |||
| Ekzistas ekde | 2002; daŭrigo de antaŭa kunveno | |||
| Celgrupo | Junularo kaj junaj familioj | |||
| Informa retpaĝo | AS-paĝo | |||
| Fota retpaĝo | ĉe paĝaroj pri koncernaj AS-oj | |||
La Ago-Semajno (AS) estis ĝis 2009[1] internacia junulara novjara Esperanto-renkontiĝo organizata de Pola Esperanto Junularo kaj klubo Varsovia Vento. Dum la jarŝanĝo 2009/2010 la Junulara E-Semajno anstataŭigis la AS-n kiel ties kuniĝon kun la Internacia Seminario.
Ĝis la jarŝanĝo 2005/2006, Ago-Semajno okazadis en la montara urbeto Zakopane, kie jam okazis junularaj jarfinaj kunvenoj en la 1990-aj jaroj. Ekde jarŝanĝo 2006/2007 ĝi ĉiam okazadis en alia loko. La Ago-Semajno 2006/2007 okazis en Nowy Sącz kaj spertis altan plinombriĝon de la partoprenantaro, kiu atingis pli ol 180 (antaŭe estis kutime ĉiam inter 50 kaj 80 partoprenantoj). En 2007/2008 Ago-Semajno okazis en Malbork / Malborko kun 228 aliĝintoj (tio estis la plej alta nombro, dum AS ekzistis). − La lasta, 7-a Ago-Semajno, okazis dum la jarŝanĝo 2008/2009 – unuafoje ekster Pollando, nome en Liptovský Mikuláš (Slovakio) (kun 200 aliĝintoj) kunlabore kun Slovaka Esperanto-Junularo kaj Liptova Esperanto-Klubo. Malgraŭ la antaŭaranĝa anonco, ke per tio la Ago-Semajno "komencis mirindan vojaĝon ĉirkaŭ landoj de la Meza Eŭropo", oni dum ĝi oni anoncis la ekeston de la Junulara E-Semajno, pro kiu tiu Ago-Semajno fariĝis la lasta.
Oficialaj filmoj
- AS 2007: Reklamilo Arkivigite je 2011-06-27 per la retarkivo Wayback Machine, Raporto en partoj 1 Arkivigite je 2011-06-05 per la retarkivo Wayback Machine, 2 Arkivigite je 2011-07-03 per la retarkivo Wayback Machine
- AS 2006: Raporto en partoj 1 Arkivigite je 2011-06-03 per la retarkivo Wayback Machine, 2 Arkivigite je 2011-07-05 per la retarkivo Wayback Machine, 3 Arkivigite je 2011-07-08 per la retarkivo Wayback Machine, 4
Fontindikoj
- ↑ Kunigo de IS kaj AS, ĉi-jare en Zakopane - JES!!! (oficiala komuniko pri JES de PEJ- kaj GEJ-Estraroj): "kunigon de IS kaj AS ... gvidos ĝin teamo de kvar spertuloj de ambaŭ pasintaj eventoj"
Eksteraj ligiloj
- Oficiala retpaĝaro Arkivigite je 2006-12-17 per la retarkivo Wayback Machine (nuntempe pri Ago-Semajno 2008)
- Ago-Semajno 2007
- Ago-Semajno 2006 Arkivigite je 2015-11-04 per la retarkivo Wayback Machine
- Ago-Semajno 2005 Arkivigite je 2007-01-18 per la retarkivo Wayback Machine
- Ago-Semajno 2004 Arkivigite je 2006-05-01 per la retarkivo Wayback Machine
- Raporto pri Ago-Semajno 2002 Arkivigite je 2007-12-14 per la retarkivo Wayback Machine
| ||||||||||||
