| Achille Motteau | |
|---|---|
 | |
| Persona informo | |
| Aliaj nomoj | Esperantisto 6266 |
| Naskiĝo | 1836 |
| Morto | 3-an de marto 1906 en Londono |
| Lingvoj | Esperanto |
| Ŝtataneco | Unuiĝinta Reĝlando (Britio) |
| Okupo | |
| Okupo | esperantisto • presisto • vortaristo |
Achille MOTTEAU [moTO] (naskiĝis en Francio en 1836, mortis la 3-an de marto 1906 en Londono) estis franca angliĝinta presisto kaj esperantisto, kiu aŭtoris diversajn literaturajn verkojn en franca lingvo.
Motteau unue estis Volapükisto, ĝis kiam li esperantistiĝis en 1901. Li fondis Esperanto-grupon en Forest Gate kaj verkis la duan muzikon por la poemo La Espero. En 1904 li aŭtoris siaepoke vaste uzatan vortaron Esperanto-anglan.
Motteau estis nomumita de Zamenhof membro de la unua (ĝis 1906 ankoraŭ provizora) Lingva Komitato[1]. Kelkfoje, li uzis la pseŭdonimon "Esperantisto 6266".
Verkoj
Tradukoj
- 1903: La Ventego (Shakespeare)
- 1905: Ŝi kliniĝas por venki (komedio en kvin aktoj), k.m.a.
Notoj
- ↑ Esperantista Dokumentaro, kajero 1, Paris aŭg. 1906, p. 21.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.