Aktualaĵoj en aŭgusto de 2005

Merkredo, 31-a de aŭgusto 2005

• En homa stampedo sur ponto dum pilgrimado en Irako mortis pli ol 1000.

Mardo, 30-a de aŭgusto 2005

• Kazano la ĉefurbo de Tatarstano, Rusio festas sian 1000-jaran datrevenon. Okaze de tiu granda dato en Kazano ekfunkciis metroo. En la urbo okazis grandaj festoj kiujn kronis 1000-salva fajraĵo.

Sabato, 27-a de aŭgusto 2005

• Inaŭguro de Turning Torso en Malmö, Svedio

Dimanĉo, 14-a de aŭgusto 2005

• Kipra avio kraŝis sur monteto norde de Ateno, mortigante ĉiujn el la 121 pasaĝeroj kaj aviadilanoj. Ŝajnas ke la pilotoj estis senkonsciaj kiam la avio falis, eble pro manko de oksigeno en la kajuto. La flugo de Helios Airways (HCY 522) veturis de Larnaca, Kipro, al la internacia flughaveno de Ateno, kiam ĝi kraŝis ĉirkaŭ la 12.20 ptm apud la marborda urbeto Grammatiko, proksimume 40 km norde de la grekia ĉefurbo. La Boeing 737 devis flugi ĝis Prago post halti en Ateno. La kialo de la kraŝo ne estis evidenta, sed la unuaj indicoj prezentas ian teknikan problemon -- eble malpresuriziĝo. Proparolanto de la kipra registaro en Nikozio diris ke nenio sugestus terorisman atakon.

Sabato 6-a de aŭgusto 2005

• 60-a datreveno de la eksplodo de la unua nuklea bombo sur la japana urbo de Hiroŝimo. Diversaj manifestacioj kunmemoras la eventon kaj pledas por la forigo de nukleaj armiloj.

Mardo, 2-a de aŭgusto 2005

• Aviadilo de Air France kraŝis kaj forbrulis sur la flughaveno de Toronto Kanado. Ĉiuj pasaĝeroj kaj aviadilanoj postvivis la akcidenton.