9 Metiso

	9 Metiso
	Asteroido
	astronomia simbolo
asteroido
Oficiala nomo	9 Metis
Aliaj nomoj	1974 QU2, A848 HA vd
Astronomia simbolo	vd
Nomita laŭ	Metida vd
	Malkovro
Malkovrinto	Andrew Graham
Dato de malkovro	25-a de aprilo 1848
Loko de malkovro	Observatorio de Markree (Irlando)
	Orbitaj ecoj
Asteroida familio	asteroida zono vd
Granda duonakso; - Periapsido; - Apoapsido	357,052 Gm (2,387 AU); 313.556 Gm (2,096 AU); 400.548 Gm (2,678 AU)
Discentreco	0,122
Meza anomaliangulo	274,183°
Klinangulo	5,576°
Periodo	1 346,815 t (2,387 j)
Meza cirkulrapido	19,21 km/s
Longitudo de; suprenira nodo	68,982°
Argum. de periapsido	284,955°
Naturaj satelitoj	?
	Fizikaj ecoj
Dimensioj; Diametro	222 × 182 × 130 km; 153,33 ± 3,1 km
Maso; - Denso; - Surfaca falakcelo; - Liberiga rapido	(1,13 ± 0,28) ×1019 kg ; (4 120 ± 1 330) kg/m3; ~ 0,07 m/s2; ~ 0,11 km/s
Rotacia periodo	0,2116 t (5,079 h)
Aksa kliniteco	~ 74°
	Atmosferaj kaj surfacaj ecoj
Surfaca temperaturo; - Minimuma; - Maksimuma	; 173 K; 282 K (+9 °C)
Geometria albedo	0,118
	Observaj ecoj
Spektroklaso	S
Absoluta magnitudo	6,28
Videbla magnitudo; - Minimuma; - Maksimuma	; 11,83; 8,1
Angula diametro; - Minimuma; - Maksimuma	; 0,071"; 0,23"

Ĉi tiu artikolo temas pri la asteroido 9 Metiso. Por aliaj signifoj vidu la artikolon Metiso.

9 Metiso estas unu el plej grandaj asteroidoj de la asteroida zono. Ĝi povas esti la kerno de diferenciĝinta objekto kiu poste estis frakasita de alfrapo. Alia fragmento povus esti 113 Amaltejo.

Malkovro

Metiso, naŭa malkovrita asteroido, estas la ununura malkovrita far de la irlanda astronomo Andrew Graham, la 25-an de aprilo 1848.

Nomo

Ĝi ricevis la nomon de la oceanidino Metiso, de la helena mitologio.

Simbolo

Kiel la "grandaj" planedoj, la unue-trovataj asteroidoj ricevis astronomian simbolon. Tiu de Metiso estas .

Metisa familio

Metiso estis iam rigardita kiel plej granda ano de asteroida familio tiel nomita "Metisa familio" sed ĵusaj serĉoj ne montris tian familion. Oni tamen trovis spektrajn similaĵojn inter Metiso kaj 113 Amaltejo, kiuj pensigas, ke ambaŭ asteroidoj estus restaĵoj de tre malnova (~ 1 miliardo da jaroj) dinamika familio, kies aliaj anoj pulvoriĝis pro alfrapoj aŭ disvojiĝis pro gravitaj perturboj. La origina korpo povus esti diferenciĝinta objekto de diametro inter 300 kaj 600 km kies Metiso estus la kerno, kaj Amalteo, parto de la mantelo^[2].

Estas taksata, ke 90% el la maso de la praa korpo perdiĝis pro la alfrapo.

Ecoj

Analizo de ĝia luma kurbo sciigas ke Metiso havas longigita formo, kun pinto ĉe unu fino, sed ne permesis precize determini ĝian rotacian akson. Observoj per la kosmoteleskopo Hubble konfirmis tiun formon^[3].

La luma kurbo lasis kredi je la ekzisto de natura satelito, sed postaj observoj ne konfirmis ĝin.^[4] En 1993 la kosmoteleskopo Hubble vidigis la neregulan formon de Metiso, sed nenia luno estis vidita.

Noto kaj referencoj

Eksteraj ligiloj

Antaŭe:	Listo de asteroidoj (1 - 1000)	Poste:
8 Flora	9 Metiso	10 Higio

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[masoj-1] 1 2 3 Recent Asteroid Mass Determinations maintained by Jim Baer (Freŝaj determinoj de asteroidaj masoj tenitaj de Jim Baer) (angle)

[2] 9 Metis and 113 Amalthea: A Genetic Asteroid Pair (9 Metiso kaj 113 Amaltejo, "genetika" paro da asteroidoj) Icarus Volumo 144, 1-a de marto 2000, Paĝoj 27-38 (angle)

[3] Shapes and rotational properties of thirty asteroids from photometric data (Formoj kaj rotaciaj ecoj de 30 asteroidoj deduktita de fotometriaj datenoj) Arkivigite je 2015-11-06 per la retarkivo Wayback Machine (angle)

[4] Imaging Observations of Asteroids with Hubble Space Telescope (Bildigaj observoj de asteroidoj per kosmoteleskopo Hubble) de A. D. Storrs kaj aliaj; Icarus 137, 260–268 (1999) Arkivigite je 2012-02-25 per la retarkivo Wayback Machine (angle)

[1]

[2]

[3]

[4]