7958 Leakey estas tre malgranda sed neordinare hela asteroido de la interna asteroida zono, tie estas ano de la hungaria familio, kiu ankaŭ estas duopa asteroido.

Malkovro

Ĝi estis malkovrita la 5-an de junio 1994 de la usonaj geedzoj geastronomoj Carolyn S. Shoemaker kaj Eugene M. Shoemaker, elde la Observatorio de la Monto Palomar, (kantono San-Diego, Kalifornio, Usono).

Nomo

Ĝi estis nomita en memoro de la gepaleontologoj kaj geedzoj Mary Leakey (1913–1996) kaj Louis Leakey (1903–1972) kaj en honoro de ilia filo Richard Leakey, ĉiuj gravaj esploristoj pri la paleoantropologio de Afriko. Mary kaj Louis laboris kune dum 30 jaroj kaj pruvis, ke la homa evoluo okazis en Afriko, prefere ol en Azio. Multaj el iliaj plej gravaj malkovroj estis faritaj en Kanjono Olduvai en Tanzanio. Kun lia teamo en Kenjo, Richard Leakey malkovris, ke la situejo de Koobi Fora entenas la plej riĉan kaj plej diversan aron da prahomaj restaĵoj ol ie-ajn en la mondo.

Satelito

Ĝia satelito estis malkovrita per analizo de ĝia luma kurbo fare de Brian D. Warner, Daniel Coley, kaj Alan W. Harris inter la 13-a de junio kaj la 1-a de julio 2012, publikita en oktobro 2012.

Tiu satelito havas orbitan periodon de 50,29 ± 0,08 h, aŭ 2,0954 tagoj. La duona grandakso de ĝia orbito estas takata je 10 km. La diametro de tiu satelito estas 0,85 ± 0,1 km, ĝia rotacia periodo estas ankoraŭ nekonata.

Eksteraj ligiloj

• Parametroj kaj simulado de orbito ĉe JPL Small-Body Database Lookup angle
• Objekto ĉe Minor Planet Center angle
• Objekto ĉe Space Reference angle
• angle 7958 Leakey; paĝo de Wm. Robert Johnston