433 Eroso

	433 Eroso
	asteroido
	astronomia simbolo
	Mozaika bildo de Eroso Mozaika bildo de Eroso
asteroido • apud-Tera objekto
Oficiala nomo	433 Eros
Aliaj nomoj	1898 DQ; 1956 PC
Astronomia simbolo	vd
Nomita laŭ	Eroso vd
	Malkovro
Malkovrinto	Carl Gustav Witt
Dato de malkovro	13-a de aŭgusto 1898
Loko de malkovro	Berlino
Unua enorbitiĝo	NEAR Shoemaker, 14-a de februaro 2000
Unua surteriĝo	NEAR Shoemaker, 12-a de februaro 2001
	Orbitaj ecoj
Asteroida familio	Amora asteroido vd
Granda duonakso; - Periapsido; - Apoapsido	218,155 Gm (1,458 AU); 169,548 Gm (1,133 AU); 266,762 Gm (1,783 AU)
Discentreco	0,2229
Meza anomaliangulo	320,215°
Klinangulo	10,82948°
Periodo	643,219 tagoj (1,76 jaroj)
Meza cirkulrapido	24,36 km/s
Longitudo de; suprenira nodo	304,401°
Argum. de periapsido	178,664°
Terdistanco; - Minimuma	; 1,9 × 1010 km (0,13 AU)
	Fizikaj ecoj
Dimensioj; Diametro	33,4 × 11,2 × 11,2 km; 16,84 km vd
Maso; - Denso; - Surfaca falakcelo; - Liberiga rapido	(6,69 ± 0,002) × 1015 kg; (2 670 ± 30) kg/m3; 0,0059 m/s²; 0,0103 km/s
Rotacia periodo	0,2194 tago; (5,270 horoj)
	Atmosferaj kaj surfacaj ecoj
Surfaca temperaturo; - Minimuma; - Averaĝa; - Maksimuma	; ~ 123 K (−150 °C); ~ 227 K (−46 °C); ~ 373 K (+100 °C)
Geometria albedo	0,25
	Observaj ecoj
Spektroklaso	S
Absoluta magnitudo	11,06
Videbla magnitudo; - Minimuma; - Maksimuma	; 15; 7

433 Eroso estas granda, tre hela terrenkonta asteroido, la unua malkovrita el la Amoraj asteroidoj kaj la dua plej granda Amora asteroido post 1036 Ganimedo.

Malkovro

Ĝi estis malkovrita la 13-a de aŭgusto 1898 de la germana astronomo Carl Gustav Witt, elde Berlino kaj, la saman nokton, de la franca astronomo Auguste Charlois elde la observatorio de Nico.

Nomo

Ĝi ricevis la nomon de Eroso, helena dio de la amo.

Esplorado

Eroso vidita de 7000 km de la sondilo NEAR

433 Eroso estis la dua asteroido preterflugita de la kosmosondilo NEAR Shoemaker, post 253 Matildo.

Post sensukcesa preterpaso la 10-an de januaro 1999, la kosmosondilo enorbitiĝis ĉirkaus Eroson la 14-an de februaro 2000, al distanco de 50 km. Inter aprilo kaj oktobro 2000, la sondilo tute kartografiis la asteroidon.

La 12-an de februaro 2001, kvankam tio ne estis antaŭvidata en la komenca programo, la sondilo surteriĝis sur la asteroidon, el kie ĝi plue elsendis signalojn ĝis la 28-a de februaro 2001^[6].

Eroso superflugita de la sondilo NEAR

Ecoj

La orbito de 433 Eroso trairas (rigardita orte al la ekliptika ebeno) la orbiton de Marso kaj proksimiĝas tiun de Tero, sed ne trairas ĝin. La plej malgranda distanco inter Eroso kaj Tero estas 19 milionoj da km (0,13 AU). La 31-an de januaro 2012 Eroso alproksimiĝos al Tero ĝis 26,7 milionoj da kilometroj.

433 Eroso ne estas sfera (ne eĉ elipsa), ĝi havas longan formon similantan tiun de pantoflo kun ampleksoj ĉirkaŭ 34 x 11 x 11 km. Ĝiaj du distingeblaj partoj ricevis la nomojn de "Charlois Regio" kaj "Witt Regio", laŭ la nomoj de la malkovrintoj Auguste Charlois kaj Gustav Witt.

La temperaturo de la surfaco de Eroso varias inter −150 °C kaj +100 °C, ĝia denso estas 2 400 kg.m⁻³, tie estas proksimume tiu de la tera krusto.

La misio NEAR Shoemaker montris, ke la plejparto el la rokoj, kiuj superŝutas la asteroidon, estis elĵetitaj de ununura alfrapa kratero, nomita "Shoemaker kratero", maljuna de ĉirkaŭ unu miliardo da jaroj. Tiu alfrapo faris ke 40 % el la Erosa surfaco estas senigita de krateroj pli malgrandaj ol 0,5 km de diametro. Oni unue opiniis, ke ili estus ŝtopitaj de elĵetitaj rompaĵoj. Pli fajna analizo montris ke la senkrateraj lokoj situas je rekta distanco de 9 km ĉirkaŭ de la alfrapita punkto^[7], eĉ kiam la distanco mezurita laŭ surfaco superas 9 km. Oni hipotezis, ke la ŝokondoj pro la alfrapo okazigis enfalon de la malgrandaj krateroj pro skuo. La neregula formo de Eroso faras, ke rekta distanco de 9 km povas kovri pli grandan distancon laŭ la surfaco^[8].

Eroso, fotita la 14-an de septembro 2000 de NEAR
Suda "duonsfero", 3-a de decembro 2000
Vido de la Erosa surfaco, dum la malsupreniro de NEAR

Notoj kaj referencoj

Eksteraj ligiloj

Parametroj kaj simulado de orbito ĉe JPL Small-Body Database Lookup angle
Objekto ĉe Minor Planet Center angle
Objekto ĉe Space Reference angle
Objekto ĉe la datumbazo de NEODyS-2 angle
Mapo de 433 Eroso
angle 433 Eroso - france 433 Eroso Arkivigite je 2009-05-08 per la retarkivo Wayback Machine (el "La ~~naŭ~~ 8 planedoj")
france Eros (Le système solaire à portée de votre souris - La Sunsistemo musklake atingebla)
germane Asteroido (433) Eroso Arkivigite je 2010-07-28 per la retarkivo Wayback Machine

Antaŭe:	Listo de asteroidoj (1 - 1000)	Poste:
432 Pythia	433 Eroso	434 Hungario

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] PIA02923: Mosaic of Eros' Northern Hemisphere (Mozaika bildo de la norda Erosa "duonsfero") (angle)

[2] PIA02923: Mosaic of Eros' Northern Hemisphere (Mozaika bildo de la norda Erosa "duonsfero") (angle)

[3] PIA02923: Mosaic of Eros' Northern Hemisphere (Mozaika bildo de la norda Erosa "duonsfero") (angle)

[4] Near Earth Asteroid Rendezvous (angle)

[masoj-5] 1 2 3 Recent Asteroid Mass Determinations maintained by Jim Baer last updated 27 December 2009
(Recentaj determinoj de asteroidaj masoj tenitaj de Jim Baer ĝisdata 27-a de Decembro 2009) (angle)

[6] Landing on Eros (surteriĝo sur Eroson), de Andrew Cheng, NEAR Project Scientist (angle)

[7] NEAR mission images give clues to composition of asteroid Eros (Bildoj de NEAR-misio indikas pri la Erosa komponiĝo) (angle)

[8] Seismic resurfacing by a single impact on the asteroid 433 Eros (Sisma resurfacado pro unika alfrapo sur la asteroido 433 Eroso) (angle)

[2]

[3]

[4]

[5]

[6]

[7]

[8]