La 28-a de junio estas la 179-a tago de la jaro (la 180-a en superjaroj) laŭ la Gregoria kalendaro. 186 tagoj restas.

Je la 28-a de junio okazis, interalie:

Eventoj

• 550: Konsekro de la Preĝejo de la Sanktaj Apostoloj en Konstantinopolo
• 572: Mortigo de la konkerinto de Italio Alboino, la reĝo de lombardoj
• 1098: Kruckavaliroj konkeris Antioĥion
• 1147: Rekonkero: kristanaj armeoj komencis 4-monatan sieĝon de Lisbono, finitan per liberigo de la urbo de la regado de maŭroj
• 1228: Germana imperiestro kaj reĝo de Sicilio kaj Jerusalemo Frederiko la 2-a ekiris de Brindizio al la 6-a krucmilito
• 1243: Inocento la 4-a iĝis papo
• 1245: La 13-a koncilio de Katolika Eklezio komenciĝis en Liono
• 1389: En la batalo de Kosova Kampo (baseno) malvenko de Serbio, kiu iĝis vasalo de Otomana Imperio konkeronta Balkanan duoninsulon
• 1461: Eduardo la 4-a kroniĝis kiel reĝo de Anglio
• 1495: Unua itala milito: venko de franca armeo kontraŭ la hispana-napola en la batalo de Seminara
• 1514: Fondo de Santiago de Kubo
• 1519: Karlo la 5-a iĝis imperiestro de la Sankta Romia Imperio
• 1569: Pola Sejmo voĉdonis Lublinan Union pri la Respubliko de Ambaŭ Nacioj inter la Krono de la Regno de Pollando kaj Grandprinclando Litovio - subskribita la 1-an de julio, kaj fine ratifita de la reĝo Sigismondo la 2-a la 4-an de julio
• 1575: Japanio: kunligitaj fortoj de Oda Nobunaga kaj Tokugawa Ieyasu venkis en la Batalo de Nagashino
• 1635: Gvadelupo fariĝis franca kolonio
• 1651: Tritaga batalo de Beresteĉko komenciĝis - la plej granda tera batalo de la 17-a jarcento gajnita de poloj, batalantaj kontraŭ tataroj kaj kozakoj gvidataj de Bohdan Ĥmelnickij
• 1657: Sveda diluvo: sveda armeo post mallongdaŭra sieĝo konkeris kastelon en Złotów kaj bruligis la urbon
• 1660: Venko de pola-litova armeo kontraŭ la rusa en batalo de Połonka (nun en Bresta regiono)
• 1758: Sepjara Milito: Aŭstria Korpuso de generalmajoro Ernst Gideon von Laudon atakis prusan provizokonvojon en la Batalo ĉe Domašov
• 1763: Tertremo en Hungario kaj Slovakio (Komárno)
• 1783: Parizo: Antoine Lavoisier kaj Pierre-Simon Laplace raportis en la Akademio de Sciencoj de Francio pri la kompleksa strukturo de akvo
• 1794: Insurekcio de Kościuszko: en Liepāja oni solene anoncis eksplodon de la ribelo en Duklando Kuronio kaj Zemgalio; dum tumulto en Varsovio oni pendumis 8 altrangajn polajn perfidulojn kaj spionojn de la Rusia Imperio
• 1807: Dua brita invado al Plata-Rivero: John Whitelocke alteriĝis en Ensenada provante rekapti Bonaeron, sed estis venkita
• Franca invado al Rusio
  • 1812: Venkoj de pola-franca armeo en la unuaj bataloj de Dziawałtów kaj Rykontai (Vilno-regiono) - Grande Armée de Napoleono okupis Vilnon
  • 1812: Sejmo de Varsovio anoncis sin konfederacio kaj deklaris restarigon de la pola-litova ŝtato
• 1831: Novembra ribelo kontraŭ la Rusia Imperio: rusaj trupoj okupis Kaŭnon
• 1838: Viktoria kroniĝis kiel reĝino de la Unuiĝinta Reĝlando de Granda Britio kaj Irlando
• 1840: Germanio: Friedrich Fröbel fondis unuan infanĝardenon en Bad Blankenburg
• 1846: Belga inventisto Adolphe Sax ricevis patenton por saksofono
• 1881: Aŭstra-serba alianco estis sekrete subskribita
• 1886: Usona astronomo Christian Heinrich Friedrich Peters malkovris asteroidon Aletejo
• 1902: Usona Kongreso aprobis konstruadon de la Panama kanalo
• Unua mondmilito
  • 1914: Atenco de Sarajevo: aŭstra arkiduko Franz Ferdinand d'Este kune kun sia edzino estis mortpafitaj fare de Gavrilo Princip - senpera kaŭzo de la milito
  • 1917: Grekio aliĝis al Alianco, kontraŭ Centraj Potencoj
  • 1919: Subskribo de la Traktato de Versajlo finanta la unuan mondmiliton, en kiu 9 milionoj de soldatoj pereis kaj 20 milionoj vundiĝis
• 1919: Internacia Organizaĵo de Laboro fondiĝis dum Konferenco de Parizo
• 1921: Reĝlando de Serboj, Kroatoj kaj Slovenoj akceptis konstitucion
• 1922: Irlanda Enlanda Milito komencita: batalo de Dublino
• 1924: Dua Pola Respubliko: dispone de la prezidento Stanisław Wojciechowski oni fondis entreprenon Ŝtataj Forstoj
• 1926: Germana kompanio Daimler-Motoren-Gesellschaft kuniĝis kun Benz & Cie, kreante aŭtomobilfabrikon Mercedes-Benz
• 1927: Krakovo: sur Vavelon estis metitaj cindroj de la pola poeto-profeto Juliusz Słowacki
• 1928: Kazimierz Bartel la kvaran fojon iĝis ĉefministro de Pollando
• 1936: Faŝista Franca Popola Partio fondiĝis
• 1938: Usono: 450-tuna meteoroido eksplodis super Pensilvanio
• Dua mondmilito
  • 1940: Germana okupado de Pollando: Pola Rezistomovado: Gestapo malkovris en Lodzo ĝis tiu ĉi tago 16 polajn konspirajn organizaĵojn; en Vilno, aneksita de Sovetunio, aperis lasta n-ro de pollingva Gazeta Codzienna (Ĉiutaga Gazeto); Rumanio, rezulte de soveta ultimato, cedis Besarabion al Sovetunio - taĉmentoj de Ruĝa Armeo eniris ankaŭ nordan Bukovinon (ĝis la 1-a de julio) - 40 000 polojn apartigis 50-kilometra zono; Nord-Afrika kampanjo: ordono de marŝalo Pietro Badoglio al regento de itala Libio marŝalo Italo Balbo pri la preteco ataki Egiption la 15-an de julio - samtage italo Balbo pereis apud Tobruko pro pafalterigo de lia aviadilo fare de propra kontraŭaviada defendo; agnosko de la Nacia Komitato de Libera Francio fare de brita registaro
  • 1941: 7- tago de la fulmomilita germana invado al Sovetunio: germana armeo konkeris Minskon kaj Kovel; unua partizana batalo kontraŭ Wehrmacht sub la komando de belorusa NKVD-funkciulo Vasil Korĵ; Germanaj regopovoj de Ĝenerala Gubernio ordonis forigi de preĝejoj la bustojn, bildojn kaj tabulojn de eminentaj poloj; Orienta Fronto: trupoj de nord-okcidenta fronto retiriĝis al norda bordo de Daŭgavo, de ties elfluejo ĝis urbo Līvāni (Preiļi-regiono) kaj pli foren; en Lvovo finiĝis kelktaga pafmortigo de malliberuloj, farita de NKVD pro retiriĝado de la Ruĝa Armeo; Orienta Fronto: sovetaj trupoj de nord-okcidenta fronto retiriĝis malantaŭ Daŭgavo (orienta Latvio); Konsilio de Pola Diasporo en Ĉikago petas Usonan Ruĝan Krucon pri tuja savkampanjo favore al pola loĝantaro ekziligita al Siberio kaj restanta en Sovetunio; dutaga pogromo en Iași komenciĝis — rumanaj regopovoj ekzekutis pli ol 13 000 judojn; marioneta registaro de Albanio deklaris militon al Sovetunio
  • 1942: Operaco Reinhardt: al koncentrejo Majdanek germanoj alveturigis la 27-an kaj 28-an de junio ĉirkaŭ 1000 judojn de Protektorato Bohemio kaj Moravio; Wehrmacht komencis operacon Fall Blau por okupi sovetajn naftokampojn de Bakuo kaj Kuban — la somera ofensivo komenciĝis je la 3:15 en suda parto de la Orienta Fronto
  • 1943: 50 poloj pereis pro kaŝado de judoj: venĝe pro helpo al judoj, germana ĝendarmaro ekstermis vilaĝon Cisie (proksime al Mińsk Mazowiecki), dum kiu oni pafmortigis 25 personojn (en tio virinoj kaj infanoj) kaj 3 judojn kaj en Cegłowo (proksime al Olsztyn) germana polico pafmortigis 25; Pola Rezistomovado: taĉmento de Pola Enlanda Armeo liberigis 29 malliberulojn el malliberejo en Mińsk Mazowiecki; en Przemyślany (proksime al Lvovo) germanoj likvidis filion de juda labortendaro en Kurowice - germanoj pafmortigis 250 virinojn kaj 200 judojn translokigis al Kurowice; nokte de la 28-a/29-a de junio soveta aviado atakis fervojan nodon en Orŝa, stacidomon en Karaĉev, kaj havenon en Tamani; Bomba Korpuso de RAF atakis Kolonjon
  • 1944: En Wyszków germana polico pafmortigis 50 personojn pro mortigo de germana policano; fare de altranga komandanto de SS kaj de polico en ĜG Wilhelm Koppe estis transdonita ordono de Heinrich Himmler pafmortigi ĉiujn virojn en familioj de poloj, kiuj atencas kontraŭ germanoj kaj partoprenas sabotadon, kaj iliaj familianoj pli ol 16-aĝaj devus esti deportitaj al koncentrejoj; 4-a brigado de Pola Enlanda Armeo en distrikto Vilno detruis 4 pontojn, grupiĝo apud Tarnogród batalis kontraŭ germana polica traserĉo, taĉmento de EA elreligis trajnon inter Łuków kaj Lublin; Orienta Fronto: trupoj de Karelia Fronto liberigis Petrozavodsk kaj purigis de malamiko Kanalon Blanka maro - Balta maro; en Belorusa SSR finiĝis unua etapo de la operaco, dum kiu oni trarompis germanan defendon sur fronta longeco de 520 km kun transiro okcidenten ĝis 90–150 km — la Ruĝa Armeo liberigis Vicebskon; Sovetunio agnoskis novan registaron en Sirio
• 1945: Dua soveta okupado de Pollando: kreiĝis la Provizora Registaro de Nacia Unueco, kiun eniris komunistoj kaj reprezentantoj de kontraŭkomunista pola ekzila registaro: ĉefministro Edward Osóbka-Morawski, unua vicĉefministro Władysław Gomułka, dua vicĉefministro Stanisław Mikołajczyk
• 1946: Stalinismo: la Landa Nacia Konsilio dekretis pri puna respondeco pro deflankiĝo de nacieco en la jaroj 1939-1945
• 1947: Belorusa gimnazio en Regensburg akceptis la nomon Janka Kupala
• 1948: Disfendo inter Tito kaj Stalin: Komunista Partio de Jugoslavio estis forigita de Kominform — foresto de Josip Broz Tito en la kongreso markis politikan krizon en rilatoj kun Josif Stalin
• 1950: Korea milito: Nord-Koreio konkeris Seulon - masakro de komunistoj kaj simpatiantoj komenciĝis, sume pereis ne mapli ol 60 ĝis 100 mil homoj
• 1952: Kalifornio: en Long Beach okazis unua beleco-konkurso de Miss Universo
• 1956: Kontraŭkomunista ribelo de Poznań eksplodis kiel unusola ribelo en la Pola Popola Respubliko kaj la plej granda en Mez-Orienta Eŭropo — dum 3 tagoj oni uzis pli ol 10 mil soldatojn kun 360 tankoj - pereis 58 personoj, 600 vundiĝis, 850 arestitoj
• 1967: Israelo aneksis Orientan Jerusalemon
• 1969: Stonewall-tumulto - ekribeloj kaj manifestacioj de gejoj kaj transgenruloj en Novjorko, kiuj markas la komencon por la samseksema emancipiĝo kaj libereco
• 1972: Papo Paŭlo la 6-a eldonis buleon Episcoporum Poloniae coetus, kiu fiksis novan eklezian administracion sur Regajnitaj Teritorioj
• 1981: En Poznań en la 25-an datrevenon de la Ribelo de Poznań oni solene malfermis Monumenton al Viktimoj de la Ribelo de Poznań
• 1987: Iraka-irana milito: pro aviadila bombado kun iperito super la irana urbo Serdeşt 10 kurdoj mortis kaj 650 ekmalsanis
• 1987: Destrojero ORP Błyskawica (Fulmo) kiel unusola pola batalŝipo estis distingita per Ora Kruco de la Milita Ordeno Virtuti Militari
• 1991: Malfondo de la Konsilio de Reciproka Ekonomia Helpo
• 1992: Burhanuddin Rabbani iĝis prezidento de Afganio
• 1992: En Mongolio komenciĝis unua plurpartia parlamenta balotado
• 1993: Makedonio membriĝis al Unesko
• 1996: Verĥovna Rada akceptis konstitucion de Ukrainio
• 2000: Pola Milita Tombejo en Katin estis inaŭgurita apud Smolensk
• 2001: Estinta prezidento de Serbio kaj Jugoslavio Slobodan Miloŝeviĉ estis transdonita de serbaj regopovoj al la Internacia Pun-Tribunalo por Eksa Jugoslavio en Hago
• 2004: En Irako ekregis provizora registaro de Ijad Allaŭi, kio formale finis usonan okupadon de la lando
• 2005: Landoj engaĝitaj en la esplorprojekto ITER konsentas konstrui eksperimentan nuklean fuzian reaktoron en Cadarache (suda Francio)
• 2006: Pollando: en Gdańsk malfermiĝis Muzeo de Sukceno
• 2006: Montenegro aliĝis al Unuiĝintaj Nacioj
• 2009: Honduro: pro militista puĉo prezidento Manuel Zelaya estis senpostenigita
• 2010: Pierre Nkurunziza iĝis refoje prezidento de Burundo
• 2011: Sur fotoj faritaj de Kosmoteleskopo Hubble oni malkovris Kerberoson, la kvaran el kvin konataj lunoj de Plutono
• 2015: Lars Løkke Rasmussen la duan fojon iĝis ĉefministro de Danio
• 2016: En atenco al Internacia Flughaveno Istanbulo-Atatürk pereis 45 personoj kaj 239 vundiĝis
• 2017: En ŝipfarejo de Ŝanhajo surakviĝis unua ĉina raketa destrojero de la tipo 055
• 2020: Unuan parton de la prezidenta voĉdonado en Pollando gajnis Andrzej Duda kun la rezulto 43,50% - venkinta en la dua kontraŭ urbestro de Varsovio
• 2022: Invado de Rusio en Ukrainion:
  • 125-a tago de la rusa agreso: En la tuta lando okazas funebro pro pasinttagaj du krozmisilaj atakoj kontraŭ Komerca Centro en Kremenĉuk, kie ĝis nun oni konfirmis morton de 20 personoj kun 59 vunditoj, 37 estas serĉataj; urbestestro de Ĥersono estis forkondukita de okupantoj — urbestro de Melitopolo informis pri 500 homforkaptoj, en tio de infanoj; kadre de la 13-a interŝanĝo de militkaptitoj 16 ukrainaj soldatoj estis liberigitaj kun unu civilulo, en tio 5 grave vunditaj, ankaŭ oni redonis 46 korpojn, en tio 21 de la defendantoj de Mariupolo; ukraina flanko, pro misinformoj de la rusa, konfirmis uzon en la fronto de 7 specoj de artileriaj armiloj laŭ NATO-normoj; en Ĥmelnickijo strato de Puŝkin estis alinomita je mortfalita surfronte belorusa volontulo
  • Mondreago: Litovio plilongigis eksterordinaran staton ĝis mezo de septembro (enkondkitan la 24-an de februaro); tagon post la atako al Kremenĉuk Usono aldonis novajn sankciojn, i.a. al 200 oficiroj de Rusia armeo, blokante iliajn vizojn; Universitato de Kembriĝo anoncis helpon por ukrainaj sciencistoj ofertante staĝojn; Rusio suspendis agadon siaj konsulejoj en Sofio kaj Varno kaj por monato en Ruse — pli frue Bulgario informis pri forigo de 70 rusaj diplomatoj
  • 2023: Ĝis 11 personoj kreskis nombro de mortintoj post rusa raketa atako al picejo en Kremenĉuk, 61 estis vunditaj; okaze de datreveno de la Konstitucio de Ukrainio al Kievo alvenis prezidantoj Andrzej Duda kaj Gitanas Nausėda; rusaj okupantoj amase arestas dekkelkjarulojn lojalajn al Ukrainio
  • Mondreago: Litovio aĉetos por Ukrainio du sistemojn de aerdefendo NASAMS, kaj limigas tranziton de 57 varoj de duobla uzo, kiuj povus trafi al Rusio aŭ Belorusio (mikroelektroniko kaj konsisteroj de duonkonduktanto); Rusio varbigas civitanojn de Nepalo al la milito kontraŭ Ukrainio, nun ili estas instruataj en Rusio kaj Belorusio; ĉefministrino Kaja Kallas deklaris, ke Estonio konsideras Belorusion kiel kunagresanton; al la pola haveno Szczecin alnavigis 14 tankoj M1A1 Abrams kaj 4 veturiloj de teknika protekto — pola registaro plifortigas defendon de sia orienta landlimo pro atendata apero de ok mil de solduloj el la Grupo Wagner en Belorusio; laŭ enketo jam ĉiu tria ruso opinias, ke la agreso al Ukrainio estis eraro; "New York Times": rusa generalo Sergiej Surovikin estis arestita pro scio pri la planata puĉo de Prigoĵin;

Naskiĝoj

• 751: Karloman la 1-a, reĝo de frankoj (m. 771)
• 1243: Go-Fukakusa, imperiestro de Japanio (m. 1304)
• 1476: Paŭlo la 4-a, papo (m. 1559)
• 1478: Johano de Aragono kaj Kastilio, princo de Asturio (m. 1497)
• 1490: Albrecht von Brandenburg, germana kardinalo, princo-elektisto de Majenco (m. 1545)
• 1491: Henriko la 8-a (Anglio), reĝo de Anglio el dinastio Tudoroj, enkondukinta anglikanismon (m. 1547)
• 1577: Petro Paŭlo Rubens, flandra pentristo (m. 1640)
• 1586: Paul Siefert, germana komponisto de Nordgermana Orgenskolo (m. 1666)
• 1703: John Wesley, angla metodisma teologo (m. 1791)
• 1712: Jean-Jacques Rousseau, svisa-franca filozofo kaj pedagogo konata de la eseoj Diskurso pri sciencoj kaj artoj kaj Diskurso pri deveno kaj fundamentoj de malegaleco inter la homoj, aŭtoro de la pluraj libroj kiel Socia kontrakto aŭ La nova Helojzo (m. 1778)
• 1719: Étienne-François de Choiseul, franca generalo, diplomato, politikisto (m. 1785)
• 1751: Nikolao Petroviĉ Ŝeremetev, grafo, rusa filantropo kaj mecenato (m. 1809)
• 1773: Frédéric Cuvier, franca zoologo kaj paleontologo, zorganto de la menaĝerio de la Nacia Muzeo de Natura Historio de Parizo (m. 1838)
• 1784: Pál Tittel, hungara astronomo, romkatolika pastro, profesoro, fondinta membro de Hungara Scienca Akademio (m. 1831)
• 1810: Piotr Dahlman, pola poeto, tradukisto kaj publicisto (m. 1847)
• 1811: János Kriza, hungara etnografo, unitariisma episkopo (m. 1875)
• 1824: Paul Broca, franca kirurgo kaj antropologo (m. 1880)
• 1826: Elek Szamossy, hungara pentristo, unua majstro de Mihály Munkácsy (m. 1888)
• 1831: Joseph Joachim, aŭstrohungara violonisto, dirigento kaj komponisto (m. 1907)
• 1859: Ludwig Hertel, germana pedagogo kaj regionhistoriisto (m. 1910)
• 1861: Zsigmond Szántó, hungara ĵurnalisto, literaturhistoriisto (m. 1934)
• 1864: Henrik Pap, hungara pentristo kaj grafikisto (m. 1910)
• 1865: Otto Julius Bierbaum, germana verkisto kaj ĵurnalisto, reforminta kabaredan artoĝenron (m. 1910)
• 1867: Luigi Pirandello, itala Nobelpremiita verkisto (m. 1936)
• 1869: Jacques Camescasse, franca kontisto, kunfondinto de framasona loĝio "Esperanto", membro de LKK por UK 1914, Delegito de UEA, tradukisto (m. 1941)
• 1873: Alexis Carrel, franca Nobelpremiita kirurgo kaj biologo (m. 1944)
• 1875: Henri Leon Lebesgue, franca matematikisto ĝeneraliginta la nocion de integralo, konata de Lebega punkto (m. 1941)
• 1877: Leon Rosenstock, pola advokato kaj esperantisto, kies tradukaĵoj estas en "Pola Esperantisto", "Universo", "La Revuo" k. a., ĉefsekretario de UK 1912 (m. nekonata)
• 1877: Zoltán Szász, hungara ĵurnalisto ĉe "Pesti Hírlap", teatrokritikisto (m. 1940)
• 1883: Pierre Laval, franca politikisto, juristo, pacisto kaj kunlaboristo, ekzekutita (m. 1945)
• 1888: Ossaka Kenji, japana inĝeniero kaj esperanto-verkisto, kunfondinto kaj direktoro de Japana Esperanto-Instituto, redaktoro de "Japana Esperantisto" kaj "La Revuo Orienta" (m. nekonata)
• 1888: Stefi Geyer, hungara-svisa violonistino kaj instruistino (m. 1956)
• 1889: Ferike Vidor, hungara aktorino kaj komikistino (m. 1970)
• 1895: Paweł Janik, pola kleriko el Silezio, fondinto de Pola Katolika Esperanto-Ligo (m. 1978)
• 1901: Pál Péter Domokos, hungara historiisto kaj muziketnografo (m. 1992)
• 1903: John Dillinger, fifama usona bankorabisto (m. 1934)
• 1906: Maria Goeppert-Mayer, usona Nobelpremiita fizikistino (m. 1972)
• 1906: Sándor Veégh, rumania hungara literaturhistoriisto, tradukisto (m. 1977)
• 1908: Olav Reiersøl, norvega profesoro pri stokastiko, esperanto-vortaristo kaj e-gramatikisto, aŭtoro de Matematika terminaro (m. 2001)
• 1912: Zdeňka Švabíková-Kožíková, ĉeĥa aktorino rolinta en esperanta Verda Stacio (m. 1994)
• 1913: Franz Antel, aŭstra reĝisoro kaj scenaristo (m. 2007)
• 1914: István Merly, rumania hungara, hungara ĵurnalisto (m. 1969)
• 1916: József Árvay, hungara lingvisto kaj direktoro de Muzeo Sikula Nacia (m. 1975)
• 1918: Stefan Strelcyn, pola historiisto kaj orientalisto okupiĝanta pri Etiopio, Eritreo, ŝemida lingvaro kaj geeza lingvo (m. 1981)
• 1925: Endre Keresztes, rumania hungara ekonomikisto (m. 1988)
• 1928: Hans Blix, sveda politikisto kaj diplomato, direktoro de Internacia Atomenergia Organizo
• 1928: Miklós Köllő, hungara scenarlibretisto, studiestro
• 1930: Itamar Franco, prezidanto de Brazilo kaj ambasadoro (m. 2011)
• 1931: Geraldo Mattos, brazila filologo, aktivulo de rozkrucismo, Esperanto-poeto, prezidanto de la Akademio de Esperanto, honora membro de Kolombia Esperanto-Ligo, kunlaboranto de "Monato", tradukisto, esperantologo (m. 2014)
• 1934: Georges Wolinski, franca satira desegnisto, murdita (m. 2015)
• 1936: Kurt Krenn, aŭstra episkopo romkatolika (m. 2014)
• 1940: Muhammed Yunus, bangladeŝa Nobelpremiita ekonomikisto, fondinto de Gramin-Banko disdonanta mikrokreditojn
• 1945: Raul Seixas, brazila kantisto kaj komponisto, pioniro de rokenrolo (m. 1989)
• 1945: Sándor Selinger, rumania hungara fizikisto kaj naturscienca fakverkisto
• 1948: Kathy Bates, usona aktorino
• 1954: Benoît Sokal, belga aŭtoro de komiksoj (m. 2021)
• 1955: Johanna Bottesch, rumania filologino
• 1956: Bakir Izetbegović, bosnia politikisto, prezidumestro de Bosnio kaj Hercegovino
• 1956: Niki List, aŭstra reĝisoro kaj aktoro
• 1957: Georgi Parvanov, bulgara historiisto, prezidanto de la Bulgara Socialisma Partio kaj de Koalicio por Bulgario, prezidento de Bulgario
• 1959: Zoltán Lendvay, rumania hungara pentristo, grafikisto
• 1961: Leonard Orban, rumana politikisto, membro de Eŭropa Komisiono
• 1972: Ngo Bao Chau, vjetnama-franca matematikisto
• 1975: Imre Géza Sántha, rumania hungara muzeologo, arthistoriisto

Mortoj

• 548: Teodora la 1-a, bizanca imperiestrino (n. ĉirkaŭ 500)
• 572: Alboino, reĝo de lombardoj, konkerinto de Italio
• 683: Leono la 2-a, papo konanta latinon kaj antikvan grekan lingvon, sanktulo
• 767: Paŭlo la 1-a, papo, sanktulo
• 1174: Andrej Bogoljubskij, grandduko de Vladimir (n. ĉirkaŭ 1111)
• 1189: Matilda, dukino de Saksio (n. 1156)
• 1586: Primož Trubar, slovena kleriko protestanta, aŭtoro de la unua presita libro en la slovena lingvo (n. 1508)
• 1598: Abraham Ortelius, flandra kartografo, kreinto de la unua Atlaso (n. 1527)
• 1607: Domenico Fontana, svis-itala arkitekto kaj inĝeniero de malfrua renesanco (n. 1543)
• 1681: Angélique de Fontanges, amantino de Ludoviko la 14-a (n. 1661)
• 1736: Christian, germana duko de Saksio-Weißenfels (n. 1682)
• 1801: Martin Johann Schmidt, aŭstra pentristo de rokoka stilo (n. 1718)
• 1835: Augustin Josef Gruber, aŭstra teologo kaj episkopo (n. 1763)
• 1836: James Madison, prezidento de Usono 1809-17, subskribinto de la Usona Konstitucio (n. 1751)
• 1848: Jean-Baptiste Debret, franca pentristo kaj inĝeniero vizitinta Brazilon (n. 1768)
• 1863: János Ágoston, hungara pastro, astronomo (n. 1787)
• 1867: Frederiko Guntero (Schwarzburg-Rudolstadt), germana princo (n. 1793)
• 1884: Mihály Táncsics, hungara verkisto, instruisto, ĵurnalisto kaj politikisto (n. 1799)
• 1889: Francisco Otaviano, brazila advokato, ĵurnalisto, diplomato, politikisto kaj poeto (n. 1825)
• 1906: Etelka Bálintffy, hungara poetino gvidanta literaturan salonon (n. 1844)
• 1908: Franz Treller, germana verkisto, reĝisoro kaj aktoro (n. 1839)
• 1909: Arthur Fitger, germana pentristo kaj verkisto (n. 1840)
• 1911: Arĥip Teslenko, ukraina verkisto (n. 1882)
• 1913: Manuel Ferraz de Campos Sales, prezidento de Brazilo (n. 1841)
• 1914: Camillo Boito, itala verkisto kaj arĥitekto (n. 1836)
• 1914: Franz Ferdinand, arkiduko de Aŭstrio, heredonto al la Aŭstrio-Hungaria trono, murdita (n. 1863)
• 1914: Žofie Chotková, ĉeĥa nobelino, murdita (n. 1868)
• 1916: Ştefan Luchian, rumana pentristo de floroj, konata de pejzaĝismo (n. 1868)
• 1917: János Csiky, hungara komponisto kaj muziksciencisto (n. 1873)
• 1932: Maironis, litova nacia poeto kaj verkisto, kies litova legendo estis esperantigita, filozofo, katolika teologo, profesoro de la Vytautas-Magnus-Universitato (n. 1862)
• 1936: Alexander Berkman, usona kaj rusia radikala anarkiisto, kunulo de Emma Goldman (n. 1870)
• 1940: Italo Balbo, itala politikisto, militisto, aviadisto (n. 1896)
• 1941: Marie von Bunsen, germana verkistino, pentristino kaj salonistino (n. 1860)
• 1942: Janka Kupala, belorusa verkisto kaj tradukisto, kunkreinto de la belorusa literatura lingvo (n. 1882)
• 1942: Elemér Hantos, hungara verkisto, jura kaj ekonomia ĵurnalisto, politikisto (n. 1881)
• 1945: Stanislav Kostka Neumann, ĉeĥa poeto, kunfondinto de Esperantista Klubo en Praha (n. 1875)
• 1951: Béla Felszeghy, hungara juristo publikiginta en Erdélyi Múzeum (revuo) (n. 1882)
• 1952: Ludwig Radermacher, germana kaj aŭstra klasika filologo (n. 1867)
• 1957: Ede Poldini, hungara komponisto, pianisto kaj framasono (n. 1869)
• 1960: Móric Esterházy, ĉefministro de Hungario, avo de Péter Esterházy (n. 1881)
• 1965: László Farkas, rumania hungara lokhistoriisto (n. 1911)
• 1967: Gabriella Bartók, hungara poetino (n. 1887)
• 1967: István Földi, hungara redaktoro kaj verkisto, ĉefkunlaboranto de gazeto "Székely Nép" (n. 1903)
• 1967: Oskar Maria Graf, germana verkisto kaj anarkiisto troviĝinta en la listo de aŭtoroj malpermesataj en Nazia Germanio (n. 1894)
• 1971: Martin Benka, slovaka pentristo kaj grafikisto, titolita nacia artisto, desegninta serion da bildkartoj kun esperantaj temoj kaj verkinta kelkajn esperantlingvajn rakontojn, pentrinta portreton de L.L. Zamenhof (n. 1888)
• 1974: Vannevar Bush, usona inĝeniero kaj inventisto, kreinto de la ideoj pri komputila reto kaj hiperteksto (n. 1890)
• 1981: Mohammad Ĥosejni Beheŝti, irana ajatolo, verkisto kaj politikisto, murdita (n. 1928)
• 1981: Terry Fox, kanada atleto kaj aktivisto pri kancero-batalo (n. 1958)
• 1992: Miĥail Tal, sovetia ŝakmondĉampiono (n. 1936)
• 1996: Nándor Balaskó, hungara skulptisto, profesoro de skulptado kaj ceramikado de Magyar Művészeti Intézet, elmigrinta al Portugalio (n. 1918)
• 2000: Józef Tischner, pola filozofo, presbitero, etikisto, kapelano de sindikato Solidareco, ligita kun la regiono Podhale, populariganto de la nocio Homo sovieticus (n. 1931)
• 2004: István Horvai, hungara reĝisoro kaj profesoro (n. 1922)
• 2006: Theodore Levitt, usona ekonomikisto, populariganto de la termino tutmondiĝo (n. 1925)
• 2008: Ruslana Korŝunova, kazaĥa modelino, prezentanta vestfasonon, laŭ "Vogue" unu el la plej belaj eŭropaninoj (n. 1987)
• 2015: Ludwig Steiner, aŭstra regna laborservisto kaj posta rezistadmovadano, politikisto kaj diplomato (n. 1922)
• 2016: Scotty Moore, usona gitaristo, kies nomo estas en la Fam-Salono kaj Muzeo de Rokenrolo (n. 1931)
• 2016: György Csete, hungara arkitekto, altlerneja instruisto, membro de Hungara Arta Akademio (n. 1937)
• 2018: Harlan Ellison, usona verkisto pri sciencfikcio kaj hororoj, konata de Sferoj 7 (n. 1934)
• 2018: Christine Nöstlinger, aŭstra verkistino, ĵurnalistino, reĝisorino (n. 1936)
• 2022: Cüneyt Arkın, turka aktoro kaj reĝisoro (n. 1937)
• 2022: Martin Bangemann, germana politikisto, membro de la Eŭropa Komisiono (n. 1934)
• 2023: Julia Gschnitzer, aŭstra aktorino

Specialaj tagoj kaj festoj

• Festoj kaj rememoroj en Katolika Eklezio:
  • Sankta Ireneo, episkopo kaj martiro
  • Sankta Papo la 1-a
• Pollando: Nacia Memor-Tago pri la Ribelo de Poznań 1956
• Tago de la Konstitucio de Ukrainio, ekde 1996
• Geja Fiero

Tagoj de semajno

La 28-a de junio estas (laŭ gregoria kalendaro):

• Dimanĉo en jaroj: 1587 1592 1598 1609 1615 1620 1626 1637 1643 1648 1654 1665 1671 1676 1682 1693 1699 1705 1711 1716 1722 1733 1739 1744 1750 1761 1767 1772 1778 1789 1795 1801 1807 1812 1818 1829 1835 1840 1846 1857 1863 1868 1874 1885 1891 1896 1903 1908 1914 1925 1931 1936 1942 1953 1959 1964 1970 1981 1987 1992 1998 2009 2015 2020 2026 2037 2043 2048 2054 2065 2071 2076 2082 2093 2099;
• Lundo en jaroj: 1582 1593 1599 1604 1610 1621 1627 1632 1638 1649 1655 1660 1666 1677 1683 1688 1694 1700 1706 1717 1723 1728 1734 1745 1751 1756 1762 1773 1779 1784 1790 1802 1813 1819 1824 1830 1841 1847 1852 1858 1869 1875 1880 1886 1897 1909 1915 1920 1926 1937 1943 1948 1954 1965 1971 1976 1982 1993 1999 2004 2010 2021 2027 2032 2038 2049 2055 2060 2066 2077 2083 2088 2094;
• Mardo en jaroj: 1583 1588 1594 1605 1611 1616 1622 1633 1639 1644 1650 1661 1667 1672 1678 1689 1695 1701 1707 1712 1718 1729 1735 1740 1746 1757 1763 1768 1774 1785 1791 1796 1803 1808 1814 1825 1831 1836 1842 1853 1859 1864 1870 1881 1887 1892 1898 1904 1910 1921 1927 1932 1938 1949 1955 1960 1966 1977 1983 1988 1994 2005 2011 2016 2022 2033 2039 2044 2050 2061 2067 2072 2078 2089 2095;
• Merkredo en jaroj: 1589 1595 1600 1606 1617 1623 1628 1634 1645 1651 1656 1662 1673 1679 1684 1690 1702 1713 1719 1724 1730 1741 1747 1752 1758 1769 1775 1780 1786 1797 1809 1815 1820 1826 1837 1843 1848 1854 1865 1871 1876 1882 1893 1899 1905 1911 1916 1922 1933 1939 1944 1950 1961 1967 1972 1978 1989 1995 2000 2006 2017 2023 2028 2034 2045 2051 2056 2062 2073 2079 2084 2090;
• Ĵaŭdo en jaroj: 1584 1590 1601 1607 1612 1618 1629 1635 1640 1646 1657 1663 1668 1674 1685 1691 1696 1703 1708 1714 1725 1731 1736 1742 1753 1759 1764 1770 1781 1787 1792 1798 1804 1810 1821 1827 1832 1838 1849 1855 1860 1866 1877 1883 1888 1894 1900 1906 1917 1923 1928 1934 1945 1951 1956 1962 1973 1979 1984 1990 2001 2007 2012 2018 2029 2035 2040 2046 2057 2063 2068 2074 2085 2091 2096;
• Vendredo en jaroj: 1585 1591 1596 1602 1613 1619 1624 1630 1641 1647 1652 1658 1669 1675 1680 1686 1697 1709 1715 1720 1726 1737 1743 1748 1754 1765 1771 1776 1782 1793 1799 1805 1811 1816 1822 1833 1839 1844 1850 1861 1867 1872 1878 1889 1895 1901 1907 1912 1918 1929 1935 1940 1946 1957 1963 1968 1974 1985 1991 1996 2002 2013 2019 2024 2030 2041 2047 2052 2058 2069 2075 2080 2086 2097;
• Sabato en jaroj: 1586 1597 1603 1608 1614 1625 1631 1636 1642 1653 1659 1664 1670 1681 1687 1692 1698 1704 1710 1721 1727 1732 1738 1749 1755 1760 1766 1777 1783 1788 1794 1800 1806 1817 1823 1828 1834 1845 1851 1856 1862 1873 1879 1884 1890 1902 1913 1919 1924 1930 1941 1947 1952 1958 1969 1975 1980 1986 1997 2003 2008 2014 2025 2031 2036 2042 2053 2059 2064 2070 2081 2087 2092 2098.