1919: Crónica del alba (1919: Kroniko de taĝiĝo) estas hispana filmo de 1983 reĝisorita de Antonio José Betancor. Ĝi estas bazita en duonbiografia novelo de la naŭ eroj de la sagao Crónica del alba, de Ramón J. Sender. La antaŭan jaron oni faris unuan filmon pri alia ero de la sagao titolita Crónica del alba. Valentina (1982).

Intrigo

Zaragozo, 1919. Kie kaj kiam okazas unu el la plej gravaj anarkiistaj insurekcioj de la epoko, nome la ribelo de la kazerno de Palafox. José Garcés (Micky Molina) estas adoleskulo 15-jaraĝa kiu vivas en tiu tumulta situacio. Denaske eta burĝo, li sentas simpation por la revoluciuloj kaj precize por anarkiisto, kiu vendas librojn kaj gazetojn en surstrata budo. José (Pepe) laboras kiel helpanto en urba apoteko. Tie li konas Isabelita (Cristina Marsillach), samaĝulino, duonfilino de mistera revoluciulo, kiu laboras kiel servistino. La junulino havas klarajn planojn pri sia vivo; ne volas, ke iu estu ŝia posedanto kaj ankaŭ ne volas iĝis prostitutino en Barcelono, kiel multaj sametosulinoj. Tial ŝi volas rilati kun José, ĉar ŝi vidas en li eblon fuĝi de trista ekzistado. Tamen, José renkontiĝas ankaŭ kun Valentina, lia iama infana unua amo, kiu nun estas bela junulino, kiu estante de riĉa kaj burĝa familio, povus solvi liajn ekonomiajn problemojn. La juna Garcés devos elekti kun kiu li vivos.

Geaktoraro kaj roluloj

• Miguel Molina ... José Garcés, Pepe
• Cristina Marsillach ... Isabel
• Walter Vidarte ... Anarkiisto
• Saturno Cerra ... Don José, patro de Pepe
• Concha Leza ... Doña Luisa, patrino de Pepe
• Alfred Lucchetti ... Don Arturo, patro de Valentina
• Fernando Sancho ... Don Hermógenes
• José Antonio Correa
• Marisa de Leza ... Doña Julia, patrino de Valentina
• Concha Hidalgo ... Onklino Ignacia
• Emma Suárez ... Valentina
• Juan José Otegui ... Sro. Villanueva, apotekisto
• Rosa Fontana ... Srino. Villanueva

• En tiu ĉi artikolo estas uzita traduko de teksto el la artikolo Crónica del alba. Valentina en la hispana Vikipedio.