La 16-a de oktobro estas la 289-a tago de la jaro (la 290-a en superjaroj) laŭ la Gregoria kalendaro. 76 tagoj restas.

Je la 16-a de oktobro okazis, interalie:

Eventoj

• 456: Magister militum Ricimero venkis imperiestron Avitus en Piaĉenco kaj fariĝis mastro de la Okcident-Romia Imperio
• 690: Imperiestrino Wu Zetian ektroniĝis en dinastio Tang proklamante sin regantino de Ĉina Imperio - kiel ŝtata religio ŝi enkondukis budhismon forigante taoismon
• 1306: Rudolfo la 1-a estis elektita reĝo de Bohemio post la morto de lasta Premislido
• 1384: Krakovo: en katedralo de Vavelo hungara princino Jadviga kroniĝis kiel reĝo de Pollando (ne kiel reĝino)
• 1461: Dektrijara Milito: en Świecie pola armeo rekonkeris kastelon de la Ordeno de germanaj kavaliroj
• 1555: Anglikanaj episkopoj Hugh Latimer kaj Nicholas Ridley estis ŝtiparumitaj pro disvastigado de herezo
• 1590: Princo de Venosa, komponisto Carlo Gesualdo, murdis en sia palaco en Napolo sian edzinon kun amato
• 1672: Apud Puławy partianoj de la pola reĝo Mikaelo Korybut Wiśniowiecki ligis konfederacion por lin defendi kontraŭ porfranca partio celanta lian detronigon
• 1690: Papo Aleksandro la 8-a kanonizis Johanon de Dio
• 1775: Usona Milito de Sendependeco: brita armeo bruligis Portland en Majno
• 1793: Franca revolucio: reĝino Marie-Antoinette estis gilotinita sur Placo de la Revolucio
• 1796: Italio: Cispada Respubliko kreiĝis
• 1813: Napoleonaj militoj: kvartaga Batalo de Leipzig komenciĝis - organizita de la 6-a kontraŭfranca koalicio
• 1817: Giovanni Battista Belzoni malkovris en la Valo de la Reĝoj tomban monumenton de faraono Setio la 1-a
• 1834: Sidejo de brita parlamento, Palaco de Westminster, bruliĝis
• 1846: William Morton en malsanulejo de Bostono faris unuan operacion kun narkozo (etero)
• 1853: Otomana Imperio deklaris militon kontraŭ la Rusia imperio — komenco de la Krimea milito
• 1875: Utaho: religia universitato de mormonoj Universitato Brigham Young fondiĝis en Provo
• 1889: Pola fotisto kaj inventisto Konrad Brandel akiris patenton por manfotilo de obturatoraj fotoj, nomata fotorevolvero
• 1905: Brita politikisto George Curzon efektivigis dispartigon de Bengalio - Brita Hindio separis plejparte islamajn orientajn areojn de la plejparte hinduismaj okcidentaj areoj
• 1909: Usona astonomo Joel Hastings Metcalf malkovris asteroidon Vratislavio
• 1916: Novjorko: en Broklino Margaret Sanger malfermis unuan familiplanadan klinikon en Usono
• Unua Mondmilito
  • 1917: En Romo, laŭ iniciato de pola pastro Maksimiliano Kolbe, fondiĝis asocio Kavaliroj de Senmakula
  • 1918: Imperiestro Karlo la 1-a eldonis edikton pri kreo de loza federacio de apartaj konsisteroj de Aŭstrio-Hungario, alvokante provincojn formi naciajn konsiliojn, kio ne koncernas Hungarion
• 1919: Dua Pola Respubliko: Ignacy Jan Paderewski estis nomumita ĉefministro kaj samtempe ministro pri eksteraj aferoj; generalo Józef Dowbor-Muśnicki transprenis de majoro Stanisław Taczak komandon super la ribelo de Grandpolujo
• 1919: En Parizo estis malfermita Baziliko de la Sankta Koro sur Montmartre
• 1923: Konzerno Walt Disney Company fondiĝis en Holivudo
• 1925: Svislando: Konferenco de Locarno pri ŝtatlimoj finiĝis - pro firmigo de la paco oni poste disdonis 3 Nobel-premioj pri paco
• 1929: Polaj pilotoj Franciszek Żwirko kaj Antoni Kocjan atingis pere de aviadilo RWD-2 internacian rekordon pri alteco de flugo (4004 m)
• 1934: Ĝjangŝio: ĉina Ruĝa Armeo komencis Longan Marŝadon
• 1934: Konsilio de Germanoj en Pollando fondiĝis en Varsovio – ĝin konsistigis organizaĵoj kaj partioj de la germana nacia malplimulto
• Dua Mondmilito
  • 1939: Germana okupado de Pollando: en arbaro apud Starogard Gdański germana polico pafekzekutis 47 polajn pastrojn (d-ron Bolesław Dąbrowski el Pelplin kaj d-ron Leon Heyke, kaŝuban poeton kaj esploriston), en Karpina 20 polojn de Kaŝubio, en Varsovio 20, en Poznań 5, kaj pendumis en antaŭurboj de Varsovio 50 virojn, apud Kruszwica germanoj pafmortigis pastron Józef Bykowski; en Varsovio ekkonspiris Pola Partio Socialista - suspendita la 27-an de septembro
  • 1940: Oficiala establo de la Varsovia geto; en Poznań germana polico arestis 7 ciganinojn pro aŭgurado surstrate; en okupita de Sovetunio Lvovo "Czerwony Sztandar" (Ruĝa Flago) anoncis novan revuon en la pola lingvo — "Nowe Horyzonty" (Novaj Horizontoj), organon de la Asocio de Sovetaj Verkistoj (kunredaktata interalie de Tadeusz Boy-Żeleński) - ĝi aperis en Moskvo januare 1941 kiel "Nowe Widnokręgi"; letero de Benito Mussolini al bulgara caro Boriso la 3-a kun propono de komuna atako kontraŭ Grekio; en Usono oni registris 16 milionojn de viroj kapablaj al militservo
  • 1941: En Poznań komenciĝis reprezalioj rilate al la pola katolika eklezio; Holokaŭsto: germanoj pafekzekutis 1 146 judojn de Vilno; en Aŭŝvico estis gasumita pastro Adalbert Kopliński, konfesulo de papaj legatoj en Pollando; Orienta Fronto: kadre de la Operaco Barbaroso rumana kaj germana armeoj post 73 tagoj de sieĝo konkeris Odeson; Francio (reĝimo de Vichy): Philippe Pétain ordonis aresti Léon Blum, Edouard Daladier, Paul Reynaud kaj Georges Mandel
  • 1942: Militkrimoj: en la unuaj kvin publikaj ekzekutoj en okupata Varsovio germanoj pendumis 50 enprizonigitojn de la enketa malliberejo Pawiak; en Varsovio aperis lasta numero de skolta konspira revuo "Drogowskaz" (Vojmontrilo); unuaj judoj el Lodza geto estis forveturigitaj al ekstermejo Chełmno — de la germana koncentrejo fuĝis unua konata laŭnome malliberulo, tajloro Abraham Rój (post kelkaj tagof firkuris du aliaj)
  • 1943: Volinia masakro: ukrainoj murdis en Peresieka 12 polojn; en Poznań dum kontrolo en ĉiuj fervojaj stacidomoj germanoj arestis 17 personojn kaj konfiskis nutraĵojn kaj vestaĵojn; Militkrimoj: en Dąbrowa Górnicza germana polico pafmortigis 20 personojn, venĝe pro mortigo de ĝendarmo, kaj en Varsovio 20 malliberigitojn de Pawiak; post kapitulaco de Italio en Albanio revenis konstitucio de 1928; Viktoro Emanuelo la 3-a estis detronigita; Holokaŭsto: Gestapo atakis geton de Romo, kaptante 1259 membrojn de la juda komunumo - plejparte deportitaj al ekstermejo Aŭŝvico
  • 1944: Popola Pollando: interparoloj de prezidento Bolesław Bierut kun ĉefministro Stanisław Mikołajczyk dediĉita al kreo de registaro de nacia unueco - Bierut ŝajnigis ke li "ne volas bolŝevisman Pollandon"; interparolo de ĉefministro Winston Churchill kun ĉefministro Josif Stalin pri kondiĉoj de la interkompreno pri Pollando; en Francio oni eldonis kvin pollingvajn revuojn; post malregigo de Miklós Horthy nova ŝtatestro de Hungario iĝis Ferenc Szálasi, gvidanto de Sagokruca Partio
• 1945: Kanado: en Kebeko fondiĝis Organizaĵo pri Nutrado kaj Agrikulturo
• 1946: Surbaze de la verdiktoj en Nurenbergaj procesoj oni ekzekutis 10 aŭstrajn-germanajn naziajn militkrimulojn: Hans Frank, Wilhelm Frick, Alfred Jodl, Ernst Kaltenbrunner, Wilhelm Keitel, Joachim von Ribbentrop, Alfred Rosenberg, Fritz Sauckel, Arthur Seyss-Inquart, Julius Streicher
• 1949: Grekio: per malvenko de la komunistaj partizanoj finiĝis la Greka Enlanda Milito
• 1955: Svedoj en referendumo kontraŭis enkondukon de la dekstra trafikflanko
• 1959: Nacia Parko Kampinos estis establita, kaj ankaŭ Nacia parko de Karkonoŝo
• 1963: Ludwig Erhard iĝis federacia kanceliero de Germanio
• 1964: Harold Wilson iĝis ĉefministro de Britio
• 1964: Ĉinio eksperimentis kun nuklea testo
• 1967: Ĉefkomandejo de NATO estis translokigita de Parizo ĝis Bruselo pro eksiĝo de Francio
• 1969: En Hispanio kreiĝis nacia parko Doñana
• 1976: Inaŭguro de la Grunwalda Monumento en Krakovo, rekonstruita post ĝia neniigo fare de germanaj nazioj
• 1978: Vatikanurbo: pola kardinalo Karol Wojtyła iĝis papo akceptinte la nomon Johano Paŭlo la 2-a — la unua slava papo en la historio kaj la unua neitala post pli ol 450 jaroj, antaŭdirita de pola poeto-profeto Juliusz Słowacki — la papo salutis pilgrimojn kolektitaj sur la Placo Sankta Petro per la vortoj Laudetur Iesus Christus
• 1978: Pola montgrimpistino Wanda Rutkiewicz kiel tria virino en la mondo kaj unua eŭropanino eniris Evereston
• 1986: Sudtirola montgrimpisto Reinhold Messner post grimpo al pinto Lhotse iĝis unua himalajisto, kiu konkeris ĉiujn okmil-metrajn pintojn
• 1988: San-Marino aniĝis al Konsilio de Eŭropo
• 1991: Levon Ter-Petrosjan iĝis unua prezidento de Armenio
• 1993: Rumanio iĝis plena membro de la Internacia Organizaĵo de la Franclingvio
• 1994: Reganta koalicio de Kristandemokrata Unio de Germanio kun Kristan-Sociala Unio de Bavario de kanceliero Helmut Kohl gajnis baloton al Federacia Parlamento
• 1995: Malfermo de ponto liganta marbordon de Skotlando kun insulo Skye
• 2002: En Aleksandrio ekfunkciis Bibliotheca Alexandrina, kiel kontinuo de antikveca egipta Biblioteko de Aleksandrio
• 2003: Pollando: tabuloj kun 21 postuloj de Interfaka Strika Komitato, redaktitaj dum aŭgusto 1980 eniris liston de la Monda heredaĵo de Unesko
• 2006: Elizabeto la 2-a alvenis al Vilno komenciĝante unuan en historio viziton de brita monarko en Baltaj landoj
• 2009: Ali Bongo Ondimba iĝis prezidento de Gabono
• 2011: Somalia enlanda milito: interveno de kenja armeo sude de la lando
• 2013: Erna Solberg iĝis ĉefministrino de Norvegio
• 2016: Danny Faure iĝis prezidento de Sejĉeloj
• 2016: Ĉirkaŭ 100 personoj partoprenis unuan kunvenon de justuloj inter la popoloj en la Muzeo pri Historio de Polaj Judoj — oni ekplanis post unu jaro kunvenon de poloj el la tuta mondo
• Invado de Rusio en Ukrainion
  • 2022: 235-a tago de la rusa agreso: Laŭ ukraina stabo la perdoj de Rusio en Ukrainio estis 1 200 soldatoj dum 3 tagoj; Rusio detruis du lernejojn en Zaporiĵa provinco; vespere Ukraina Aer-Armeo paffaligis sude 9 iranajn senpilotajn aviadilojn (t.n. krozmunicio), 2 aliaj estis detruitaj de Nacia Gvardio kaj Teritoria Defendo; rusaj okupantoj komencis evakuon de ŝtataj institucioj el Ĥersona provinco — en la provinco 2 magazenoj kun rusa municio estis detruitaj; sude de Ukrainio rilato de ukrainaj perdoj al la rusaj estas 1:6,5; prio rusa agreso en Ukrainio pereis 423 inanoj, 810 estis vunditaj
  • Mondreago: Kadre de planata EU-misio pri instruado la Armitaj Fortoj de Germanio akceptos 5 mil ukrainajn soldatojn; Francio transdonos al Ukrainio kontraŭaviadajn sistemojn de mallonga atingo Crotale; matene oni informis, ke Irano transdonas al Rusio balistikajn misilojn; en Sankt-Peterburgo okazis nuptojn por viroj mobilizitaj al la milito — geedziĝis pli ol 40 paroj; Rusio blokis retpaĝon kreitan por rusiaj soldatoj, pretaj subiĝi al ukraina armeo (estis pli ol 2 0000 demandoj); ministroj de Baltaj ŝtatoj postulis starigon de speciala tribunalo, kiu povus prijuĝi la krimon de rusia agreso kontraŭ Ukrainio; "The Guardian": pli ol 60 mil judoj decidis forlasi Rusionpos komenco de la plenskala milito — pli ol 26 mil rusiaj judoj jam repatriiĝis en Israelo

Naskiĝoj

• 1351: Gian Galeazzo Visconti, unua princo de Milano (m. 1402)
• 1430: Jakobo la 2-a, reĝo de skotoj (m. 1460)
• 1483: Gasparo Contarini, venecia diplomato kaj kardinalo (m. 1542)
• 1668: Christian Juncker, germana pedagogo kaj historiisto (m. 1714)
• 1679: Jan Dismas Zelenka, ĉeĥa komponisto (m. 1745)
• 1710: Andreo Hadik, hungara generalo, aŭstria militisto (m. 1790)
• 1717: Johann Melchior Goeze, germana teologo, pastoro (m. 1786)
• 1722: Christian Friedrich Schnauß, germana politikisto (m. 1797)
• 1725: József Gvadányi, hungara verkisto, poeto kaj generalo (m. 1801)
• 1752: Adolph Knigge, germana verkisto, propagandisto de iluminismo (m. 1796)
• 1758: Noah Webster, usona leksikografo, reformanto de ortografio, aŭtoro de lernolibroj, pioniro de sekulara edukado (m. 1843)
• 1759: Pál Sipos, hungara matematikisto, prifilozofia verkisto, reformita pastro (m. 1816)
• 1790: Valentin Rost, germana instruisto kaj leksikografo de la greka lingvo (m. 1862)
• 1801: Josip Jelačić, nacia heroo de Kroatio, banuso (m. 1859)
• 1814: Hanns Bruno Geinitz, germana geologo kaj paleontologo
• 1815: Francis Lubbock, ŝtatestro de Teksaso (m. 1905)
• 1827: Arnold Böcklin, svisa-germana pentristo (m. 1901)
• 1841: Ito Hirobumi, unua ĉefministro de Japanio (m. 1909)
• 1854: Oscar Wilde, irlanda dramverkisto, poeto kaj romanisto (m. 1900)
• 1854: Karl Kautsky, ĉeĥa-aŭstra filozofo kaj politikisto kontraŭstaranta al etna diskriminado en la habsburga regno, marksisto (m. 1938)
• 1858: Max Thedy, germana pentristo kaj akademiprofesoro (m. 1924)
• 1861: William Morrison, skota vinkomercisto, instruisto de Esperanto, rajtigita de Espéranto-France, verkinta teatraĵon por UK 1908, tradukisto (m. nekonata)
• 1863: Aurel Popovici, rumana politikisto kaj juristo (m. 1917)
• 1871: Sámuel Kastriener, hungara ĵurnalisto, redaktoro, tradukisto (m. 1937)
• 1874: Bruno Mann, germana politikisto kaj juristo (m. 1938)
• 1880: Árpád Paál, hungara ĵurnalisto, politikisto (m. 1944)
• 1881: Lajos Székely, hungara ĵurnalisto kaj ekonomikisto loĝanta en Usono (m. 1972)
• 1884: Tibor Bottlik, rumania hungara pentristo, grafikisto (m. 1974)
• 1885: Dorando Pietri, itala maratonisto (m. 1942)
• 1886: Armin T. Wegner, germana verkisto kaj juristo
• 1886: David Ben-Gurion, unua ĉefministro de Israelo, kunkreinto de Israelo (m. 1973)
• 1890: Maria Goretti, itala sanktulino, murdita (m. 1902)
• 1890: Michael Collins, irlanda politikisto, fondinto kaj gvidanto de IRA (m. 1922)
• 1897: Ilja Arnoldoviĉ Ilf, sovetia verkisto (m. 1937)
• 1903: Yrjö Kokko, finna verkisto (m. 1977)
• 1906: Dino Buzzati, itala verkisto, ĵurnalisto, pentristo (m. 1972)
• 1908: Enver Hoĝa, komunisma diktatoro de Albanio, adepto de stalinismo kaj maoismo (m. 1985)
• 1909: Mária Mezey, hungara aktorino (m. 1983)
• 1910: Margit Szilvássy, hungara operkantistino (soprano, mezosoprano) (m. 1988)
• 1913: Boĵidar Popoviĉ, serba astronomo kaj matematikisto doktoriĝinta en Zagreba universitato, unua direktoro de Esperanto-instituto en Sarajevo, direktoro de Jugoslavia E-Instituto kaj prezidanto de Jugoslavia E-Ligo, ĉefa animanto de Internacia Scienca Asocio Esperanta, redaktoro de "Scienca Revuo", kunlaboranto de "Homo kaj kosmo", membro de AIS, honora membro de UEA (m. 1993)
• 1918: Louis Althusser, franca-alĝeria marksista filozofo (m. 1990)
• 1921: Andrzej Munk, pola filmreĝisoro (m. 1961)
• 1925: Angela Lansbury, brit-usona aktorino (m. 2022)
• 1927: Günter Grass, germana Nobelpremiita verkisto (m. 2015)
• 1931: Sándor Apácai Bölöni, rumania hungara instruisto, folkloristo (m. 1998)
• 1932: Guðbergur Bergsson, islanda verkisto kaj tradukisto (m. 2023)
• 1938: Géza Sz. Kovács, rumania hungara pentristo, grafikisto
• 1939: Péter Jecza, rumania hungara skulptisto (m. 2009)
• 1949: Ásta R. Jóhannesdóttir, islanda politikistino, membrino de parlamento Althing
• 1957: Katalin Kováts, hungara filologino kaj diplomita esperantologo, spertulino pri Esperanto-instruado doktoriĝinta pri la propedeŭtika valoro de Esperanto, vicredaktoro de "Internacia Pedagogia Revuo", fondintino de retportalo edukado.net, membro de la Akademio de Esperanto, fakverkistino vivanta en Nederlando
• 1957: Sjarĵuk Sokalaŭ-Vojuŝ, belorusa poeto, bardo, tradukisto, kritikisto de komunistaj krimoj
• 1958: Tim Robbins, usona aktoro, scenaristo, reĝisoro kaj produktoro
• 1969: Roy Hargrove, usona ĵazo- kaj funko-trumpetisto
• 1977: John Mayer, usona kantisto-kantoverkisto, rapisto, gitaristo, kaj produktoro
• 1983: Loreen, sveda kantistino, komponistino kaj kantaŭtorino
• 1990: Jóhanna Guðrún Jónsdóttir, islanda kantistino
• 1991: Jedward, irlanda popmuzika duopo de ĝemeloj John kaj Edward Grimes

Mortoj

• 640: Sankta Gallus, irlanda monaĥo, katolika sanktulo (n. ĉirkaŭ 550)
• 786: Lull, sanktulo kaj ĉefepiskopo de Majenco (n. ĉirkaŭ 710)
• 1333: Nikolao la 5-a, franciskana monako, lasta kontraŭpapo establita de Sankta Romia Imperio (n. ĉirkaŭ 1275)
• 1382: Michele Morosini, doĝo de Venecia Respubliko (n. 1308)
• 1515: Karteromako, itala helenisto, latinisto, gramatikisto kaj humanisto (n. 1466)
• 1523: Luca Signorelli, renesanca itala pentristo (n. 1450)
• 1553: Lucas Cranach la Maljuna, germana pentristo kaj desegnisto (n. 1472)
• 1591: Gregorio la 14-a, papo (n. 1535)
• 1621: Jan Pieterszoon Sweelinck, nederlanda komponisto, orgenisto kaj pedagogo (n. 1562)
• 1750: Silvius Leopold Weiss, germana komponisto kaj liutisto (n. 1687)
• 1788: Hans Adam von Studnitz, germana teatra intendanto (n. 1711)
• 1791: Grigorij Potjomkin, rusa feldmarŝalo, favorito de Katerina la 2-a (n. 1739)
• 1793: Marie-Antoinette, ĉefdukino de Aŭstrio kaj reĝino de Francio, gilotinita (n. 1755)
• 1796: Viktoro Amadeo la 3-a de Savojo, reĝo de Sardio (n. 1726)
• 1810: Naĥman el Braclavo, ĥasida rabeno de Pollando (n. 1772)
• 1826: Johann Heinrich Besser, germana eldonisto kaj librovendisto (n. 1775)
• 1849: Jakob Joseph Wandt, germana lernejestro kaj episkopo (n. 1780)
• 1892: Georg Bleibtreu, germana pentristo, litografo kaj dizajnisto (n. 1828)
• 1909: Ignatz Lichtenstein, rabeno, verkisto en Hungario (n. 1824)
• 1941: Lev Belskij, soveta popolkomisaro pri ŝtata sekureco, unu el ĉefrespondeculoj de Granda Teroro, ekzekutita (n. 1889)
• 1944: József Takács, hungara kuracisto, sekretario, ĉefsekretario kaj honora membro de Hungarlanda Esperanto-Societo, prezidanto de Tutmonda Asocio Kolektanta, redaktoro de pluraj Esperanto-periodaĵoj, i.a. de „Hungara Esperantisto”, „Tutmonda Kolektanto”, „Hungara Heroldo”, murdita (m. 1890)
• 1946: Juĝitaj je mortopuno dum Nurenberga proceso kaj pendumitaj gvidantoj de Tria Regno:
  • Wilhelm Frick, regna protektoro de la Protektorato Bohemio kaj Moravio (n. 1877)
  • Julius Streicher, germana funkciulo organizanta pogromojn kaj bojkotojn de judoj, redaktoro kaj eldonisto de la revuo "Der Stürmer" (n. 1882)
  • Wilhelm Keitel, germana feldmarŝalo, respondeca interalie pri pluraj militkrimoj de Wehrmacht (n. 1882)
  • Alfred Jodl, germana nazia oficiro, proksima konsilanto de Hitler (n. 1890)
  • Arthur Seyß-Inquart, aŭstra juristo kaj politikisto, respondeca pri krimoj kontraŭ la homaro en Pollando, Belgio kaj Nederlando (n. 1892)
  • Alfred Rosenberg, germana ĉefideologo de Nacisocialisma Germana Laborista Partio (n. 1893)
  • Joachim von Ribbentrop, germana politikisto, konata de la Pakto Ribbentrop-Molotov (n. 1893)
  • Fritz Sauckel, goviestro de Turingio, SS-generalo respondeca pri trudlaboro (n. 1894)
  • Hans Frank, guberniestro de Ĝenerala Gubernio (n. 1900)
• 1953: József Nyírő, rumania hungara verkisto (n. 1889)
• 1956: Jules Rimet, franca kreinto de la ideo pri Futbala Mondpokalo, prezidanto de FIFA (n. 1873)
• 1959: George Catlett Marshall, usona generalo, politikisto, Nobelpremiita pro Plano Marshall por Okcidenta Eŭropo (n. 1880)
• 1960: Valdemar Langlet, sveda inĝeniero, ĵurnalisto, redaktoro kaj esperantisto, vojaĝisto tra Eŭropo, Azio kaj Afriko, en Hungario, kie li lektoris la svedan lingvon, estis membro de "Ruĝa Kruco", kies grupo dummilite savis 10 000 judojn, edziĝinta al filino de pioniro de Esperanto Nikolaj Afrikanoviĉ Borovko, kunfondinto de Esperanto-klubo de Uppsala kaj "Lingvo Internacia", prezidanto de Sveda Esperanto-Federacio (n. 1872)
• 1962: Gaston Bachelard, franca filozofo, poeto, historiisto pri sciencoj (n. 1884)
• 1972: Leo G. Carroll, angla aktoro (n. 1892)
• 1973: Gene Krupa, usona ĵazmuzikisto, tamburisto (n. 1909)
• 1975: Johano Zawada, pola kooperativisto, spertulo pri nifoj, teozofo kaj esoterulo, kunkreinto kaj prezidanto de Pola Esperanto-Asocio, redaktoro de "Pola Esperantisto", kolektanto kaj eldonanto de la Adreslibro de Pollandaj Esperantistoj, kunkreinto de UK 1959 en Varsovio, arkivisto de PEA (n. 1891)
• 1976: Géza Apáthy, rumania hungara ĵurnalisto, poeto (n. 1943)
• 1979: Oszkár Szomory, rumania hungara ĵurnalisto (n. 1890)
• 1981: Moŝe Dajan, israela generalo kaj politikisto, nacia heroo pro venko en sestaga milito kaj la milito de Jom Kippur (n. 1881)
• 1981: Zseni Várnai, hungara poetino, enestanta en Hungara Antologio (n. 1880)
• 1982: Hans Selye, kanada kuracisto kaj endokrinologo, enkondukinta nocion de streso (n. 1907)
• 1983: László Salamon, rumania hungara poeto, kritikisto kaj ĵurnalisto (n. 1891)
• 1983: Sándor Szent-Iványi, hungara unitariisma pastro, historiisto kaj politikisto (n. 1902)
• 1990: Art Blakey, usona ĵaz-frapinstrumentisto (n. 1919)
• 1992: Antanas Poška, litova vojaĝanto tra Azio, antropologo, aŭtoro de litovlingva libro De Baltmaro ĝis Bengalio, Justulo Inter Nacioj de la Mondo, partoprenanto de UK 1923, kunlaboranto de "Litova Stelo", prezidanto de Litova Esperanto-Asocio, kunorganizanto de BET-9 (m. 1903)
• 1992: Zoltán Alföldy, hungara kuracisto, mikrobiologo (n. 1904)
• 1997: James A. Michener, usona verkisto (n. 1907)
• 1998: Béla Mágori Varga, hungara pentristo (n. 1897)
• 2003: László Papp, hungara boksisto (n. 1926)
• 2007: Deborah Kerr, skota dancistino kaj aktorino (n. 1921)
• 2007: Toše Proeski, makedona kantisto kaj aktoro (n. 1981)
• 2021: Máire Mhac an tSaoi, irlanda poetino (n. 1922)
• 2023: Martti Ahtisaari, prezidento de Finnlando 1994-2000 (n. 1937)

Specialaj tagoj kaj festoj

• Romkatolika Kalendaro:
  • Sankta Hedvigo de Silezio, monaĥino
  • Sankta Margareta Maria Alacoque, virgulino
  • Sankta Gallus, irlanda monaĥo
  • Lull, ĉefepiskopo de Majenco
• Monda Tago de Manĝo - proklamita de Organizaĵo pri Nutrado kaj Agrikulturo en 1979
• Pollando: Tago de Papo Johano Paŭlo la 2-a - festo fiksita en 2005; katolika eklezio celebras Papan Tagon dimanĉe antaŭ naskiĝdatreveno de la papo

Tagoj de semajno

La 16-a de oktobro estas (laŭ gregoria kalendaro):

• Dimanĉo en jaroj: 1583 1588 1594 1605 1611 1616 1622 1633 1639 1644 1650 1661 1667 1672 1678 1689 1695 1701 1707 1712 1718 1729 1735 1740 1746 1757 1763 1768 1774 1785 1791 1796 1803 1808 1814 1825 1831 1836 1842 1853 1859 1864 1870 1881 1887 1892 1898 1904 1910 1921 1927 1932 1938 1949 1955 1960 1966 1977 1983 1988 1994 2005 2011 2016 2022 2033 2039 2044 2050 2061 2067 2072 2078 2089 2095;
• Lundo en jaroj: 1589 1595 1600 1606 1617 1623 1628 1634 1645 1651 1656 1662 1673 1679 1684 1690 1702 1713 1719 1724 1730 1741 1747 1752 1758 1769 1775 1780 1786 1797 1809 1815 1820 1826 1837 1843 1848 1854 1865 1871 1876 1882 1893 1899 1905 1911 1916 1922 1933 1939 1944 1950 1961 1967 1972 1978 1989 1995 2000 2006 2017 2023 2028 2034 2045 2051 2056 2062 2073 2079 2084 2090;
• Mardo en jaroj: 1584 1590 1601 1607 1612 1618 1629 1635 1640 1646 1657 1663 1668 1674 1685 1691 1696 1703 1708 1714 1725 1731 1736 1742 1753 1759 1764 1770 1781 1787 1792 1798 1804 1810 1821 1827 1832 1838 1849 1855 1860 1866 1877 1883 1888 1894 1900 1906 1917 1923 1928 1934 1945 1951 1956 1962 1973 1979 1984 1990 2001 2007 2012 2018 2029 2035 2040 2046 2057 2063 2068 2074 2085 2091 2096;
• Merkredo en jaroj: 1585 1591 1596 1602 1613 1619 1624 1630 1641 1647 1652 1658 1669 1675 1680 1686 1697 1709 1715 1720 1726 1737 1743 1748 1754 1765 1771 1776 1782 1793 1799 1805 1811 1816 1822 1833 1839 1844 1850 1861 1867 1872 1878 1889 1895 1901 1907 1912 1918 1929 1935 1940 1946 1957 1963 1968 1974 1985 1991 1996 2002 2013 2019 2024 2030 2041 2047 2052 2058 2069 2075 2080 2086 2097;
• Ĵaŭdo en jaroj: 1586 1597 1603 1608 1614 1625 1631 1636 1642 1653 1659 1664 1670 1681 1687 1692 1698 1704 1710 1721 1727 1732 1738 1749 1755 1760 1766 1777 1783 1788 1794 1800 1806 1817 1823 1828 1834 1845 1851 1856 1862 1873 1879 1884 1890 1902 1913 1919 1924 1930 1941 1947 1952 1958 1969 1975 1980 1986 1997 2003 2008 2014 2025 2031 2036 2042 2053 2059 2064 2070 2081 2087 2092 2098;
• Vendredo en jaroj: 1587 1592 1598 1609 1615 1620 1626 1637 1643 1648 1654 1665 1671 1676 1682 1693 1699 1705 1711 1716 1722 1733 1739 1744 1750 1761 1767 1772 1778 1789 1795 1801 1807 1812 1818 1829 1835 1840 1846 1857 1863 1868 1874 1885 1891 1896 1903 1908 1914 1925 1931 1936 1942 1953 1959 1964 1970 1981 1987 1992 1998 2009 2015 2020 2026 2037 2043 2048 2054 2065 2071 2076 2082 2093 2099;
• Sabato en jaroj: 1582 1593 1599 1604 1610 1621 1627 1632 1638 1649 1655 1660 1666 1677 1683 1688 1694 1700 1706 1717 1723 1728 1734 1745 1751 1756 1762 1773 1779 1784 1790 1802 1813 1819 1824 1830 1841 1847 1852 1858 1869 1875 1880 1886 1897 1909 1915 1920 1926 1937 1943 1948 1954 1965 1971 1976 1982 1993 1999 2004 2010 2021 2027 2032 2038 2049 2055 2060 2066 2077 2083 2088 2094.