La 14-a de junio estas la 165-a tago de la jaro (la 166-a en superjaroj) laŭ la Gregoria kalendaro. 200 tagoj restas.

Je la 14-a de junio okazis, interalie:

Eventoj

• 1158: Germanio: Munkeno estis fondita de Henriko la Leono apud la rivero Isar
• 1170: Henriko la Juna Reĝo kroniĝis kiel reĝo de Anglio
• 1276: Pollando: unua historia mencio pri Gliwice
• 1285: Dua mongola invado al Vjetnamio: fortoj gviditaj de princo Trần Quang Khải detruis plimulton de la invada mongola ŝiparo en batalo de Chương Dương
• 1287: Kublaj Ĥano venkis fortojn de Najan kaj aliaj tradiciismaj princoj el klano Borĝigin en Orienta Mongolio kaj Manĉurio
• 1325: 21-jara Ibn Batuta forlasis la familian Tanĝeron kaj ekpilgrimis - dum 24 jaroj atingis ankaŭ Ĉinion
• 1497: En Romo estis murdita filo de papo Aleksandro la 6-a, la duko de Gandio Juan Borgia - lian korpon oni ĵetis al la rivero Tibero
• 1571: Papo Benedikto la 14-a anoncis la enciklikon A quo primum, adresitan al episkopoj en Kongresa Pollando, pri negativa influo de judoj al la kristana popolo
• 1572: En Elbląg oni surakvigis galionon Smok (Drako) - unua pola militoŝipo
• 1615: De nederlanda Texel eknavigis laŭ okcidenta itinero ekspedicio al Nederlanda Hindio
• Tridekjara milito
  • 1634: Respubliko de Ambaŭ Nacioj kaj Rusa Carlando subskribis pactraktaton de Polanowo (apud rivero Vjazma) finante la trijaran militon pri Smolensk - praktika resumo de polaj-rusaj militoj de la unua duono de 17-a jarcento
  • 1642: Moravio: urbo Olomouc kapitulacis al svedoj
• 1645: Angla enlanda milito: en la batalo de Naseby (Northamptonshire) fortoj de parlamento decide venkis armeon de Karlo la 1-a
• 1774: Pollando: malfermo de la kanalo de Bydgoszcz
• Usona Milito de Sendependeco
  • 1775: Armitaj Fortoj de Usono establiĝis
  • 1777: Dua Kontinenta Kongreso oficialigis la Flagon de Usono
• 1789: Kapitano William Bligh kaj fidelaj al li skipanoj de ŝipo Bounty, elŝipigitaj de ribelantoj al boato, alnavigis post 48 tagoj al nederlanda insulo Timoro
• 1792: Borysów ricevis historie faman urban blazonon, atribuitan de la pola reĝo Stanislao Aŭgusto Poniatowski
• 1800: Napoleono Bonaparte venkis en la batalo de Marengo (Alessandria) aŭstran armeon de Michael von Melas
• Napoleonaj Militoj
  • 1807: Unua Imperio venkis la Rusian Imperion en la batalo de Friedland (Pravdinsk) - rezulte de la paco de Tilsit estiĝis Varsovia Duklando
  • 1808: Milito de Hispana Sendependiĝo: hispanoj reĵetis francan atakon en la dua batalo de El Bruc (apud Barcelono)
• 1820: Vieno: premiero de farsa kantoteatraĵo La ĝemelfratoj de Franz Schubert okazis en la Teatro ĉe Karintia Portalo
• 1830: Franca Alĝerio: franca armeo albordiĝis en Alĝerio kaj komencis konkeri la landon
• 1834: Usonano Isaac Fischer patentis sablan smirgan paperon
• 1845: Kongresa Pollando: malfermo de la unua linio de fervoja trako Varsovio-Vieno, ĝis Grodzisk Mazowiecki, liganta kun landlimo de aŭstra aneksaĵo
• 1846: Proklamo de la Respubliko Kalifornio kun ties flago de Kalifornio kadre de eksplodinta ribelo kontraŭ meksikaj regopovoj
• 1860: Graflando de Nico estis aneksita de Francio
• 1872: En Kanado oni leĝigis sindikaton
• 1873: Vieno: finiĝis konstruado de la Urbodoma parko
• 1889: Fine de Berlina-Samoa Konferenco, Germanio, Britio kaj Usono konsentis altrudi potencon super Pacifikaj Insuloj
• 1900: Havajaj Insuloj iĝis teritorio de Usono
• 1906: Rusia Imperio: pogromo de judoj okazis en Bjalistoko
• 1911: En Varsovio oni komencis konstrui Domon de Orfoj, kies direktoro iĝis Janusz Korczak
• 1914: Internacia Olimpika Komitato prezentis olimpian flagon
• Unua mondmilito
  • 1917: Zepelino LZ 92 estis pafalterigita de brita ĉasaviadilo dum la sesa skoltada misio
• 1919: Piloto John Alcock kaj lia naviganto Arthur Whitten Brown komencis en Vickers Vimy unuan senhaltan flugon super Atlantiko
• 1920: Libera Urbo Dancigo: unua kunsido de la parlamento; poŝtejo liveris unuajn sendependajn poŝtmarkojn - unue dek unu, poste kvar pliaj aperas
• 1926: Brazilo forlasis Ligon de Nacioj
• 1927: Parizo: eltombigo - laŭ deziro de Józef Piłsudski - de la postrestaĵoj de Juliusz Słowacki el la Tombejo de Montmartre kaj transveturigo al Pollando
• 1932: Destrojero ORP "Wicher" de Dua Pola Respubliko eniris al haveno de Libera Urbo Dancigo - krizo de Gdańsk ekestis pro kontraŭpolismo de la Senato
• 1934: Adolf Hitler dum sia unua vizito al Italio renkontiĝis en Venecio kun Benito Mussolini
• Dua mondmilito
  • 1940: Germana okupado de Pollando: koncentrejo Aŭŝvico ekfunkciis por poloj (unu jaron kaj duono poste establiĝis ekstermejo Aŭŝvico II-Birkenau por judoj kaj ciganoj) - venis la unua amasa transporto de 728 polaj politikaj arestitoj de Tarnów kaj Krakovo, kun negranda grupo de polaj judoj; Sovetunio donis ultimaton al Litovio postulante formadon de nova registaro kaj akcepton de plia kontingento de sovetiaj trupoj - venontan tagon la Ruĝa Armeo eniris Vilnon kaj Kaŭnon; Okcidenta Fronto: germana armeo Wehrmacht okupis Parizon; trupoj de generalo Francisco Franco okupis Tanĝeron, kiu antaŭe estis sub internacia kontrolo; germanaj 1-a kaj 7-a Armeoj komencis atakon al Linio Maginot - ĉefe sude de Saarbrucken; Ĉampanjo: germanaj kirasitaj trupoj okupis Troyes, Sens kaj Chaumont; Mediteraneo: 3-a franca skadro de Franca Mararmeo bombardis Ĝenovon, 1-a itala ŝiparo de destrojeroj pripafis Sollum; pola ekzila registaro evakuiĝante forlasis ĝistiaman sidejon en Angers favore al Libourne, postspurante la francan registaron, kiu iris al Bordeaux;al Brest (Francio) alvenis de Norvegio per maro, kiel la lasta aliancana grupiĝo, Memstara Brigado de Podhale-Pafistoj, kiu defendos Bretonan Fortikaĵon
  • 1941: Okupacio de baltaj ŝtatoj: sovetaj regopovoj komencis amasan deportadon de litovoj, latvoj kaj estonoj al Siberio (el Vilno oni forveturigis 2200 personojn); Germanio: alparolo de Adolf Hitler al komandantoj de armeoj pri atako al Sovetunio
  • 1943: nokte de la 14-a/15-a de junio Bomba Korpuso de RAF atakis Oberhausen
  • 1944: La plej granda en Pollando partizana batalo en Porytowe Wzgórze (proksime al Janów Lubelski) - mortfalis 200 polaj kaj sovetiaj partizanoj kaj 600 germanoj (en tio 400 kalmukoj); taĉmento de Pola Enlanda Armeo ekregis stacidomon Ludynia en Distrikto Włoszczowa - oni bruligis ŝarĝotrajnon kaj detruis stacidoman aparataron; Orienta Fronto: Aviado de Malproksima Agado atakis aerodromojn en Bjalistoko, Baranaviĉi kaj Łuniniec (Bresta regiono); Usona Aerarmeo bombis stacidomon de Kecskemét, aeratakoj al fabrikoj de Budapeŝto mortigis ĉ. 100 homojn
• 1947: Sur teritorio de la estinta koncentrejo Aŭŝvico malfermiĝis Ŝtata Muzeo Auschwitz-Birkenau en Oświęcim - la solenaĵon ĉeestis dekkelkaj miloj de homoj, ĉefe estintaj malliberuloj
• Stalinismo
  • 1948: Klement Gottwald iĝis prezidento de Ĉeĥoslovakio
  • 1951: Poeto el Brno Jan Zahradníček estis arestita de Ŝtata Sekureco
• 1954: Usona prezidento Dwight D. Eisenhower aldonis vortojn sub Dio al la ĵuro pri fideleco
• 1958: Pollando: en Instituto de Nukleaj Esploroj en Otwock oni funkciigis unuan nuklean reakciujon
• 1960: Suda Kasaio deklaris sendependecon - Mbuji-Mayi iĝis ĉefurbo
• 1963: Valerij Fjodoroviĉ Bikovskij komencis 5-tagan flugon en kosmoŝipo "Vostok-5"
• 1966: Vatikano anoncis abolon de la Indekso de malpermesitaj libroj el 1557 - laŭ rekomendo de la papo Paŭlo la 6-a kaj Kongregacio por la doktrino de la kredo
• 1972: La 4-a Eŭropa Futbal-Ĉampionado komenciĝis en Belgio
• 1977: Moskvo revokis siajn militajn konsilistojn el Somalio
• 1978: Okupacio de baltaj ŝtatoj: en Litovio fondiĝis subtera organizaĵo Litova Libereca Ligo, gvidata de Antanas Terleckas
• 1982: Falklanda milito: lastaj argentinaj taĉmentoj senkondiĉe kapitulacis en la havenurbo Stanlejo
• 1985: Pollando: malfermo de la pentro-ekspozicio Panoramo pri Racławice en Vroclavo montranta la batalon de Racławice dum la insurekcio de Kościuszko
• 1985: Luksemburgo: subskribo de la Traktato de Schengen foriganta ŝtatliman kontrolon inter Germanio, Francio kaj la landoj de Benelukso
• 1987: Tria apostola vojaĝo de papo Johano Paŭlo la 2-a al Pollando finiĝis
• 1989: Restaŭrita monumento de la Tri Krucoj estis inaŭgurita en Vilno, kaj la Kapelo de la Deportitoj estis konsekrita en la Arkikatedralo Baziliko de Vilno
• 1991: Proklamo de la Ĉarto de Tibetanoj en Ekzilo
• 1992: En Litovio okazis referendumo pri senkondiĉa kaj tuja retirigo, el teritorio de la lando, de estinta armeo de Sovetunio, nun apartenanta al Rusia Federacio, kaj rekompenco pro faritaj damaĝoj
• 1995: Ĉeĉena taĉmento de Ŝamil Basajev atakis Budjonovskon ostaĝigante en malsanulejo ĉirkaŭ 1600 homojn
• 1998: Dana reĝino Margareta la 2-a malfermis la Granda-Belto-ponton super Granda Belto
• 2007: Hamas post batalado kun Fatah transprenis tutan kontrolon super la Gaza Sektoro
• 2008: Internacia ekspozicio en Zaragozo komenciĝis
• 2013: Hasan Ruhani gajnis prezidentan baloton en Irano
• 2014: Subaŭskultil-afero de ministroj en la registaro de Donald Tusk eksplodis post publikaĵo en "Wprost"
• 2014: Milito en Donecka Baseno: en Luhansko por-rusaj separistoj pafalterigis alteriĝantan ukrainan aviadilon Il-76 - 40 soldatoj pereis kaj 9 skipanoj
• 2015: 19 personoj pereis kaj 36 vundiĝis rezulte de fulmrapida inundo, kiu nokte de la 13-an/14-an de junio okazis en Tbiliso
• 2017: Londono: 71 personoj pereis en incendio de la turdomo Grenfell Tower en la kvartalo Notting Hill, multaj perdiĝis
• 2018: Mustafa Madbuli iĝis ĉefministro de Egiptio
• 2018: En Rusio komenciĝis Futbala Mondpokalo
• Invado de Rusio en Ukrainion:
  • 2023: Eŭropa Parlamento agnoskis eksplodigon de la digo en Nova Kaĥovka militkrimo

Naskiĝoj

• 1433: Konstantinos Laskaris, bizanca helenisto, filologo, klerulo kaj humanisto. (m. 1501)
• 1479: Lilio Gregorio Giraldi, itala humanisto, esploristo de antikva mitologio, kontribuinta al reformo de kalendaro realigita de Gregorio la 13-a, verkinta poezion en la latina lingvo (m. 1552)
• 1566: Tamás Borsos, hungara diplomato, memuaristo kaj vojaĝisto (m. 1633)
• 1671: Tomaso Albinoni, itala komponisto kaj violonisto de la baroko (m. 1751)
• 1726: Johann Gottfried Geißler, germana pedagogo kaj bibliotekisto (m. 1800)
• 1726: Thomas Pennant, kimra naturhistoriisto kaj antikvaĵisto (m. 1798)
• 1730: Antonio Sacchini, itala komponisto de eklezia muziko (m. 1786)
• 1736: Charles-Augustin de Coulomb, franca oficiro, inĝeniero kaj fizikisto (m. 1806)
• 1753: József Chudy, hungara komponisto, dirigento, inventisto (m. 1813)
• 1798: František Palacký, ĉeĥa historiisto, disĉiplo de Josef Dobrovský, konsiderata patro de la nacio (m. 1876)
• 1801: Johannes Peter Müller, germana pionira fiziologo, anatomo kaj zoologo, kies disĉiploj estis i.a. Ernst Haeckel, Hermann von Helmholtz, Theodor Schwann, Rudolf Virchow kaj Wilhelm Wundt (m. 1858)
• 1804: František Sušil, ĉeĥa katolika pastro, poeto, tradukisto kaj kolektinto de popolaj kantoj, organizanto de patriotisma movado en Moravio (n. 1868)
• 1807: Ivan Soŝenko ukraina pentristo (m. 1876)
• 1810: Sándor Gálffy, hungara poeto, folkloristo (m. 1871)
• 1811: Harriet Beecher Stowe, usona kontraŭsklavisma verkistino, aŭtorino de la romano La Kabano de Onklo Tom (m. 1896)
• 1812: Antoni Patek, pola horloĝisto, fondinto de svisa firmao Patek Philippe produktanta amase poŝhorloĝojn escepte ekskluzivajn (m. 1877)
• 1832: Nikolaus Otto, germana inĝeniero, memlernanto, inventisto (m. 1891)
• 1847: Adolph Witzel, germana dentkuracisto kaj akademiano (m. 1906)
• 1856: Andrej Markov, rusa matematikisto okupiĝita pri stokastiko kaj predikata logiko (m. 1922)
• 1858: Pista Dankó, hungara komponisto, violonisto (m. 1903)
• 1863: Harald Bielfeld, germana politikisto, urbestro de Arnstadt (m. 1933)
• 1864: Alois Alzheimer, germana psikiatro kaj neŭropatologo priskribinta Alzheimer-malsanon (m. 1915)
• 1868: Karl Landsteiner, aŭstra kemiisto kaj bakteriologo, malkovrinto de sangogrupoj, Nobelpremiita pri medicino (m. 1943)
• 1868: Alfons Dopsch, aŭstra historiisto
• 1874: János Stein, hungara pentristo de murbildoj, mozaikoj kaj vitrofenestroj (m. 1944)
• 1880: Franz Christanell, aŭstra instruisto, pastoro, kunfondinto kaj gvidanto de neŭtrala Esperanto-grupo en Salzburgo kaj de multaj kursoj laŭ Cseh-metodo, prezidanto de Aŭstria Esperanto-Delegitaro (m. nekonata)
• 1881: Jenő Horváth, hungara aktoro kaj reĝisoro (m. 1931)
• 1883: Francisco de Paula Vallet, kataluna teologo kaj ordenfondinto (m. 1947)
• 1890: Miklós Dezső, rumania hungara pentristo (m. 1955)
• 1891: Jevhen Konovalec, ukraina naciisto, kolonelo, unua estro de la Organizaĵo de Ukrainaj Naciistoj, murdita (m. 1938)
• 1896: Ibi Ürményiné Baneth, rumania hungara poetino, verkistino, komponistino (m. 1952)
• 1899: Kawabata Yasunari, japana Nobelpremiita verkisto, kies esperantigita romano Neĝa Lando aperis en la Serio Oriento-Okcidento, sinmortiginto (m. 1972)
• 1900: Sándor Szarka, hungara kuracisto, ginekologo (n. 1947)
• 1903: Alonzo Church, usona matematikisto kaj logikisto, kreinto de lambda-kalkulo (m. 1995)
• 1905: Jenny Jugo, aŭstra aktorino (m. 2001)
• 1906: Leon Wanat, pola instruisto, malliberulo de la germana enketa arestejo Pawiak kiel funkcia enprizonigito, sukcesinta forkuri antaŭ eksplodo de la ribelo de Varsovio, aŭtoro de rememoroj kaj du monografioj (m. 1977)
• 1921: Eric Laithwaite, brita oficiro kaj inĝeniero konata pro disvolviĝo de ŝvebotrajnoj kaj teorioj pri giroskopoj (m. 1997)
• 1926: Hermann Kant, germana verkisto estrinta Verkistan Ligon en GDR (m. 2016)
• 1928: Che Guevara, argentina marksista verkisto kaj revoluciulo (m. 1967)
• 1930: Włodzimierz Odojewski, pola verkisto priskribinta masakron de Katin, plurjara literatura ĉefo de Radio Libera Eŭropo (m. 2016)
• 1933: Iwo Białynicki-Birula, pola teoria fizikisto okupiĝanta pri kvantuma elektrodinamiko, disĉiplo de Leopold Infeld, reala membro de Pola Scienca Akademio
• 1936: Hannelore Henze, germana (pejzaĝ)arĥitektino
• 1937: Árpád László Nikolits, hungara verkisto kaj rakontisto (m. 2020)
• 1942: Ágnes Veronika Ferencz, rumania hungara ceramikistino
• 1944: Szidónia Krizsovánszky, rumania hungara aktorino (m. 2014)
• 1945: Jörg Immendorff, germana pentristo kaj skulptisto (m. 2007)
• 1946: Donald Trump, usona entreprenisto, aktoro, politikisto, prezidento
• 1951: Algimantas Puipa, litova reĝisoro kaj profesoro ĉe la Teatra kaj Filma Fakultato de la Litova Akademio de Muziko kaj Teatro
• 1959: Władysław Pasikowski, pola filmreĝisoro, scenaristo kaj aŭtoro de sciencfikcia romano
• 1961: Laurent Boutonnat, franca muzikisto, komponisto kaj reĝisoro
• 1963: Rambo Amadeus, montenegra kantisto, komponisto kaj kantaŭtoro
• 1966: Traylor Howard, usona aktorino rolinta en televida serio Monk

Mortoj

• 767: Abu Hanifah, islama teologo kaj juristo (n. 699)
• 847: Metodio la 1-a, patriarko de la Konstantinopola Ortodoksa Eklezio, katolika kaj ortodoksa sanktulo (n. ĉirkaŭ 789)
• 1381: Simon Sudbury, ĉefepiskopo de Canterbury (n. ĉirkaŭ 1316)
• 1493: Hermolaus Barbarus, la Juna, itala humanisto, katolika patriarko (n. 1454)
• 1583: Shibata Katsuie, japana samurajo de la Sengoku-epoko, servinta sub la komando de Oda Nobunaga (n. 1522)
• 1594: Orlando di Lasso, franca-flandra muzikisto, ĉefa reprezentanto de la polifonia stilo de la Nederlanda skolo (n. 1532)
• 1642: Saskia van Uylenburgh, modelulino kaj edzino de Rembranto (n. 1612)
• 1680: Sofia Báthori, edzino de reganto de Transsilvanio, Georgo Rákóczi la 2-a (n. 1629)
• 1710: Johann Friedrich Alberti, germana komponisto kreinta ĥoralpreludojn kaj ĥoralmuzikigojn (n. 1642)
• 1800: Jean-Baptiste Kléber, franca generalo famiĝinta dum la francaj revoluciaj militoj, murdita (n. 1753)
• 1800: Louis Charles Antoine Desaix, franca generalo batalanta en Bavario, Italio, Egiptio (n. 1768)
• 1807: Johann Augustin Wagner, germana filologo kaj pedagogo (n. 1734)
• 1825: Pierre Charles L'Enfant, usona arkitekto kaj militisto (n. 1754)

• 1827: Johann Gottfried Gurlitt, germana pedagogo
• 1828: Karolo Aŭgusto, grandduko de Saksio-Vajmaro-Eisenach (n. 1757)
• 1830: Christian Gottfried Daniel Stein, germana geografo kaj pedagogo (n. 1771)
• 1837: Giacomo Leopardi, itala filozofo kaj poeto, klasikulo de la itala literaturo, esperantigata de Nicolino Rossi (n. 1798)
• 1838: Maximilian Joseph von Montgelas, germana politikisto (n. 1759)
• 1875: Heinrich Louis d'Arrest, prusa astronomo malkovrinta centojn da galaksioj, nebulozoj kaj stelamasoj (n. 1822)
• 1880: Károly Mihályi, hungara psikologo, filozofia verkisto, instruisto, akademiano (n. 1808)
• 1886: Aleksandr N. Ostrovskij, rusa dramisto kaj poligloto, kies Fulmotondro aperis en "La Revuo", konata de la komedio Sufiĉa stulteco en ĉiu saĝulo (n. 1823)
• 1898: Lewis Carroll, angla matematikisto kaj logikisto, aŭtoro de humuraj fantastaj romanoj kiel La aventuroj de Alicio en Mirlando (n. 1832)
• 1909: Afonso Pena, prezidento de Brazilo pliboniginta ekonomion kaj financojn de la lando (n. 1847)
• 1919: Josef Grňa, ĉeĥa instruisto kaj pioniro de Esperanto el Jevíčko, kunlaboranto de Theodor Čejka, esperantiginta Rakontojn de Jakub Arbes (n. 1880)
• 1920: Max Weber, germana sociologo kaj politika ekonomikisto, aŭtoro de la verko La Protestanta Etiko kaj la Spirito de Kapitalismo (n. 1864)
• 1923: Aleksandr Stambolijski, ĉefministro de Bulgario, kreinto de agrara reformo, murdita (n. 1879)
• 1927: Jerome K. Jerome, angla humura verkisto; enestanta en "Literatura Mondo" (n. 1559)
• 1927: Károly Szentgyörgyi Jordán, hungara romkatolika verkisto, prelato (n. 1849)
• 1928: Emmeline Pankhurst, angla virinbalotrajtistino, fondinto de la militema organizaĵo de sufragetoj Socia kaj Politika Unio de Virinoj (n. 1858)
• 1936: Maksim Gorkij, rusia kaj soveta verkisto, kunkreinto de socialisma realismo, rete legebla en Esperanto (n. 1868)
• 1936: Gilbert Keith Chesterton, brita verkisto kaj ĵurnalisto, kristana apologiisto, rete legebla en esperanto (n. 1874)
• 1946: Jorge Ubico Castañeda, prezidento de Gvatemalo, politikisto kaj miitisto, apogata de Usono (n. 1878)
• 1946: John Logie Baird, skota inĝeniero, pioniro de televida tekniko (n. 1888)
• 1956: Czesław Jastrzębiec-Kozłowski, pola tradukisto, lingvisto kaj poeto okupiĝanta pri filozofio de Józef Hoene-Wroński, esperantisto, rete legebla en Esperanto (n. 1894)
• 1965: Zoltán Kemény, hungara pentristo, skulptisto (n. 1907)
• 1968: Salvatore Quasimodo, itala Nobelprmiita poeto kaj eseisto, kies poezion eldonis en esperanto Carlo Minnaja (n. 1901)
• 1969: Marek Hłasko, pola verkisto kaj scenaristo, kies romano Sekva al la paradizo estis filmigita, edzo de Sonja Ziemann (n. 1934)
• 1970: Roman Ingarden, pola filozofo de fenomenologia skolo kaj lingvisto, disĉiplo de Kazimierz Twardowski, profesoro de Universitato de Lvovo kaj Jagelona Universitato (n. 1893)
• 1975: Lajos Slevensky, hungara pentristo, disĉiplo de István Réti (n. 1910)
• 1983: Ádám Könczei, rumania hungara folkloristo, redaktoro, edzo de Éva Tolna (n. 1928)
• 1983: Dalibor Chalupa, ĉeĥa instruisto, poeto, pedagogo, esperantisto, redaktoro de Verda Stacio (n. 1900)
• 1986: Jorge Luis Borges, argentina verkisto famiĝinta pro etaj rakontoj kaj fikciaj eseoj, kies novelo Biblioteko de Babelo kaj pluraj aliaj estis esperantigitaj (n. 1899)
• 1987: Stanisław Bareja, pola aktoro, filmreĝisoro de komedioj kaj scenaristo, kontraŭkomunisto (n. 1929)
• 1988: Gregorij Malenkov, soveta politika komisaro (n. 1902)
• 1990: Béla Egyed, hungara kuracisto, kies libroj pri kirurgio estis tradukitaj al eŭropaj lingvoj (n. 1911)
• 1994: Marcel Mouloudji, franca kantisto-verkisto (n. 1922)
• 1995: Rory Gallagher, irlanda mult-instrumentisto, kantoverkisto, kantisto kaj produktoro de bluso kaj rok-muziko (n. 1948)
• 2003: Emilio Barbón, hispana socialisto, heroo de Hispana Socialista Partio (n. 1930)
• 2003: Roberto Bolaño, ĉilia verkisto kaj poeto (n. 1953)
• 2005: Mimi Parent, kanada superrealisma artistino, aktivanta en Parizo (n. 1924)
• 2006: András Magyari, rumania hungara historiisto, profesoro (n. 1927)
• 2007: Kurt Waldheim, prezidento de Aŭstrio, ĝenerala sekretario de Unuiĝintaj Nacioj (n. 1918)
• 2011: Peter Schamoni, germana filmreĝisoro, scenaristo kaj produktisto (n. 1934)
• 2013: Adán Hrynkiewicz, argentina lingvo-instruisto el Bonaero kaj aŭtodidakta esperantisto, membro de Argentina Esperanto-Ligo, Esperanto-verkisto kaj poeto, Nova Talento en la Belartaj Konkursoj de UEA (n. 1931)
• 2014: Isabelle Collin Dufresne, franc-usona artistino kaj verkistino, unu el Varholaj Supersteluloj (n. 1935)
• 2016: Józef Stós, pola arkitekto, socia aganto, deportito en la unua amasa transporto al koncentrejo Aŭŝvico (n. 1921)

Specialaj tagoj kaj festoj

• Rememoroj kaj festoj en Katolika Eklezio:
  • Metodio la 1-a, patriarko de Konstantinopolo
  • beatigita Michał Kozal (pola katolika episkopo, martiro)
• Usono: Tago de Flago
• Malavio: Tago de Libereco
• Monda Tago de Sango-Donanto - fiksita de Monda Organizaĵo pri Sano en 2004 omaĝe al Karl Landsteiner
• Pollando: Nacia Memor-Tago pri Viktimoj de Germanaj Naziaj Koncentrejoj kaj Ekstermejoj, ekde 2006

Tagoj de semajno

La 14-a de junio estas (laŭ gregoria kalendaro):

• Dimanĉo en jaroj: 1587 1592 1598 1609 1615 1620 1626 1637 1643 1648 1654 1665 1671 1676 1682 1693 1699 1705 1711 1716 1722 1733 1739 1744 1750 1761 1767 1772 1778 1789 1795 1801 1807 1812 1818 1829 1835 1840 1846 1857 1863 1868 1874 1885 1891 1896 1903 1908 1914 1925 1931 1936 1942 1953 1959 1964 1970 1981 1987 1992 1998 2009 2015 2020 2026 2037 2043 2048 2054 2065 2071 2076 2082 2093 2099;
• Lundo en jaroj: 1582 1593 1599 1604 1610 1621 1627 1632 1638 1649 1655 1660 1666 1677 1683 1688 1694 1700 1706 1717 1723 1728 1734 1745 1751 1756 1762 1773 1779 1784 1790 1802 1813 1819 1824 1830 1841 1847 1852 1858 1869 1875 1880 1886 1897 1909 1915 1920 1926 1937 1943 1948 1954 1965 1971 1976 1982 1993 1999 2004 2010 2021 2027 2032 2038 2049 2055 2060 2066 2077 2083 2088 2094;
• Mardo en jaroj: 1583 1588 1594 1605 1611 1616 1622 1633 1639 1644 1650 1661 1667 1672 1678 1689 1695 1701 1707 1712 1718 1729 1735 1740 1746 1757 1763 1768 1774 1785 1791 1796 1803 1808 1814 1825 1831 1836 1842 1853 1859 1864 1870 1881 1887 1892 1898 1904 1910 1921 1927 1932 1938 1949 1955 1960 1966 1977 1983 1988 1994 2005 2011 2016 2022 2033 2039 2044 2050 2061 2067 2072 2078 2089 2095;
• Merkredo en jaroj: 1589 1595 1600 1606 1617 1623 1628 1634 1645 1651 1656 1662 1673 1679 1684 1690 1702 1713 1719 1724 1730 1741 1747 1752 1758 1769 1775 1780 1786 1797 1809 1815 1820 1826 1837 1843 1848 1854 1865 1871 1876 1882 1893 1899 1905 1911 1916 1922 1933 1939 1944 1950 1961 1967 1972 1978 1989 1995 2000 2006 2017 2023 2028 2034 2045 2051 2056 2062 2073 2079 2084 2090;
• Ĵaŭdo en jaroj: 1584 1590 1601 1607 1612 1618 1629 1635 1640 1646 1657 1663 1668 1674 1685 1691 1696 1703 1708 1714 1725 1731 1736 1742 1753 1759 1764 1770 1781 1787 1792 1798 1804 1810 1821 1827 1832 1838 1849 1855 1860 1866 1877 1883 1888 1894 1900 1906 1917 1923 1928 1934 1945 1951 1956 1962 1973 1979 1984 1990 2001 2007 2012 2018 2029 2035 2040 2046 2057 2063 2068 2074 2085 2091 2096;
• Vendredo en jaroj: 1585 1591 1596 1602 1613 1619 1624 1630 1641 1647 1652 1658 1669 1675 1680 1686 1697 1709 1715 1720 1726 1737 1743 1748 1754 1765 1771 1776 1782 1793 1799 1805 1811 1816 1822 1833 1839 1844 1850 1861 1867 1872 1878 1889 1895 1901 1907 1912 1918 1929 1935 1940 1946 1957 1963 1968 1974 1985 1991 1996 2002 2013 2019 2024 2030 2041 2047 2052 2058 2069 2075 2080 2086 2097;
• Sabato en jaroj: 1586 1597 1603 1608 1614 1625 1631 1636 1642 1653 1659 1664 1670 1681 1687 1692 1698 1704 1710 1721 1727 1732 1738 1749 1755 1760 1766 1777 1783 1788 1794 1800 1806 1817 1823 1828 1834 1845 1851 1856 1862 1873 1879 1884 1890 1902 1913 1919 1924 1930 1941 1947 1952 1958 1969 1975 1980 1986 1997 2003 2008 2014 2025 2031 2036 2042 2053 2059 2064 2070 2081 2087 2092 2098.