10199 Kariklo

	10199 Kariklo
	asteroido
	astronomia simbolo
	Artista vido de Kariklo kun ties ringoj Artista vido de Kariklo kun ties ringoj
asteroido
Oficiala nomo	10199 Chariklo
Aliaj nomoj	1997 CU26
Astronomia simbolo	vd
Nomita laŭ	Chariclo vd
	Malkovro
Malkovrinto	James Vernon Scotti ; (Spacewatch)
Dato de malkovro	15-a de februaro 1997
Loko de malkovro	Observatorio de Kitt Peak
	Orbitaj ecoj
Asteroida familio	Centaŭroj vd
Granda duonakso; - Periapsido; - Apoapsido	2,355 Tm (15,744 AU); 1,952 Tm (13,050 AU); 2,758 Tm (18,438 AU)
Discentreco	0,1711
Meza anomaliangulo	57,151°
Klinangulo	23,410°
Periodo	22817,123 tagoj (62,470 jaroj)
Meza cirkulrapido	7,5 km/s
Longitudo de; suprenira nodo	300,383°
Argum. de periapsido	241,457°
Terdistanco; - Minimuma	; 1,812 Tm (12,119 AU)
Ringoj	2
	Fizikaj ecoj
Diametro	302 ± 30 km
Rotacia periodo	7,004 h vd
	Atmosferaj kaj surfacaj ecoj
Geometria albedo	0,045 ± 0,010
	Observaj ecoj
Spektroklaso	D
Absoluta magnitudo	6,6
Videbla magnitudo	18,3 vd

10199 Kariklo estas la plej granda nun konata asteroido de la klaso de la Centaŭroj. Ĝi estis malkovrita la 15-an de februaro 1997 de la usona astronomo James Vernon Scotti elde la Nacia Observatorio de Kitt Peak (Usono) en la kadro de la projekto Spacewatch.

Nomo

Ĝi ricevis la nomon de la nimfo (aŭ centaŭrino) Kariklo (greke Χαρικλω), edzino de Kirono kaj, laŭ iuj mitoj de la helena mitologio, patrino de la orakolo Tiresias.

Orbito

Kun orbita granda duonakso de 2,355 miliardo da kilometroj, Kariklo orbitas inter Saturno kaj Urano kaj estas uranorenkonta asteroido.

La Centaŭroj estas rigarditaj kiel korpojn devenantaj de la Kujper-zono kaj havas nestabilajn orbitojn: ili povas ĉu esti forpelitaj el la sunsistemo, ĉu alfrapi sunsiteman planedon, ĉu iĝi kometoj de mallonga periodo.^[1]

La orbito de Kariklo estas pli stabila ol tiuj de 7066 Neso, 2060 Ĥirono aŭ 5145 Folo. Kariklo troviĝas je 0,09 astronomia unuo de la orbita resonanco 4: 3 kun Urano, kaj ĝia orbita duona-vivo estas taksate je 10,3 millionoj da jaroj. 20 komputadaj "klonoj" (t.e. komputadaj simuladoj kun malgrandaj varioj en la komencaj datumoj) de la orbito de Kariklo sugestas, ke tiu asteroido ne komencos regule veni pli proksima ol 3 astronomiaj unuoj (450 Gm) de Urano dum proksimume 30 000 jaroj.^[2]

Kariklo pasis en sia perihelio la 4-a de decembro 2003, gi tiam estis je 1,952 miliardoj da km de Suno.

Ringoj

Per observo de stela kaŝado ekde la 3-an de junio 2013 per diversaj observatorioj en Sudameriko el kiuj la Observatorio La Silla, astronomoj konstatis, ke Kariklo havas almenaŭ du ringojn.^[3]^[4] Estas la unua foje, ke oni malkovras ringoj ĉirkaŭ tiel malgranda objekto.

La unua ringo havas orbita radiuson de 391 km kaj larĝecon de 7 km, la dua havas orbitan radiuson de 405 km kaj larĝecon de 3 km. Ili estas disigitaj per interspaco de 8 km. Oni provizore kromnomis ilin per la nomoj de "Oiapoque" kaj "Chuí": riveroj kiuj markas la nordan kaj sudan landlimojn de Brazilo.

La neteco de la randoj de la ringoj lasas suspekti la ĉeeston de paŝtist-satelitoj.

Notoj kaj referencoj

Eksteraj ligiloj

Antaŭe:	Listo de asteroidoj (10001 - 11000)	Poste:
10198 Pinelli	10199 Kariklo	10200 Quadri

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] A wide-field CCD survey for centaurs and Kuiper Belt Objects de Scott S. Sheppard; David C. Jewitt; Chadwick A. Trujillo (2000). The Astronomical Journal 120 (5): 2687–2694 (angle)

[2] Twenty clones of Centaur 10199 Chariklo making passes within 450 Gm (angle)

[3] Surpriza malkovro de duobla sistemo de ringoj ĉirkaŭ asteroido, el Aerospace & Defence News Arkivigite je 2014-03-27 per la retarkivo Wayback Machine (angle)

[4] Unua malkovro de ringa sistemo ĉirkaŭ asteroido, el la paĝaro de Eŭropa Suda Observatorio (france)

[1]

[2]

[3]

[4]