Ŝavuot aŭ Shavuot (en jida "Shovues" en uzado de Aŝkenazoj, en hebrea: שָׁבוּעוֹת, laŭvorte "semajnoj"), estas konata kiel la Festo de Semajnoj aŭ Pentekosto (en Kojnea greka lingvo: Πεντηκοστή). Ĝi estas juda festotago kiu okazas la sesan tagon de la hebrea monato Sivano (ĝi povas okazi inter la 15a de Majo kaj la 14an de Junio laŭ la Gregoria kalendaro).[1] La kristana festo de Pentekosto estas alia festotago, bazita sur afero de la Nova Testamento okazinta pro la arigo de la sekvantoj de Jesuo fakte dum tiu juda festotago (Agoj de la Apostoloj 2:1 kaj sekvantaj). Estante unu el la biblie ordonitaj Tri Pilgrimadaj Festoj, Ŝavuot estas tradicie celebrata en la Izraela Lando dum unu tago kaj dum du tagoj en la Juda diasporo. Kvankam jam estas pli da konscio pri la festivalo en Israelo inter nereligiaj judoj, ĝenerale Ŝavuot estas amplekse ignorata de ne-praktikantaj judoj.[2][3][4]
En la Biblio, Ŝavuot markas la rikolton de tritiko en en la Izraela Lando (Eliro 34:22) kaj laŭ la Saĝuloj, ĝi rememoras ankaŭ la jariĝon de la dono de la Torao fare de Dio al la Izraelidoj sur la Monto Sinajo. La vorto "ŝavuot" signifas "semajnojn" kaj ĝi markas la konkludon de la kalkulo "Sefirat HaOmer". Ties dato estas rekte ligita al tiu de Pesaĥo. Tiu kalkulo de tago kaj semajnoj estas komprenata kiel esprimo de antaŭigo kaj deziro por la dono de la Torao. En Pesaĥo, la popolo de Israelo estis liberigita el sia sklavigo de la Faraono; en "ŝavuot", ili ricevis la Toraon kaj iĝis nacio engaĝiginta por servi al Dio.[5]
Notoj
- ↑ Neusner, Jacob (1991). An Introduction to Judaism: A Textbook and Reader. Westminster John Knox Press. p. 58. ISBN 978-0-664-25348-6. "The Feast of Weeks, Shavuot, or Pentecost, comes seven weeks after Passover. In the ancient Palestinian agricultural calendar, Shavuot marked the end of the grain harvest and was called the 'Feast of Harvest'"
- ↑ Goldberg, J.J. (12a de Majo, 2010). "Shavuot: The Zeppo Marx of Jewish Holidays". The Forward. Alirita la 2an de Decembro, 2020.
- ↑ Berel Wein (21a de Majo, 2010). "Shavuot Thoughts". The Jerusalem Post. "Here in Israel all Israelis are aware of Shavuot, even those who only honor it in its breach... In the Diaspora, Shavuot is simply ignored by many Jews..."
- ↑ Jonathan Rosenblum (31a de Majo, 2006). "Celebrating Shavuos Alone". Mishpacha. Alirita la 2an de Decembro, 2020. "Yet most Jews have barely heard of Shavuos, the celebration of Matan Torah. In Eretz Yisrael, the contrast between Shavuos and the other yomim tovim could not be more stark... Shavuos is only about the acceptance of Torah. For those Israeli Jews for whom Torah has long since ceased to be relevant, the holiday offers nothing."
- ↑ "What Is Shavuot (Shavuos)? - And How Is Shavuot Celebrated?". www.chabad.org. Alirita la 2an de Decembro 2020.