| Izolite | Fine | Interne | Komence |
| ﺝ | ـﺞ | ـﺠ | ﺟ |
La Gimel estas la tria litero de multaj abjadoj (alfabetoj) de ŝemidaj lingvoj, kiaj la gaml 𐤂 en fenica, gāmal ܓ en siria, guímel ג en hebrea, ǧīm ج en araba kaj gäml ገ en etiopa.
La gimel estas en Unicode kiel U+05D2 ג hebrea litero gimel.
En fonetiko la gimel reprezentas la sonon /g/. En moderna israela hebrea, siria kaj fenica komence de la vorto ĝi prononcatas kiel /g/, male al mezo aŭ fino de la vorto ĝi prononcatas kiel /ɣ/, escepte ĉe la moderna israela hebrea, kie la litero gimel havas nur la fonemon /g/.
La nomo de tiu litero (gaml, gimel) signifas "kamelo".
En araba alfabeto tiu litero nomiĝas الجيم [al'dʒiːm]. Ĝi estas la kvina litero de la araba alfabeto. En la abjad-numeraloj ĝi havas la valoron de 3.[1] Ĝi estas luna litero. Ĝi devenas, tra la alfabetoj nabatea kaj aramea, de la fenica litero gaml.[2]