| Ĝenerala Sekretario de la Unuiĝintaj Nacioj | ||
|---|---|---|
 | ||
 | ||
| pozicio | ||
| diplomato • ĝenerala sekretario • Unuiĝintaj Nacioj | ||
| Komenco | 26-a de junio 1945 vd | |
| Retejo | Oficiala retejo | |
La Ĝenerala Sekretario de la Unuiĝintaj Nacioj (angle United Nations Secretary-General, mallonge UNSG, arabe أمين عام الأمم المتحدة, ĉine 联合国秘书长, france Secrétaire général des Nations unies, hispane Secretario General de Naciones Unidas kaj ruse Генеральный секретарь ООН) estas la gvidanto de la Sekretariejo de la Unuiĝintaj Nacioj, unu el la plej gravaj organoj de la Unuiĝintaj Nacioj.
La Ĝenerala Sekretario laŭ rekomendo de la Konsilo pri Sekureco elektiĝas laŭ rekomendo de la Ĝenerala Asembleo de la Unuiĝintaj Nacioj por oficperiodo de kvin jaroj. La nomumon povas malebligi la malkonsento de ĉiu ajn el la konstantaj membroŝtatoj de la Konsilo pri Sekureco. Kvankam teorie ne estas limigo pri la nombro de oficperiodoj, ĝis nun neniu Ĝenerala Sekretario oficis dum pli ol dek jaroj, do dum pli ol du oficperiodoj.
Kutime la posteno de la Ĝenerala Sekretario post du oficperiodoj rotacias de unu kontinento/geografia regiono al alia. Tiu regulo tamen ne estas deviga.
Kiel unua Ĝenerala Sekretario la 1-an de februaro 1946 elektiĝis Trygve Halvdan Lie. (La unua komisia Ĝenerala Sekretario estis la anglo Sir Gladwyn Jebb.) Ekde la jaro 1997 ankaŭ ekzistas la ofico de vica Ĝenerala Sekretario.
En 2006, la Ĝenerala Sekretario de UN ricevis malnetan jaran salajron de 176.877 usonaj dolaroj.
Listo de la Ĝeneralaj Sekretarioj
| # | Bildo | Nomo | Oficperiodo | Nacieco | Rimarkoj | Ligiloj | vica Ĝenerala Sekretario | Nacieco |
|---|---|---|---|---|---|---|---|---|
 | Gladwyn Jebb | 24-a de oktobro 1945 – 2-a de februaro 1946 |  Britio | komisia Ĝenerala Sekretario | ||||
| 1 |  | Trygve Halvdan Lie | 2-a de februaro 1946 – 10-a de novembro 1952 |  Norvegio | demisiis | biografio (angle) | ||
| 2 |  | Dag Hammarskjöld | 10-a de aprilo 1953 – 18-a de septembro 1961 |  Svedio | mortis en aviadila akcidento en Norda Rodezio (nuna Zambio) | biografio (angle) | ||
| 3 |  | Sithu U Thant | 3-an de novembro 1961 – 31-an de decembro 1971 | .svg.png.webp){kind=small} Birmo | de la 3-a de novembro 1961 ĝis 30-a de novembro 1962 komisia Ĝenerala Sekretario | biografio (angle) | ||
| 4 |  | Kurt Waldheim | 1-a de januaro 1972 – 31-a de decembro 1981 |  Aŭstrio | protesto de Ĉinio kontraŭ tria oficperiodo | biografio | ||
| 5 |  | Javier Pérez de Cuéllar | 1-a de januaro 1982 – 31-a de decembro 1991 |  Peruo | ne aliĝis por tria oficperiodo | biografio (angle) | ||
| 6 |  | Boutros Boutros-Ghali | 1-a de januaro 1992 – 31-a de decembro 1996 |  Egiptio | protesto de Ĉinio kontraŭ dua oficperiodo | biografio (angle) | ||
| 7 |  | Kofi Annan | 1-a de januaro 1997 – 31-a de decembro 2006 |  Ganao | ne aliĝis por tria oficperiodo | biografio (angle) | Louise Fréchette (1998 – 2006) Mark Malloch Brown (2006) |  Kanado Britio |
| 8 |  | Ban Ki-moon | 1-a de januaro 2007 – 31-a de decembro 2016 |  Sud-Koreio | biografio (angle) | Asha-Rose Migiro (2006 – 2012) Jan Eliasson (2012 – 2016) |  Tanzanio Svedio | |
| 9 |  | António Guterres | 1-a de januaro 2017 – nun |  Portugalio | biografio (angle) | Amina J. Mohammed (2017 – nun) |  Niĝerio |
Agentejoj de la Ĝenerala Sekretario de la Unuiĝintaj Nacioj
La Oficejo de Unuiĝintaj Nacioj por Malarmadaj Aferoj (angle United Nations Office for Disarmament Affairs, akronime UNODA, france Le Bureau des affaires du désarmement) estas agentejo de la Ĝenerala Sekretario de UN establita kiel la Departemento de Malarmadaj Aferoj.
La Departemento pri Politikaj kaj Packonstruaj Aferoj (angle United Nations Department of Political and Peacebuilding Affairs, DPPA) estas departemento de la Ĝenerala Sekretario de la Unuiĝintaj Nacioj, strukturita kaj establita laŭ mandato de la Ĝenerala Asembleo en 1992.
Literaturo
- Simon Chesterman (eldoninto): Secretary or General?: The UN Secretary-General en World Politics. Oksfordo, Novjorko: Oxford University Press, 2007. ISBN 978-0-521-69958-7.
Eksteraj ligiloj
- retejo de la Ĝenerala Sekretario de UN (angle, arabe, ĉine, france, hispane, ruse)
- retejo “Who will be the Next UN Secretary General”? (angle)
| ||||||
