Ĉina Revo (ĉine: 中國夢 / 中国梦, pinjine: Zhōngguó Mèng) estas termino elektita surbaze de la Usona Revo, kiu unue estis oficiale uzita de ĉina prezidanto Xi Jinping dum vizito al la ekspozicio "Vojo al la reviviĝo" en la Nacia Muzeo la 29-an de novembro 2012. Xi Jinping diris, ke atingi grandan revigliĝon de la ĉina nacio estas la plej granda revo de la ĉina nacio ekde la moderna tempo[1][2].

La ĉefaj celoj de la "Ĉina Revo", ankaŭ la celoj de la "Dufoje Cent Jaroj", nome cent jarojn post la fondo de la KPĈ (1921) por plene kompletigi socion kun modesta prospero kaj cent jarojn post la fondiĝo de la Ĉina Popola Respubliko (1949) realigi la konstruadon de moderna socialisma lando, kiu estas riĉa, forta, demokrata, civilizita kaj harmonia[3].

La ĉina revo difinita kiel daŭripova disvolviĝo

Peggy Liu, fondinto de JUCCCE, la komuna usona-ĉina kunlaboro pri pura energio, kreis la terminon "Ĉina Revo" kiel movadon bazita sur daŭripova disvolviĝo[4] [5] kiu poste estis popularigita en Ĉinio pro artikolo en la New York Times kaj adoptita de la ĉina prezidento Xi Jinping[6]. Poluado kaj nutra sekureco estas popularaj zorgoj en Ĉinio[5]. Urboj ofte estas kovritaj de fumnebulo kaj la riveroj de la lando estas poluataj per industriaj rubaĵoj[7]. Oni atendas, ke la kreskanta meza klaso de Ĉinio kreskos je 500 milionoj da homoj ĝis 2025 kaj daŭre premos la malpliiĝantajn rimedojn de la lando[4]. Laŭ Liu, la Ĉina Revo pri daŭripovo atingeblas per la antaŭenigo de verdaj teknologioj kaj la redukto degrandskala konsumo[5]. La Ĉina Revo estas revo pri prospera vivmaniero kiu akordiĝas kun daŭripova vivmaniero[5].

Literaturo

Kerry Brown : China’s Dream. The Culture of Chinese Communism and the Secret Sources of Its Power (La revo de Ĉinio. La kulturo de ĉina komunismo kaj la sekretaj fontoj de ĝia potenco), Kembriĝo: Polity Press, 2018. ISBN 978-1-5095-2456-3

Vidu ankaŭ

Green New Deal

Eksteraj ligiloj

100-taga biciklado por serĉi la ĉinan revon, Esperanto.china.org.cn

Renkontiĝo de ĉina kaj usona gvidantoj: kiel kunligi ĉinan revon kaj usonan revon, Esperanto.china.org.cn

Referencoj

  1. ↑ (de) Yu Hua, China wählt – ein ferner Traum. En: hundertvierzehn.de
  2. ↑ (zh) 习近平：承前启后 继往开来 继续朝着中华民族伟大复兴目标奋勇前进-新华网.
  3. ↑ (zh) 徐蓓 "Celoj, dufoje cent jaroj（“两个一百年”奋斗目标 ）
  4. 1 2 (en) Friedman, Thomas, "China Needs Its Own Dream", The New York Times, la 2-an de oktobro 2012.
  5. 1 2 3 4 (en) Liu, Peggy, "China dream: a lifestyle movement with sustainability at its heart", The Guardian, la 13-an de junio 2012.
  6. ↑ (en) Fish, Isaac Stone, "Thomas Friedman: I only deserve partial credit for coining the 'Chinese dream'", Foreign Policy, la 3-an de majo 2013.
  7. ↑ (en) Rachman, Gideon, "The Chinese dream is smothered by toxic smog", Financial Times, la 6-an de majo 213.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.