 Kiel legi la taksonomion | ||||||||||||||
|---|---|---|---|---|---|---|---|---|---|---|---|---|---|---|
.jpg.webp) Ĉina koturno | ||||||||||||||
| Biologia klasado | ||||||||||||||
| ||||||||||||||
| Coturnix chinensis (Linnaeus, 1766) | ||||||||||||||
| Konserva statuso | ||||||||||||||
Aliaj Vikimediaj projektoj | ||||||||||||||
La Ĉina koturno, Coturnix chinensis, konata ankaŭ kiel Ĉina buntokoturno aŭ Ĉina blubrusta koturno, estas specio de koturno (el la birda familio de Fazanedoj) troviĝanta en Orienta Azio.
Tiu specio estas la plej malgranda "vera koturno" kaj estas tre komuna en Birdobredado tutmonde. En naturo ili havas teritoriojn el sudorienta Azio al Oceanio kun 10 diferencaj subspecioj.
Aspekto
La Ĉina koturno havas multajn kolorojn el blua al bruna, arĝenta, blanka, griza ktp. Ĝi havas tre purbluan bruston kaj pli miksite kun bruna kaj strieco en supraj partoj. Ankaŭ la vizaĝo ĉirkaŭokule estas blua, sed el beko al okulo suben estas rimarkinda gorĝarea bildo, konsista je ĝenerala tre blanka areo kun tre nigraj strioj (unua mustaĉa tre fajna al orelareo, dua el orelareo al mentono kie plilarĝiĝas, kaj tria sube kiel bordo. Ĝi havas nigrecan bekon kaj oranĝecajn krurojn.
Ili povas vivi ĝis 13 jaroj en kaptiteco sub zorgemo sed plej ofte 5-7.
Reproduktado
Ovaro varias de 5 ĝis 13 ovoj. En kaptiteco, se la ino demetas tro multajn ovojn, ili devas esti forigitaj, ĉar post ĉirkaŭ 10 tagoj, ili malvarmiĝas kaj mortas. En kaptiteco, la ideala nombro de ovoj en ovaro estas de 6 al 8. Eloviĝo okazas post ĉirkaŭ 19 tagoj kaj la idoj aspektas kiel kokidoj sed pli malgrandaj.
Konservostatuso
Aŭstralio
La Ĉina koturno (kiel ĝi estas komune konata kaj priskribata en Aŭstralio) ne estas listita kiel minacata fare de la aŭstralia Environment Protection and Biodiversity Conservation Act de 1999.
Stato de Viktorio, Aŭstralio
- Tiu specio estas listita kiel minacata ĉe la viktoria Flora and Fauna Guarantee Act (1988).[1] Laŭ tiu Act, ankoraŭ ne estis preparata Action Statement por la rekuperado kaj futura administrado de tiu specio.[2]
- Laŭ la konsulta listo de minacataj vertebruloj de Viktorio de 2007, tiu specio estis listata kiel endanĝerita.[3]
Birdobredado
Tiu koturno iĝis tre populara por kaptiteco kaj bredado; oni disvolvigis nombrajn mutaciojn. Ili estas tre forta kiam ili alkutimĝas al ĉirkaŭaĵo. Aĉeti kaj pluhavi ilin estas malkosta.
Ili estas aktivaj reproduktantoj: ino povas demeti po unu ovon tage, se ŝi havas la taŭgan dieton. Ŝi faras mildan bruon "klukecan" por allogi partneron. Tiuj koturnoj bezonas malmultan tempon por manĝi kaj trinki kaj foje ili iĝas maltimidaj ĝis alproksimiĝo al homa mano.
Referencoj
- ↑ Department of Sustainability and Environment, Victoria
- ↑ Department of Sustainability and Environment, Victoria
- ↑ Victorian Department of Sustainability and Environment. (2007) Advisory List of Threatened Vertebrate Fauna in Victoria - 2007. East Melbourne, Victoria: Department of Sustainability and Environment, p. 15. ISBN 978-1-74208-039-0.
Literaturo
- BirdLife International (2004). Coturnix chinensis. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 11a Majo 2006. Malplej Zorgiga
Vidu ankaŭ
Eksteraj ligiloj
- BirdLife Species Factsheet Arkivigite je 2007-09-29 per la retarkivo Wayback Machine
- IUCN Ruĝa Listo
- ITIS Standard Report Page: Coturnix chinensis taxonomic details (includes subspecies) Arkivigite je 2004-10-31 per la retarkivo Wayback Machine
- Informo pri pluteno kaj bredado de Ĉina koturno kaj pri ties mutacioj Arkivigite je 2010-01-02 per la retarkivo Wayback Machine
| ||||||||||||||||||