| Ákos Seress | |
|---|---|
| Persona informo | |
| Naskiĝo | 24-an de novembro 1958 en Budapeŝto |
| Morto | 13-an de februaro 2013 (54-jaraĝa) en Columbus |
| Ŝtataneco | Hungario |
| Alma mater | Ohia Ŝtata Universitato |
| Okupo | |
| Okupo | matematikisto • universitata instruisto |
Ákos Seress [Akoŝ ŝereŝ], laŭ hungarlingve kutima nomordo Seress Ákos estis hungara matematikisto, altlerneja instruisto.
Ákos Seress[1] naskiĝis la 24-an de novembro 1958 en Budapeŝto, li mortis la 13-an de februaro 2013 en Columbus (Ohio).
Biografio
Ákos Seress maturiĝis en gimnazio en sia naskiĝurbo, poste li akiris diplomon en Scienca Universitato Loránd Eötvös. Post la diplomo li laboris en la universitata matematika instituto. Li doktoriĝis (Ph.D.) en 1985 en Ŝtata Universitato de Ohio, poste li esploris en la instituto en Budapeŝto. En 1989 li reiris al universitato en Colombus, kie li estis asistanto, poste docento (1995), fine profesoro (2000). Tamen en tiu periodo li ofte prelegis en Universitato de Okcidenta Aŭstralio kaj en aliaj universitatoj. Li okupiĝis pri kombinatoriko kaj grupoteorio. Li mortis frue pro kancero.
Elektitaj artikoloj
- An introduction to computational group theory, 1997
- Codes and Designs, kun iu alia, 2002
- Construction of 2-Closed M-Representations, 2012
Lia libro
- Permutation Group Algorithms, 2003