Zahrodny mak
Zahrodny mak (Papaver somniferum)
systematika
Domena Eukaryoty
Swět Rostlinstwo
  Eudikotyledoneny
pórěd: (Ranunculales)
swójźba: Makowe rostliny (Papaveraceae)
pódswójźba: Papaveroideae
rod: Mak[1][2] (Papaver)
družyna: Zagrodny mak
wědomnostne mě
Papaver somniferum
L.

Zagrodny mak (Papaver somniferum) jo rostlina ze swójźby makowych rostlinow (Papaveraceae).

Wopis

Zagrodny mak jo jadnolětna rostlina, kótaraž dośěgnjo wusokosć wót 40 až do 150 cm. Rostlina jo módrozelena.

Łopjena

Našěr zelene łopjena su nage, njeźělone a eliptiske. Jich kšoma je rězana. Wóni kijašk wobpśimuju.

Kwiśonki

Kwiśo wót junija až do awgusta. Kwiśonki su běłe, rožojte, cerwjene abo wioletne, dośěgnu wjelikosć wót 10 cm a na spódku njasu śamne flacki. Kronowe łopjeńka su rědko cerwjene.

Zagrodne sorty cesto maju połnjone kwiśonki.

Płody

Kapslowy płod jo pśisamem kulowaty.

Stejnišćo

Rosće na smjećach, pustych płoninach. Preferuje wutkate a wapnite hlinjane pódy.

Rozšyrjenje

Póchada z Bliskego Wuchoda. Južo wokoło lěta 900 p.Ch. jo był znaty w Grjekskej.

Wužywanje

Zdrjałe semjenja se ako pječenski wobstatk a za makowy wólej wužywaju, dokulaž wěcej alkaloidy njewopśimjeju. Ale se musy tak starosćiwje žněju, až z mlokowej mězgu do kontakta njepśidu.

Wobraze

Nožki

  1. ↑ Starosta: Dolnoserbsko-nimski słownik, Niedersorbisch-deutsches Wörterbuch, Bautzen 1999, ISBN 3-7420-1096-4, bok 222
  2. ↑ W internetowem słowniku: Mohn

Žrědła

  • Botanica, Einjährige und mehrjährige Pflanzen, Über 2000 Pflanzenporträts, ISBN 978-3-8331-4469-1, bok 633 (nim.)
  • Meyers Taschenlexikon Biologie, In 3 Bänden, 2. zwězk, ISBN 3-411-12023-1, bok 198 (nim.)
  • Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, bok 18 (nim.)

Eksterne wótkaze


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.