Chórgoj Serbow
Oficielny Serbski sedlišćowy teritorium
Serbski sedleński rum[1] - jo toś ten region w pódzajtšnej Sakskej a pódpołdnjwej Bramborskej, źož jo pódwjacornosłowjański serbski lud domorodny.
Historiski serbski sedleński rum
Sedleński rum po Smolerju 1843.
Źinsajšny serbski sedleński rum jo jano mały źěl historiskego serbskego ruma. Serbski historiski teritorium jo se rozpśestrěwał wósrjejź 9. stolěśa na pódwjacorje wót rěki Solawy a na pódzajtšu wót rěkoma Bobr a Kwisa. Kraj, kótaryž serbske rody su wót 6.do 10.stolěśa wobydlili a wobkněžyli, jo wobpśimjeł w cełem něźi 40 000 kwadratnych kilomejtarjow wjeliku płoninu.
Města a gmejny
K Serbskemu sedleńskemu rumoju słušaju slědujuce města a gmejny
- W Sakskej:
- Wokrejs Budyšyn: Bóšicy, Budestecy (mimo Jiłoc), Budyšyn, Bukecy (mimo Wujezda), Chrósćicy, Dobruša-Huska (mimo Kosarnje a Noweje Wsy), Halštrow (jano Krěpjecy), Halštrowska hola, Hodźij, Hornja Hórka, Kamjeńc (jano Brěznja, Hlinowc, Jěžow, Kamjeńc a Němske Pazlicy), Kubšicy, Kulow, Łaz, Malešecy, Njebjelčicy, Njeswačidło, Pančicy-Kukow, Porchow (jano Nowy Dwór), Radwor, Rakecy, Ralbicy-Róžant, Sprjewiny Doł, Wórjejce, Worklecy, Wóslink (jano Jitro), Wóspork a Wulka Dubrawa
- Wokrejs Zgórjelc: Běła Woda, Chrjebja-Nowa Wjes, Dźěwin, Hamor, Jabłońc, Krušwica, Kwětanecy při jězoru (jano Hóršow a Hóznica), Mikow, Mužakow, Rěčicy, Slepo, Trjebin, Wuskidź a Wysoka Dubrawa (mimo Drěnowa, Jerchec a Radšowa)
- W Bramborskej:
- Wokrejs Damna-Błota: Běła Góra-Bělin, Błośańska Góla, Lubin (Błota), Markojska Góla (jano Dołgi, Lutol, Małe Linje a Mrocna), Nowa Niwa, Slopišća a Tšupc
- Wokrejs Górne Błota-Łužyca: Kalawa, Lubnjow, Nowa Jazorina, Nowe Wiki, Wětošow a Zły Komorow
- Wokrejs Sprjewja-Nysa: Baršć, Bórkowy, Brjazyna (Błóta), Derbno (jano Dubojce, Grano, Kerkojce a Wjeliki Gósćeraz), Dešno-Strjažow, Drjenow, Drjowk, Feliksowy jazor (jano Błobošojce), Gatojce, Gołkojce, Góry, Grodk, Hochoza, Janšojce, Kopańce (jano Hažow a Wjelike Dobrynje), Łukojce, Móst, Picnjo, Smogorjow-Prjawoz, Turjej, Turnow-Pśiłuk a Wjelcej
Literatura
- Peter Kunze, Serby w Dolnej Łužycy, pśełožk do dolnoserbšćiny Uwe Gutšmidt, Podstupim 2001 (Podstupimske pśinoski k Sorabistice, No 4).
Wótkaze
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.