Rolny žonop
Ilustracija rolnego žonopa (Sinapis arvensis)
systematika
Domena Eukaryoty
Swět Rostlinstwo
  Asteridy
Euasteridy II
pórěd: (Brassicales)
swójźba: Kśicnokwětarjowe rostliny (Brassicaceae)
rod: Žonop[1][2] (Sinapis)
družyna: Rolny žonop
wědomnostne mě
Sinapis arvensis
L.

Rolny žonop (Sinapis arvensis) jo rostlina ze swójźby kśicnokwětarjowych rostlinow (Brassicaceae). Dalšne serbske mjenja su rěpnik[3][4], górkac[5][4], górcyca[5][4].

Wopis

Rolny žonop jo jadnolětna rostlina, kótaraž dośěgnjo wusokosć wót 30 až 60 cm.

Łopjena

Łopjena su kijaškate. Dolne su cesto našćěpane.

Kwiśonki

Kwiśo wót junija až do oktobra. Kwiśonki dośěgnu wjelikosć wót něźi 1,5 cm a stoje w granach, kótarež na zachopjeńku su połkulowate. Kronowe łopjeńka su syrikžołte a dośěgnu dłujkosć wót 8 až 12 mm. Keluškowe łopjena dośěgnu dłujkosć wót 5 až 6 mm a wódorownje wótstoje.

Płody

Płody (tšuki) su nage abo naslědk šćeśokósmate, dośěgnu dłujkosć wót 2,5 až 4 cm a šyrokosć wót 2 až 3 mm a njasu 10-15 mm dłujki bźez semjenjowy wótrězk. Tšukowa sćěna jo tśinerwna až pěśnerwna. Semjenja su carne a w zemi 50 lět klěwajuce wóstanu.

Wóleje

Žonopowe wóleje rostlinu pśeśiwo nadpadoju pśez griby a žracki rostlinow šćitaju.

Stojnišćo

Rosćo na rolach, drogach, pustych płoninach a nadroznych nakłonjach.

Rozšyrjenje

Rostlina jo w pśisamem cełej Europje rozšyrjona.

Wužywanje

Pódobna družyna

  • Běły žonop (Sinapis alba) ma pšustokósmate płody z bźez semjenjowym, wjelgin wopłonjonym wótrězkom. Rostlina se ako zelene gnojenje, wěrcu abo futrowańsku rostlinu cesto na rolach sajźijo.

Nožki

  1. ↑ Starosta: Dolnoserbsko-nimski słownik, Niedersorbisch-deutsches Wörterbuch, Bautzen 1999, ISBN 3-7420-1096-4, bok 712
  2. ↑ W internetowem słowniku: Senf
  3. ↑ Starosta: Dolnoserbsko-nimski słownik, Niedersorbisch-deutsches Wörterbuch, Bautzen 1999, ISBN 3-7420-1096-4, bok 407
  4. 1 2 3 W internetowem słowniku: Ackersenf
  5. 1 2 Starosta: Dolnoserbsko-nimski słownik, Niedersorbisch-deutsches Wörterbuch, Bautzen 1999, ISBN 3-7420-1096-4, bok 145

Žrědła

  • Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, bok 106 (nim.)
  • Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, bok 258 (nim.)
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.