.jpg.webp) | |
| Naroźenje | 12. januara 1987 Valencia, Kaliforniska |
| Smjerś | 8. julija 2020 jazor Piru, Kaliforniska |
| Manźelstwo | Ryan Dorsey (2014-2018) |
| Aktiwne lěta | 1990 - 2020 |
| Oficialne websedło | www.nayarivera.com |
| Charakteristiska rola | Santana Lopez w "Glee" |
| Myto Emmy | |
|---|---|
| nominěrowana | |
| Dalše myta | Screen Actors Guild Award, People's Choice Award, Alma Award, NewNowNext Award, GLAAD Award |
Naya Rivera (roź. 12. januara 1987 w Valencia, Kaliforniska, wum. 8. julija 2020 Jazor Piru, Kaliforniska) jo była US-amerikańska grajaŕka, spiwaŕka, fotomodelka a socialna aktiwistka. Jeje nejwěcej znata rola jo była Santana Lopez w muzikalnej telewiznej seriji "Glee" za młodostnych. W "Glee" Naya jo grała, spiwała a rejowała za 6 lesów wót 2009 do 2015. W Glee wóna jo spiwała ako latinoska Santana duety gromaźe z Ricky Martinom, Gloriu Estefan, Demi Lovato a Gwyneth Paltrow. Wóna jo była grajaŕka w reklamach a telewiznych serijach wót 4. lěta žywjenja, gromaźe z Eddie Murphym, Redd Foxxom, Hillary Winston a Will Smithom. W 2016 jo wóna wudała biografiju Sorry Not Sorry: Dreams, Mistakes and Growing Up. Wót 2018 do 2020 jo wóna grała w rejowej seriji Step Up: High Water.
Naya jo była wót familiji Portorikanaŕka, Afroamerikanaŕka a Nimcowka. Jeje matka jo fotomodelka Yolanda Rivera, bratš jo sportaŕ NFL Mychal Rivera a jeje sotša jo fotomodelka Nickayla Rivera. Naya jo była aktiwna w projektach za dobrotne zaměry DREAM Foundation, GLAAD, Stand Up to Cancer, The Trevor Project, The Elephant Project a The Sunshine Foundation.
8. julija 2020 gaž jo se Naya w kaliforniskem jazorje Piru gromaźe z jeje małym góleśim kupała, jo se njeglucnje zalała. 13. julija jo w jazorje było namakane jeje śěło.
Galerija
.jpg.webp)
Naya a Amber Riley, koncert Glee
