Myto Miny Witkojc jo wuznamjenjenje, kotarež se wót 2018 kužde druge lěto jadnej wósobje, kupce wósobow abo instituciji pśiznawa za angažěrowanosć na pólu serbskeje rěcy. Kriterije su nałožowanje, wužywanje, pósrědnjanje abo dalej wuwijanje serbskeje rěcy, wósebnje dolnoserbšćiny. Myto jo dotěrowane z 2.500 Euro.[1]

Toś to myto jo pomnjeśu dolnoserbskeje basnikaŕki a casnikaŕki Miny Witkojc pósćone.

Prědny raz toś to myto jo było wót kraja Bramborska 24. nowembra 2018 pśiznate. Myto jo dostała źiśownja „Mato Rizo“ ze Žylowa[2].

W lěśe 2020 jo myto Miny Witkojc dostał Manfred Starosta.[3]

Nóžki

  1. ↑ Zjawne wupisanje myta Miny Witkojc na boce Kraja Bramborska
  2. ↑ Ines Neumannojc, Prědny raz „Myto Miny Witkojc“ za angažěrowanosć na pólu serbskeje rěcy, Nowy Casnik 28.11.2018
  3. ↑ Viktor Zakar, Myto „Miny Witkojc“ za Manfreda Starostu, Nowy Casnik 04.06.2020.

Wótkaze

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.