 |
Toś ten nastawk z temu družyna ze swójźby zestajenkow (Taraxacum officinale) jo pó lema na drugi nastawk pódobny. Drugi lema Mlac (rod) ma temu rod ze swójźby zestajenkow (Taraxacum). |
|---|
 | |
| Ilustracija mlaca (Taraxacum officinale) | |
| systematika | |
|---|---|
| Domena | Eukaryoty |
| Swět | Rostlinstwo |
| pórěd: | (Asterales) |
| swójźba: | Kóšowe kwětarje (Asteraceae) |
| pódswójźba: | (Cichorioideae) |
| tribus: | Cichorieae |
| rod: | Mlac[1][2] (Taraxacum) |
| družyna: | Mlac |
| wědomnostne mě | |
| Taraxacum officinale | |
| Kirschner, H.Øllg. & Štěpánek | |
Mlac[1][2] (Taraxacum officinale) jo rostlina ze swójźby kóšowych kwětarjow (Asteraceae).
Wopis
Mlac jo naga, słabje kósmata rostlina, kótaraž dośěgnjo wusokosć wót 50 cm. Wón ma rěpojty, měsny korjeń.
Kijaški su prozne, nage, blěde a wopśimjeju mlocnu mězgu.
Łopjena
Łopjena su spódkostejace, nawopacnje lancetojte,
Kwiśonki
Wón kwiśo wót apryla až do julije abo decembra. Kwiśonkowe głowki sejźe jadnory na dłujkem, bźezłopjenowym kijašku. Kwiśonki su žołte a jězykojte.
Płody
Płody maju dłujki, śańki cypk a mnogolicbne běłe pjerjojte keluchowe šćeśiny.
Stojnišćo
Wón rosće na łukach, zelowych gónach, pastwach, rolach a kopicach wótpadankow.
Rozšyrjenje
Mlac jo w Europje a pódwjacornej Aziji rozšyrjany kaž śěžko rozeznobne formy.
Wobraz
Semjenja
Rostlina
Łopjenko
Mlac krotko pśed wokwitanim
Wužywanje
Łopjena mlaca se wótergi za salate wužywaju. Ale se teke za picy rozdźělnych domjacych zwěrjetow wužywaju. Na pś. za karnikle a za wujki.
Nožki
- 1 2 Starosta: Dolnoserbsko-nimski słownik, Niedersorbisch-deutsches Wörterbuch, Bautzen 1999, ISBN 3-7420-1096-4, bok 235
- 1 2 W internetowem słowniku: Löwenzahn
Žrědła
- GU Maxi-Kompaß Blumen, ISBN 3-7742-3852-9, bok 82 (nim.)
- GU Naturführer Blumen, ISBN 3-7742-1507-3, bok 88 (nim.)