 Hendrix w lěće 1967 | |
| Slězynowe informacije | |
|---|---|
| Rodne mě | Johnny Allen, James Marshall |
| Narodniny | 27. nowembra 1942 |
| Póchad | Seattle, USA |
| Zemrěty | 18. septembra 1970 (starstwo 27) |
| Žanr | Rock, psychedeliski rock, hard rock, blues, elektriski blues, r'n'b |
| Zaběry | Gitarist, spiwaŕ |
| Typy głosa | tenor |
| Aktiwna doba | 1963 - 1970 |
| Platowe marki | Polydor, Capitol |
| zwězane Zwězane wustupy |
BB King, Little Richard, Jimi Hendrix Experience, Band of Gypsys |
| Websydło | jimihendrix.com |
| Wažne instrumenty | |
| elektriska gitara | |
Jimi Hendrix, James 'Jimi' Marshall Hendrix (roź. 27. nowembra 1942 Seattle, USA – wum. 18. septembra 1970 w Londonje) jo był US-amerikański rockowy a bluesowy gitarist, spiwaŕ, komponist, producent a muzikowy a kulturny nowotaŕ. Wón jo był znaty ako muzikowy mejstaŕ a wirtuoza elektriskeje gitary.
Pó měnjenju wjele muzikarjow, muzikowego casopisa Rolling Stone, amerikańskego Rock and Roll Hall of Fame a drugich muzikowych institucijow, Jimi Hendrix płaśi ako jaden z nejžlěpšych rockowych gitaristow wšakich casow.
Wón jo był lěwicaŕ, togodla jo grał na pśewobrośonej gitarje. Jimi Hendrix jo był pioněr pśewopacnjenja zuku elektriskich instrumentow a jo inspirěrował cełe generacije muzikarjow. Wón ako prědny wužywał stereofoniskeju synchrony a psychedeliskich efektow zukowych na elektriskeju gitaru a zmócnjakach.
Jimi Hendrix jo dobył mjazynarodnu woblubowanosć za spiwy "Hey Joe", "Purple Haze", "The Wind Cries Mary", "Voodoo child", "Foxy Lady", "Electric Ladyland", "Crosstown Traffic", a "All Along The Watchtower", a teke za jogo slědneju studijnu platu "Electric Ladyland". Wón jo grał na Festiwalu Woodstock w 1969, a drugich festiwalach a koncertach. W 1967, Jimi jo grał na Monterey Pop Festiwalu, a na kóńcu jo zapalił jogo gitara na jawišću.
Jimi jo grał jogo slědny koncert 6. septembra 1970 na Open Air Love & Peace Festiwalu na nimskej kupje Fehmarn pśi Šleswig-Holštejnskeju. Źinsa jo tam kamjeń k spominanju, a jo był tam teke muziski festiwal dopomnjeńka Hendrixa wót 1995 do 2010.
Jimi Hendrix jo lubił psychedeliske stawy wědobnja a dla togo wužywał wopowadła ako hashish a LSD. Wón wumrěł wjelgin młody na naddozis barbiturata w Londonje.
Galerija
.jpg.webp)
Jimi Hendrix w Madame Tussaud
Jimi Hendrix 1968
Jimi Hendrix 1967
Jimi Hendrix Experience
Kamjeń Hendrixa na kupje Fehmarn
Memorial Hendrixa
Diskografija
- 1967: Are you Experienced?
- 1968: Axis Bold as Love
- 1969: Electric Ladyland
- 1970: Band of Gypsys
Pó smjerśi:
- 1971: Isle of Wight
- 1971: The Cry of Love
- 1971: Rainbow Bridge
- 1972: War Heroes
- 1974: Loose Ends
- 1975: Crash Landing
- 1997: First Rays of the Rising Sun
- 1998: The Jimi Hendrix Experience: BBC Sessions
- 1994: Blues
- 1999: Live at the Fillmore East
- 1999: Live at Woodstock
- 2002: Blue Wild Angel Live at the Isle of Wight
- 2003: Live at Berkeley
- 2006: Live at Monterey
- 2010: Valleys of Neptune
- 2010: The Jimi Hendrix Experience (box set)
- 2013: People, Hell and Angels
