| Jan Bjedrich Tešnaŕ | |
|---|---|
 | |
| Zakładne daty | |
| datum naroźenja | 18. oktobra 1829 |
| rodna wjas | Gołkojce |
| datum wumrěśa | 14. junija 1898 |
| městno wumrěśa | Bad Oeynhausen |
Jan Bjedrich Tešnaŕ, nim. Johann Friedrich Teschner (roź. 18. oktobra 1829 w Gołkojcach, wum. 14. junija 1898 w Bad Oeynhausen) – jo był dolnoserbski faraŕ, pśełožowaŕ, towarišnostny procowaŕ a spisowaśel.
Wón jo wuknuł na gymnaziumje w Chóśebuzu, pón jo w Bralinju teologiju studěrował. Wót 1862 až do swójeje smjerśi wón jo był z fararjom we jsy Nieda (źins wjas Niedów w Pólskej).
W 1849 Jan Bjedrich Tešnaŕ jo załožył towaristwo serbskich gymnaziastow "Łużyca", kotarež jo se zaběrało ze serbskeju rěcu a serbskeju literaturu. Wón jo pisał nastawki do Bramborskego Serbskego Casnika, wydawał prjatkarske knigły a bibliske pśełožki. Na pś. w 1860 jo wudał serbski pśełožk Nowego Testamenta znowa rěcnje wóbźěłany a w pólepšowanem serbskem pšawopisu.
Publikacije
- 1858 – Z kjarchoba domoj, Barmen
- 1858 – Serbske duchowne kjarliže, Chóśebuz
- 1860 – Zakopowarske knigły, Chóśebuz
- 1860 – Nowy Testament, Halle
- 1869 – 80 duchownych kjarližow, Worjejce
- 1869 – Ten Kněz jo moj pastyŕ, Chóśebuz (2 wud. 1879, 3. wud. 1892)
- 1875 – Nowe bjatowarske knigły, Chóśebuz (2. wud. 1892)
- 1883 – Mjertyn Lutherusa žywjenje a statki, Worjejce
- 1888 – Kejžora Wylema I. žywjenje a statki, Worjejce
Literatura
- Ludmila Mětškowa: Tešnaŕ, Jan Bjedrich . W: Jan Šołta, Pětr Kunze, Franc Šěn (wud.): Nowy biografiski słownik k stawiznam a kulturje Serbow. Ludowe nakładnistwo Domowina, Budyšin 1984, b. 565-566
- Jan Bjedrich Tešnaŕ, [w:] Frido Mětšk: Chrestomatija dolnoserbskego pismowstwa wot zachopjeńka až na cas kněstwa fašizma w Němskej, Budyšyn 1982, b. 193-194.